26.1.08

عقل بيجنن

بسمة ، فيه نقطتين ، لو اتأكدنا منهم حقولك اتكلي على الله ، أولا مقتنعة ؟

لو على دماغي أو عقلي لو فكرت بيه حتلاقيني مقتنعة أو بمعنى أدق هو ده المنطقي اللي المفروض يحصل ، انما لو جينا للي أنا عاوزاة

ها ؟

لو جينا لنقطة أنا عاوزة ايه حتلاقي الموضوع يختلف ، بس المنطق بيقول عكس كده ، هى دي نقطة الاختلاف .

وهو ده اللي حيرجعنا لنقطة الصفر


عارفة ؟ ،المشكلة دي كانت في أنف وثلاث عيون ، كانت واحدة من البطلات ماشية باحساسها ، اللي تحس انها عاوزة تعمله بتعمله ، بس البطل قالها جملة جامدة جدا ، قالها أن البشرية ما تقدمتش الا لما كل واحد قدر يسيطر على رغباته ميمشيش ورا احاسيسه ، وأن حياة الانسان مش قائمة على احساسه وأن الانقياد للاحساس يعتبر فوضى وانحلال ، يعني مثلا لو حسيتى أنك عاوزة تقلعي هدومك في الشارع حتقعلي ؟، ولو أنا جالي احساس انى عاوز اقتل حد حروح اقتله ، الانبياء والفلاسفة والمفكرون مقدروش يعملوا االي عملوه إلا لما قاوموا غرائز البشر وسيطروا على احساسهم

المشكلة انى بردو في نفس المشكلة ، وكان أدامي اختيارين ، وجربت الاتنين فعلا ، بس فشلت ووصلت لمرحلة اني اسيب الموضوع من غير تخطيط وما اعملش حاجة ، يحركه الله كيفما يشاء

مينفعش

عارفة ، لان الازمة حتتعقد اكتر

كمان لو كل انسان فضل ماشي من غير تخطيط مش حيعرف يعمل حاجة ، عمر طاهر قالها ، أصعب حاجة انك متعملش حاجة لأنك مش حتبقى عارف حينتهى امتى .

**********

حتقولولي ان الوسط هو الحل ، بس مشكلتي اني عقلانية أوي زيادة عن اللزوم ، حتى الاعتقاد بعدم وجود جزء
يقع في الجانب الأيسرخلف الفقص الصدري مهم وحيوي لحياة الانسان ما ان توقف توقفت حياته، حتقولولي العقل نعمة ، حرد عليكم بس الحاجة لما تزيد عن الحد بتتقلب للضد وبتتحول لنقمة ، ماما دايما تقولي أن العقل الزيادة بيجنن وبطلي تفكري بعقل أوي .

العقل الزيادة يعني ضمير مستريح أوي ، بس ضغط على نفسي أوي أوي
مشتت ما بين انك عملت اللي المفروض والمنطق بيقول عليه ، وبين اللي انت عاوزة
أنا عندي قدرة غريبة على انى أضغط على نفسي وأخليها ترضخ لصوت العقل والمنطق .. بس خايفة من ثورتي على نفسي ، لأني ساعتها مش حرحمني .

هناك 95 تعليقًا:

Che Ahmad يقول...

اول تعليق بحجز بس
هقري وارجع اعلق
:D

تشي

Che Ahmad يقول...

مممممممممممممممممممم
مشكلة
انا كمان ما بعترفش بالحل الوسط اوي
بس اللى بعمله انى بعمل اللى انا عايزه مش اللى المنطق بيقول عليه
المنطق يعني بمشي ورا اللى الناس عملوه قبل كدا علشان دا المضمون لكن انا بقي لا انا هعمل اللى انا عايزه ولو طلع غلط يبقي افيد ليا لأني جربت واخترت وغلطت وكمان اكيد استفدت
قولتيلي قبل كدا عمر طاهر قال لو قدامك طريقين جربت واحد جرب التاني اللى بيحصل ان المنطق دا الطريق الاولانى اللى الناس جربته واهديتك النتائج على طبق من فضة اما التاني فدا اللى انا عايزة واللى همشي فيه واكمله ولو طلع على اسوء الفروض وحش خلاص هرجع وامشي زى الناس بس بعد ما تميت تجرتي الشخصية ولما ارجع للطريق التاني او المنطق همشي فيه بمزاجي انا برضه مش زى ما كل الناس مشيت
انا ايه لزمتى فى الحياة لو فضلت امشي ورا اللى الناس عملوه قبل كدا
لازم اجرب واعيش كل حاجة بنفسي وزى ما انا عايز وانا بس مش حد تاني

كمان بلاش تضغطي على نفسك هيجي الوقت اللى هتنفجر فيه ومش هتقدر تحتويها تاني والانفجار يا يكون لبرا وتلاقي علاقاتك مع الناس اللى حواليكي بتدمر او انفجار داخلي وتلاقي نفسيتك متدمرة ومش قادر تحتويكي ودي حاجة وحشة جدا
اسئلي مجرب :D

طولت كتير يمكن الكلام مش مترتب بس كنت بقول وجهه نظري الشخصية

تحياتى كتير وربنا يوفقك وتختاري صح
تشي

محمد عبد الغفار يقول...

لكل مقام مقال ، والعقل عندى افضل

truelove يقول...

بصي ياقمر العقل جميل وقرارته دايمامبتخيبش بس انا من وجهة نظري ان في امورلا لو المشاعر مدخلتش فيها هتبقى جامدة قوي ومش هتنفع خالص يعني مثلا لما الاب او الام لما يجوا يقسوا على ابنهم لو المشاعر والعاطفة ملهاش وجود ممكن حياتهم تنتهي في ايدهم وغيرها وغيرهاانا شايفة كثير من العقل قليل من العاطفة حلسليم قوي تحياتي وسلامي

son's egypt يقول...

السلام عليكم
انا معاكي في نقطة اننا مش لازم نمشي ورا الاحاسيس فقط
لاننا لو حكمنا الاحساس فقط ممكن يكون الحكم مش سليم او غير منطقي
وغالبا ما تكون الحلول الاوسطي حلول وقتيه وليست حلول جذرية بالمعني المفهوم

Van Gogh يقول...

mesha2dra

اخبارك ايه؟؟
والدنيا عاملة معاكى ايه؟؟
بقالى كتير مزرتكيش بس غصب عنى
الغربة كانت واكلةدماغى
كل سنة وانتى طيبة..عارف متأخرة كتير
بس دى لرمضان والعيد والسنة الجديدة
وعارف انك هتقبليها

كلامك مهم جداُ
العقل ولا القلب..ولا محاولة الوصول للوسطية اللى ممكن تخلى قررارتك فى الأخر بلا معنى

لا هى قلب ولا هى غقل

انا شايف ان اى قواعد اصلها انسان زيى وزيك تترمى ورا ضهرك

لأن الانسان افتراضى
بمعنى ان القرارات والقوانين والأفكار اللى حطها انسان كلها نسبية
تختلف من واحد للتانى
ومن وقت للتانى

يفضل الدين
وعشان ده موضوع من الخالق نفسه
فلا نقاش فيه
اللى خلقك وخلق الدنيا قالك تعمل ايه عشان تكون سعيد
قالك تاخد قراراتك ازاى

كلامى كتير....عارف

بس الموضوع كلنا بنفكر فيه
مش عارف وجهةنظرى وصلت ولا ايه

عموما تحياتى ليكى
وهتشوفينى تانى

غير معرف يقول...

كنت بقرأ كتاب لمحمد قطب مش متذكر كان دراسات في النفس الإنسانية و للا دراسات قرآنية

كان بيتكلم إن العقل بالنسبة للنفس يعتبر الخادم الذي يؤكد على متطلبات النفس

أي أن القرار نفسي في الأساس و العقل يخدم عليه.

لو لاحظتي إنك أحيانا و زي ما كتبتي بتلاقي اختلاف بين اللي انت عاوزاه و للي شايفة إنه منطقي

ولكن لو راجعتي تصرفك بعد ما حصل و انت ربطيه بالعقلانية . لو راجعتيه هتشوفي ان لولا ميلك النفسي في حينها كنت رفضتي تنفيذ هذا العمل.

مش قصدي إننا بنلغي العقل . العقل دوره يهدي , يناور , يؤخر لكنه مش مبادر.

مدونة لذيذة الصراحة

تحياتي

Abd-Alrahman يقول...

بصي مينفعش العقل لوحدة ومتنفعش المشاعر لوحدها
لازم الاتنين مع بعض
المشكلة فعلا ان امتي دة يزيد وامتي دة يزيد

بوست جميل

doda يقول...

لازم العقل يبقى دايما فى المقام الاول
مش معنى كدة ان انا بنت عاقلة
لالالالالالا دة انا مصيبة

شوية ابقى عاقلة وشوية ابهدل الدنيا

بس لما ترعفى تتحكمى فى نفسك وتتصرفى بالعقل الامور والوضع بيبقى افضل

حلم الحرية يقول...

أنا عندي قدرة غريبة على انى أضغط على نفسي وأخليها ترضخ لصوت العقل والمنطق .. بس خايفة من ثورتي على نفسي ، لأني ساعتها مش حرحمني .
ـــــــــ

بعيدا عن البوست نفسه والجدلية اللي فيه العقل وللا القلب ...انك تمشي ورا احساسك وللا ورا تفكيرك العقلاني
وبعيدا عن رايي اللي هو ان لكل مقام مقال

جملتك الاخيرة هيه اكتر حاجة استوقفتني في البوست كله لانها في رايي هيه اللي مشكلة حقيقية
اننا نحط اولوية للعقل ونقلل مساحة الانفعالات التلقائية اللي بدون تفكير
ولا منهجية عقلية فنضطر نضغط علي نفسنا
بس الخوف فعلا زي ما قلتي انك توصلي لمرحلة الثورة علي نفسك
ومحدش عارف بعدهاهتقدري تحتوي ثورتك علي نفسك دي وللا لا
الضغط بيولد الانفجار..
عن تجربة ..خلي بالك من الموضوع ده
:)

تحياتي ودعواتي

غير معرف يقول...

والله يا بنتى انتى فى نعمة مش عشان العقل بس عشان قدرة تضغطى به..مش عارفة لو كنت فاهمة صح ولا غلط بس انا لما بضطر اعمل زيك بحس انه خلااااص هينط من جسمى ويقولللى (والله مانا لاعب) خلاص اتقطع بما فيه الكفاية...بس ارجع واقولك الحل انهم يتصاحبوا يعنى انا مش بعرف اهديه وارجعى لمكانه تانى(اللى هو قلبى) اللا اما اقنعه ان العقل دة بابا وماما اللى خايف عليه وبيحافظ عليه من القهرة والحزن وتأنيب الضمير وهنا سعات بيسمع الكلام زى الطفل اللى بتقوليله كدا غلط تتعور فيقطنع وهو نفسه ولكن....

عمر عاصي يقول...

السلام عليكم

اختي الكريمة !!

عل يمكنك التواصل معي بخصوص هذا القالب !! اريد ان احصل على قالب مثله ,, مدونتك رائعة ومميزة بظاهرها وباطنها فالموضوع شعبية نوعا ما والمظهر متألق ..

فهل يمكنك التفضل الى مدونتي ! وان تخبريني من اي حصلت على هذا القالب ؟ ؟؟؟؟؟؟؟؟؟؟؟؟؟؟

ارجو ان لا تتأخري في الرد !

اخوكم : احمد العربي

mesh2dra يقول...

السلام عليكم

تشي

براحتك يا فندم
البلوج بتاعتك اصلا لانك بتدخلها اكتر من صاحبتها :d
سلاماتي

mesh2dra يقول...

السلام عليكم

تشي

المنطق مش يعني اللي الناس عملته قبل كده
المنطق يعني اللي المفروض يتعمل
يعني اللي عقلك بيقولك عليه
كل حسب مبادئه وقيمه اللي حاططها لنفسه

فيه يا تشي حاجات محظورة من التجربة
لو جربتها حتخسر كتير
وبالتالي احنا في غنى عن الخسارة
ومش كل حاجة ينفع نجربها وإلا حنبقى في مشاكل مش حنخرج منها ابدا

كمان بلاش تضغطي على نفسك هيجي الوقت اللى هتنفجر فيه ومش هتقدر تحتويها تاني والانفجار يا يكون لبرا وتلاقي علاقاتك مع الناس اللى حواليكي بتدمر او انفجار داخلي وتلاقي نفسيتك متدمرة ومش قادر تحتويكي ودي حاجة وحشة جدا

مفيهاش أو
فعلا وصلت لدرجة انى بهرب من اصحابي ومن الناس
مش فاهمة فيه ايه

دعواتك فعلا

شكرا على رأيك كتير:)

سلاماتي

mesh2dra يقول...

السلام عليكم

مستر محمد عبد الغفار

خير الكلام ما قل ودل:))

مقتنعة ان العقل افضل كتير

سلاماتي

mesh2dra يقول...

السلام عليكم

true love

وجهة نظرك معقولة جدا
مينفعش قلب قاسي اوي ولا ماشي بالاحساس اوى

مثلك في محله

بس فيه قرارات مصيرية
وهى دي المشكلة

نورتيني كتير:)

سلاماتي

mesh2dra يقول...

وعليك السلام ورحمه الله وبركاته
son's egypt

الاحساس فعلا مينفعش يبقى هو الحكم
الدنيا حتبوظ ساعتها

والحلول الوسطية انا بردو لا اقتنع بها

ولما نقول ان لكل مقام مقال
ونيجي للمقام عشان نطبق المقال ما بيتطبقش
وبتظهر بردو نفس المشكلة
انا عاوزة ايه واللي المفروض يحصل

نورتني كتير:)

سلاماتي

mesh2dra يقول...

السلام عليكم

van gogh

الحمد لله أنا كويسة
وطبعا حقبلها
حضرتك تقول اى وقت
وحضرتك طيب وبخير وف خير دايما يارب

وجهة نظرك وصلت فعلا
وفعلا اقتنعت مؤخرا ان اللي ممكن انا اعمله غيري ما يعملوش في نفس الموقف
وكنت ببقى مستغربة جدا لان هو ده " المفروض " اللي يتعمل

الحل هو مبادئك اللي حاططها لنفسك
مادام بتطبقها حتبقى مستريح
ونفسك بقى تقاومها
وتعلمها الادب... مش النفس أماره بالسوء

يا هلا
دايما تشرف

سلاماتي

mesh2dra يقول...

السلام عليكم

kimexlilo

رأى مختلف جدا
وعجبني جدا
يستحق الاحترام

شكرا يا فندم الله يكرمك:)


سلاماتي

mesh2dra يقول...

السلام عليكم

dr-online

آآآخ
حطيت ايدك على نقطة مهمة
امتى العقل يزيد وامتى
الاحساس يزيد
أكيد حسب الموقف

طب وانا ايه اللي يعرفني ان انا صح ؟!
حلقة مفرغة ومش حنخلص:d

سلاماتي

mesh2dra يقول...

السلام عليكم

doda

بصراحة لولا انى عاقلة كان زمان ماما وبابا بيشدوا شعرهم

انا بيبقى عندي بلااااااوي وافكر مصيبة تودي ف داهية
وببقى عارفة ومتأكدة انى مش حنفذها
مش خوف ... بس عشان العقل بيقول انها غلط

نورتيني دودا :)
وبطلي مصايب

سلاماتي

mesh2dra يقول...

السلام عليكم

حلم الحرية

فعلا ربنا يستر أوي

أنا لغاية دلوقتي بحايل فيها وأصالحها
بس هى تعبت أوي

بس حكفر في طرق جديدة لترويضها :D

ربنا يستر
دعواتك

نورتيني كتير يا مروة

سلاماتي

mesh2dra يقول...

السلام عليكم

جيسي

والله يا ياسمين فعلا بقعد اقنع ف نفسي
وان هو ده المظبوط وهو ده المفروض انه يحصل
زى ما بتقولي بالظبط
ساعات بقتنع وساعات برفع راية العصيان واقولي كده كفاية اوى ارحميني

وعاوزة اعودها ان مش كل حاجة أنا عايزاها اعملها
حاسة انه ترويض الشرسة :D


رأيك معبر أوي أوي
لأقصى درجة

حتى ياربي العيال اللي بصاحبهم عيال عاقلة اوى كده
ده انا اتخنننننننننننننننننننقت
دي نفسي اللي بتقول الجملتين الاخيرتين

متخافيش حربيها واعلمها الادب :d

قبلاتي وسلاماتي

mesh2dra يقول...

السلام عليكم

احمد العربي

حاضر يا فندم

وشكرا على رأيك

سلاماتي

momken يقول...

" اعقلها وتوكل "
كان هذا راى سيد البشر ورسول الانسانيه
صلى الله عليه وسلم

ومعنى هذا...ان نستخدم العقل فى الموافقه او رفض العاطفه
الوعطف ليست منعزله عن العقل باى حال من الاول
فعندما بدات العواطف تتحرك بداخلنا استشارنا العقل
وحكمنا ووقتها ايد العقل او قاوم راى العاطفه
فهو موجود اصلا من البدايه
ولكن مع الوقت تاكدت العاطفه من صدقها وولقعيتها فتحررت من هيمنه العقل
فعندما نسير وراء العاطفه فى النهايه ليس هذا تحرر من العقل

انا رغيت كتير
المهم محدش يعمل حاجه علشان قلقان من رد فعل المجتمع او كلام الناس
او تغير وضع لمجرد تغيره
كمان عاطفه المراءه صادقه دئما جدا

تحياتى

Unknown يقول...

العقل و لا القلب
غصب عنك بتميلا لقلبك مع اللحاجات اللي بتحبها و الحاجات اللي بتكرها بتميل لعقلك
اصعب شئ انك توصل للوسط

semsem يقول...

الكلام فوق الوصف
احييكي على افكارك
والمدونة جميلة عجبتني اوي
مع تحياتي
سمسم

كفايـة طيبـة يقول...

sab3a w 3shren comment bss

yb2a enty lessa menazzela el post dh mn sa3teen wala 7aga .. sa7? :D

tayb awalan ana msh 3arfa arodd 3la el post dh walla el kalam elly enty katbah barra 3la momo

3la fekra msh lazm dayman te7asesy nafsek belzamb l2enn el ayyam benko en shaa allah gayya aktar mn elly ra7t w hatshofeeha tany en shaa allah
bss yareet lamma tshofeeha t3awwadeeha koll elly fat w tfaddelha nafsk 24 sa3a
3shan akeed enty w7shteeha zay mawa7ashetek
sadda2eeny akeed hyya msh 7assa ennk me2assara m3aha wala 7aga,, hyya bss momken tkon bt7tag wogodk gambaha fe aw2at keteer bss lel2asaf zorof safarha msh betkhalleeha momkn tla2y koll elly bet7tago
7elo awy lamma el wa7ed y7b 7ad y2ollo... dy 7aga bgd mohemma awy

eh elly ymn3ny mn enny lamma a7b 7ad a2ollo??? enty matetsawwareesh momken el kelma dy tefarra7 elly oddamk ezzay

dh lao 7ad msh t3rafeeh w 2alhalk hatenbesty...fama balek b 7ad enty kaman bt7beeh

3la el 3omom msh 3ayza atawwl fel radd m3 enno tewel khalas :D

belnesba lelpost b2a

msh 3arfa..
sa3at el wa7ed byb2a m7tag el 32l awy w sa3at byb2a m7tag el 2lb w el 32l m3 b3d
lakn 3omrna ma hanakhod right decisions bel alb bss
bossy ya "msh2adra" enty lao 7keteely mawkef mo3ayyan ha2ollk y7tag mnnk eh ,,, alb w 32l walla 32l bss...??

so2al bss abl mamshy
hwa el blog b2a bel3araby walla dh computry byhayys???
el comments 3la el ymeen msh el shemal??
msh moshkela

w sorry 3shan el logha bss 3shan mafeesh 3araby fel comp. bta3y


ba7ebek ya basma :)

mesh2dra يقول...

السلام عليكم

momken

عليه افضل الصلاة وارق السلام

متفقة معاك جدا
بس فيه حاجات بتبقى محتاجة قسوة فظيعة لحماية احدهم بتبقى حيران بين انك تقسى على حد عشان بتحبه وبين انك بتحبه اصلا ويبقى صعبان عليك

لا سيبك من المجتمع
لأن محدش بيتفق على حاجة
ولو فضلنا شايلين الدنيا فوق دماغنا مش حنخلص ومش حنعرف نرضى الكل
وبالتالي نعمل اللي يرضي ضميرنا ويتفق مع ديننا ومبادئنا

نورتني كتير
وشكرا على رأى حضرتك اوي:)

سلاماتي

mesh2dra يقول...

السلام عليكم

محمد صبحي

اصعب شىء انك تتفق مع كل التعليقات رغم الاختلاف بينها :d

بس العقل لازم يدخل ف كل حاجة حتى الحاجات اللي بنحبها
لولا استخدام وتدخل العقل لحدث عدم توازن

بس السؤال كما جاء بتعليق احدهم امتى استخدم العقل بزيادة وامتى استخدم العاطفة بزيادة

بس كده :)

سلاماتي

mesh2dra يقول...

السلام عليكم

s-g-s

بجد الله يكرم حضرتك
شكرا اوى على رأيك

نورتني كتييير:)

سلاماتي

mesh2dra يقول...

السلام عليكم

كفاية طيبة

اللي هى منى .... مومو
اللي هى مامتى الصغيرة
اللي هى بتخاف عليا اوى
اللي هى بتفهم انا كويسة ولا لأ
من مجرد سؤالي .. انتى اخبارك ايه
ورغم ان الاجابة بتكون واحدة الا انها بتقولي ساعات لأ انتى مش كويسة وبكون فعلا مش كويسة ... اموت وافهم بتعرف
ازاى:D
منى ... مومو اللي هى كفاية طيبة اللي هى انا بحبها اوي

ده بس كان تعريف بسيط بالانسه مومو

انتي بتتكلمي يا بنت كأنك مش هى ليه
طيب اعمل نفسي كأنى انا كمان مش عارفاكي واتكلم عليكى كأنك مش انتي
حتة استعباط يعنى:d

من ناحية الاحساس بالذنب ففيه فعلا احساس كبير بالذنب
عشان الانسان مش بيحس بقيمة الشخص ولا الحاجة الا لما تبعد عنه او يفقدها
انا كنت ممكن اتصرف... اعمل اى حاجة عشان اخرج معاها ، عشان اتكلم معاها ، عشان ماازعلهاش منى ، بس اللي حصل ان مكنش فيه وقت، كنت مضغوطة اوى ومازالت والله بس كان ممكن اوفق وما ازعلهاش منى
ولا اخليها توصل لمرحلة انها تقولي انتى مش من النوع اللي بيسأل على حد
شفتى
حتى مكالمة التليفون اللي مش حتاخد غير 5 دقايق اسمع صوتها فيها ماكانتش بتحصل الا لما بتوحشنى اوى اووووى

ان شاء الله حعوضها كتيييير اوى
بس قوليها ماتنزلش لانى انا اللي جايلها مش هى

اكيد بكون فرحانة اوى لما حد يقولهالي
بس على اد مابكون فرحانة على اد ما بتخنق والدموع تتحبس في حلقي واحس انى حموت وبتوصل للعياط
مش عارفة ده نتيجة احساسي انى ماستاهلش اصلا ولا ايه
ولا انا كمان حقدر اقولها لحد من اصحابي ولا حتى لامى فيس تو فيس
لما بقولها لماما ساعتها بكون حاضناها وبخبي عينى في كتفها عشان اخبي دموعي... شفتى وصلت لايه :D

شفتى تاتش الفضيحة دي
ده مش تاتش دي فضيحة فعلا
دونت ووري محدش بيقرا الكومنتس
وبالذات كومنت طويل زى ده:D

جوجل اتعرب اصلا
شكله كده
وبالتالي بلوجسبوت كه

ولا يهمك
اكتبي باللي انتي عاوزاه

بس اوعي توصلي الكلام اللي قلتهولك ده لمنى .. مومو
كلام ف سرك يعني

خدى بوسة بقى
وأنا بحبيييكي اوى يا منى
ربنا يخلليكي ليا

كفايـة طيبـة يقول...

yasalaaaaaaam

y3ny fe3lan lama ba2ollk enty feeky 7aga byb2a feeky w btkhabby 3lyya

allah ysam7k... lan ansa laky haza el mawkef

عشان الانسان مش بيحس بقيمة الشخص ولا الحاجة الا لما تبعد عنه او يفقدها

kalamk sa7e7...

bss bardo hawweny 3la nafsek ,,, haroo7 feen y3ny

ommal lao kont mott konty 3mlty eh b2a?? :D
yarab momo msh tmoot abl mat3awwadeeha elly fat kollo 3shan mat7sseesh belzamb

حتى مكالمة التليفون اللي مش حتاخد غير 5 دقايق اسمع صوتها فيها ماكانتش بتحصل الا لما بتوحشنى اوى اووووى

3shan keda momo kanet bet7ebbaha awyyy w betetmanna el 5 da2ay2 dool delw2ty aw 7atta nossohom:)

w b3deen eh 7kayt mastahelsh enn 7ad y7ebny dy??? balash el kelma dy tany ... 3shan hatederby
mamtk hatedrabek

7ader msh ha2ool wala hageeb seera l momo don't worry

:D

nour el 3ozamaa يقول...

احييكي علي البوست الرائع واتمني لكي وقتا سعيدا :)

كفايـة طيبـة يقول...

w b3deen khalas el marra el gayya eb2y 2oleeha w khabby 3eneeky fe ketf momo
el mohm t2oleeha :)

د/اجدع بنوته يقول...

سمحت لنفسى .. انى اقدملك تاجين هديه

هتقبليهم ..

النبى قبل الهديه ؟؟

ع العموم هما عندى .. شرفينى وخديهم

aya يقول...

مش قادرة يا حبيبتى

بصى بقى
انا مختلفة شوية مع الناس انا رايى انك تحكمى قلبك ولكن بتوجيهات من عقلك
بصى
ناس كتير اوى تقولك العقل احسن

بس لا
القلب اكثر حكمة من العقل
يعنى تحكمى الاتنين سوا فى اى مشكلة

وربنا يعينك ويهيدكى للصح دايما

غير معرف يقول...

مش عارف اقول ايه بس اللي عايز اقولة من وجهة نظري الشخصية انك لو حكمتي قلبك بس اكيد هتخسري كتير
ولو حكمتي عقلك بس بردو هتخسري الكتير
حكمتي الاتنين وربنا يهديكي للصح
مع تحياتي
سمسم

صوت من مصر يقول...

عمرى ما كونت مقتنع بان العقل شىء لابد انه يكون زياده عن اللزوم
انا عن نفسى اعشق الجنون وكتير من الناس عرفتنى انى مجنون فى كل حاجه مبيهمنيش حد لكن فى حدود انى عمرى ما هدوس على طرف حد لكن فى النهايه حر

يا مراكبي يقول...

إممممم

لو عشتي في طاحونة من الأمور العملية ليل نهار هتلاقي نفسك في الآخر محتاجة لفاصل كبير من الأمور العاطفية والحسية

ولو عشتي ليل نهار في بحر من العواطف هتلاقي نفسك محتاجة مقفة عملية شوية

الإنسان ملول بطبعه .. وفي نفس الوقت ما يقدرش يعيش في إتجاه من الإتجاهين دول على طول الخط

ساعة وساعة


خليكي على طبيعتك وحسب الظروف والأحوال

الطائر الحزين يقول...

ان العقل يشطط
والقلب يحن

حكمى الضمير

شيماء الجيزى يقول...

مقدرش اكلم فى مشكلة بمر بيها
بتكلمى عنى ولا ايه؟

هسمع معاكى التعليقات
بس صدقينى
انا ممكن اقول العقل
بس
............
واظنك فاهمه

عاوزاكى ضرورى
عايزة اشوفك لما انزل
اوك؟

بسمه عبدالباسط يقول...

ليكى تاج عندى روحى استلمية
باااااااااااى

و القادم....أجمل يقول...

مش عارف
بحس ان اتحاد العقل و القلب
بيبأه مزيج رائع

أنا للأسف بمشي ورا قلبي اوي
:( لأني بقع كتير

ربنا يحفظك
:)

د/اجدع بنوته يقول...

العقل زينه .. بس فعلا لو زاد التفكير عن حده

بيقلب لضده .

البشرية ما تقدمتش الا لما كل واحد قدر يسيطر على رغباته ميمشيش ورا احاسيسه

المقوله دى ملخصه اساسيات كون فعلا

فكرى .. بس ف نفس الوقت حسى

نصيحه منى (( م اختك الزوغيره )) لان تقريبا

كنت بمر بنف المأزق ده ووصلت للثوره

اللى انتى حاسه انك ف طريقك ليها

وكانت صعبه اوى

خسرت كتير بسبب عقلى

حرمت نفسى م لحظات حلوه كان مفروض اللى يحس بيها قلبى مش يفكر فيها عقلى

دربى نفسك ع انك تركنى العقل شويه

وتمشى بالقلب .. واحده واحده

هتلاقى الامور بقى فيها توازن

والعقل بقى تقريبا بيساوى القلب

والاتنين شغالين سوى ف ميكانزم غريب

علشان يخرجولك الفكره متبلوره فى

احساس وتفكير مع بعض

تحياتى

mesh2dra يقول...

السلام عليكم

كفاية طيبة

احم احم
ايوة يا مومو ... نعم
والله يا بنتي كنت بحس انك عاملة لينك مع ... " بسم الله الرحمن الرحيم ":P
قلب المؤمن دليله بقى:d

ommal lao kont mott konty 3mlty eh b2a?? :D
yarab momo msh tmoot abl mat3awwadeeha elly fat kollo 3shan mat7sseesh belzamb

عارفة لو كنتي أدامي دلوقتي كنت عملت فيكي ايه
طبعا انتى عارفة ...بأى حاجة أدامي
موبايل وف ناوخك
قلم وف عينك
مج وف وشك
احمدي ربنا بقى انك مش أدامي
حمدتي؟
ماسمعتش... بصوت اعلى شوية

يالا كفاية عليكي كده:P

تيك كير

قبلاتي

mesh2dra يقول...

السلام عليكم

نور العظماء

شكرا :)
الله يكرم حضرتك

سلاماتي لك

mesh2dra يقول...

السلام عليكم

كفاية طيبة

مومو

ههههههههههه
ماشي حبقى اخبي وشي

انتى على فكرة صاحبة افكار شريرة:P

i love u mona

mesh2dra يقول...

السلام عليكم

د/ اجدع بنوتة

سمحتى لنفسك!!!!
ايه البنت دي

وبتسأليني كمان حقبلهم ولا لأ

يا بنتي
انتي تدخلي تقوليلي
ليكي عندي تاجين تعالي خديهم

انما سمحت لنفسي وحتقبليهم مش هنا في البلوج ده:d
انا لو اتعودت على الادب ده مش حتعرفي ترجعينى تانى ...... انتي حرة بقى:d

شكرا يا دكتور كتييير
مقبولين اكيد :)

سلاماتى

mesh2dra يقول...

السلام عليكم

آيه

والله يا آيه انا احترت
بس اللي اكتشفته ان التحكيم ده بيكون بناء على الموقف نفسه
يعني فيه مواقف بتتطلب عقل وحكمة اكثر والعكس بردو

ساعات بتبقي أدام موضوع لو اخترتي فيه انك تفكري بقلبك مش حتوصلي لقرار سليم

عارفة
كمان الموضوع راجع للشخصية اكتر

شكرا يا يويا
الله يكرمك:)
انا وانتى يارب

سلاماتي

mesh2dra يقول...

السلام عليكم

سمسم

عندك حق طبعا
ما هو الموضوع اكيد خليط
بس ده نسبته ايه وده نسبته ايه:d

سلاماتي

mesh2dra يقول...

السلام عليكم

صوت من مصر

بص
العقل مهم جدا
يعنى لما وصلنا لنقطة انى خلاص ححكم عقلي والعاطفة ولما قلنا ياترى مين يكون اكتر او مين يكون متحكم حتلاقي العقل
عشان توصل لقرار سليم ضميرك يرضى عنه
لابد وان ترضي عقلك

العقل لا يمنع الحرية
ولا مثلا يخليك ماتعشش بجنون
لا عيش زى ما انت عايز
بس وقت ما تيجى تختار حتلجأ له

نورتني كتيير
:)

سلاماتي

mesh2dra يقول...

السلام عليكم

يا مراكبي

عندك حضرتك حق

عقل بقى او عاطفة مش فارقة
اهم حاجة اكون مستريحة نفسيا لقراري
والراحة النفسية يعنى ارضي ضميري
ورضاء الضمير معناه التفكير بعقلانية:d
أنا تعبت :)))))


سلاماتي

mesh2dra يقول...

السلام عليكم

الطائر الحزين

عندك حق
بس الضمير تبع العقل
يعنى لو رضيت ضميري حكون بفكر بعقلي:))

سلاماتي

mesh2dra يقول...

السلام عليكم

شوشو

فاهمة
وانا كمان بقول العقل
العقل منجي :))

ماشي طبعا
قوليلي نازلة امتى

سلاماتى وقبلاتى

mesh2dra يقول...

السلام عليكم

بسبس الروح

حاضر يا بسبس
ميرسي ليكي

سلاماتي

mesh2dra يقول...

السلام عليكم

والقادم ... أجمل

اكيد حيعملوا مزيج رائع

خدي بالك وابتدي اتعودي انك تاخدي قرارك عن اقتناع
وحكمي عقلك:))

ربنا يحفظك ويحفظنا
اللهم آمين :)

سلاماتي لكي

mesh2dra يقول...

السلام عليكم

د/ اجدع بنوتة

ياااااه
رأيك عجبني اوي و مقتنعة بيه جدا
أحسنتي التعبير
هو ده اللي انا محتاجاه
ان الاتنين يتوافقوا مع بعض

شكرا بجد
أوووووي :))

سلاماتي

أسامه يوسف يقول...

معلش على تاخيرى بس كنت عايز ابأه رايق لما اقرا البوست ده علشان هو عايز حبة تركيز
ده غير فصل النت وسفر وى وى وى
نرجع للمهم
---
فعلاً العقل الزياده بيجنن وفى اوقات بيطلع نتايج وحشه
وزى ما انت قولتى الحاجه لما بتزيد عن الحد بتنقلب للضد
بس المشكله فى حاجات بتبأه عايزه عقل زياده قوى قوى بدرجه فظيعه ولو قللتى التفكير فيها بتضيع
وفى حاجات زى ما قولت العقل الزياده بيبوظها
فبنرجع للى انا عايزه لما اضرب لخمه ومش عارف افكر كويس
بس طبعاً مع بعض القيود
كده جميل ؟؟
المشكله بأه امتى اعرف انى ضربت لخمه وانى مش هاقدر كويس
لأن فى بعض الاوقات الواحد بيحس انه وصل قمة الدقه فى التفكير مع ان كل كلمه فكر فيها غلط
؟؟
انا مش عارف
ولذلك فانا ماشى حسب عقلى
وزى ماتيجى تيجى
ولو جه وحش يبقى المفروض ما ازعلش
لأنى فكرت حسب قدراتى
(المفروض لأنى بنى آدم واحيان كتير بازعل)
بس ازعل واتضايق لو ما فكرتش وسيبتها حسب التساهيل
(وبردو احياناً انا بامشى حسب التساهيل)
ده اللى المفروض يحصل

وزى ما تشى بيقول انا هاكون عايش ليه طالما انا ماشى ورا الناس
انا آه اتعلم من اخطاءهم بس ماامشيش وراهم واللى عملوه هو الصح

------------------
شكراً على سؤالك عليا اللى تشى وصله على طول

تحياتى على البوست الجامد ده

Ahmad Hegab يقول...

عملنا ايه بالعقل الزيادة

احنا بنفكر بعقلنا زيادة اوى فى وسط عالم مبعملش كدا

اتركى بعض الاشياء للحظ و الصدفة والقلب

mesh2dra يقول...

السلام عليكم

أسامة يوسف

متفقة معاك جدا
وطبيعي ان الكلام ده يطلع من خليك واقعي

الموضوع حسب الموقف
يعنى الموقف ده محتاج ايه بالضبط
بالاضافة الي انى آخد بالي ان النفس امارة بالسوء
وهو ده اللي توصصلتله في النهاية

لأ انا مش قصدي اشوف الناس عملوا ايه واعمله او اخاف من كلمة الناس
انا قصدي المنطقي والراقعى واللي اى بنى آدم ممكن يعمله اذا اتحط في موقف ما

_____________
سيبك بقى من كل الكلام ده
بجد
الف مليون وخمسمية تمانية وتمانين مبروك
يارب تفضل كده على طول
ومن نجاح لنجاح يارب
ومتزعلش عشان خاطر الرسم
اخويا بردو حصل معاه نفس الموضوع لما كان في الاعدادية ودلوقتى حيبقى بشمهندس اد الدنيا قريب ان شاء الله:)

كنت عايزة اقولك مبروك
ومش عارفة اعلق عندك
فخفت اقول لتشي تانى يعلقني

ماشاء الله عليك :)

mesh2dra يقول...

السلام عليكم

ahmed_h

ازاى بقى
العقل لولا وجوده كان هناك الانحراف
عدم وجود عقل هو الطريق الاقرب الي السقوط في الهاوية

عقل وضمير واخلاق ودين كلهم بيدوروا في حلقة متصلة

خد بالك من موضوع الصدفة ده وماتعتمدش كتير عليه :)

نورتنى احمد

سلاماتي

Che Ahmad يقول...

ماااااااااشي
ماااااااااشي
وهو انا بقول لا مكنش العشم بردو
بس ياللا هعديها

تحياتى
تشي اللى مش حزين

رئيس جمهوريه نفسى يقول...

مش عارف ااقولك ايه لانى فاقد الشى لا يعطيه احيانا بيكون مطلوب العقل بس بنمشى بالقلب واحيانا العكس وكلنا مش بتعرف الحلول الوسط حاولى توصلى للحل الى يريحك انتى اى مكان نوعه

الأستاذ يقول...

تعرفي أنا كنت بحترمك جداً زمان
طبعاً دلوقتي برضه بحترمك لكن بقيت بحترم عقلك كمان
ومعجب بيه جداً
أنا أكتر حاجة بحبها هو الدخول في عقول الناس وأعرف إيه اللي جواها
وفعلاً لقيتك من أكثر اللي شوفتهم عقلانية فعلاً
أنا كدة برضه وده بيخليني أتعب جامد لأني بحب أتحكم في كل حاجة في اللي بيحصل حواليا وأفكر فيها
ومحبش حاجة تخرج من إيدي
وده بيتعبني أوي ويخليني أعاني مع الناس لأنهم بيقولوا إني فاكر إني دايماً صح حتى لو كنت فعلاً صح
المهم توصلت إني برضه همسي بعقلي وبالمنطق اللي طول عمري عايش بيه ده فعلاً بيحملني أكتر من طاقتي وبيخليني في ضغط نفسي جامد زي اليومين دول إني هتم عشرين بكرة إن شاء الله في 16-2 ولسة معملتش اللي كنت عايز أعمله قبل اليوم ده
معلش طولت تحياتي ليكي ولدماغك الجامدة دي
مع أطيب تمنياتي بحبة جنان من عند الناس التافهة علشان أركز فيهم

mesh2dra يقول...

السلام عليكم

تشي اللي مش حزين

والله ما قصدي حاجة
وكتر خيرك بجد
وشكرا لك اوى
بس مش عاوزة ارخم اكتر
وبعدين شايلينك للكبير اوى

ولا تزعل:)

mesh2dra يقول...

السلام عليكم

رئيس جمهورية نفسي

فعلا عندك حق
الموقف هو اللي حيحدد
وحسب ما انت مرتاح


دعواتك اوى :)

سلاماتى

mesh2dra يقول...

السلام عليكم

الاستاذ

المهم توصلت إني برضه همشي بعقلي وبالمنطق اللي طول عمري عايش بيه ده فعلاً بيحملني أكتر من طاقتي وبيخليني في ضغط نفسي جامد زي اليومين دول إني هتم عشرين بكرة إن شاء الله في 16-2 ولسة معملتش اللي كنت عايز أعمله قبل اليوم


وانا كمان توصلت الي انى حمشي بعقلي
بس ف نفس الوقت اقناع نفسي باللي حمشي بيه
يعنى حعقد معاها اتفاقية
وحرسيها على الموضوع عشان نكون متفقين

كل سنة وحضرتك طيب يا استاذ
مش عارفة ليه كان عندى احساس ان انا الكبيرة... متواضعة انا
كلها كام شهر واحصلك :D

كل ايامك خير ان شاء الله
وتحقق فيه اللي انت عاوزه كله
وصدقنى حتحقق
وبكرة تقول مش قادرة قالت :)

كل يوم وانت بخير وف خير

حبة حاجات (ايمان) يقول...

انا هقلك كلام نفسى انا نفسي اعمله
بس لازم يتقال
ان فعلا احسن حاجه ان الواحد يمشى الاتنين مع بعض
ممكن واحد فيهم يسبق التانى بس بقى الشطاره انه مايسبقوش بكتيييير والا هتبقى دى مشكلع كبيره اوى

ودايما بيكون حلها هو الهروب

على الله تكونىفهمتى حاجه

ووحشتينى سلام

انا من اهوى ومن اهوى انا يقول...

الوسطية هى الحل

لانة هناك مواقف تحتاج للعقل اكثر من القلب والعكس صحيح

واللى بيقرأ فى حياة الفلاسفة هايعرف انهم ناس عرفوا ازاى يحكموا على المواقف لأن الفلسفة ماهى الا موقف ما من اشكالية ما

بشكل مبسط الفلسفة هى الحكمة والحكمة هى إنى ازاى اعرف افكر صح

بقلبى اوقات وبعقلى اوقات تانية

ومها روحنا ومهما قلنا يكفى شىء واحد بسسسسسسسس

( إن ربنا وضع القلب والعقل فى قالب واحد وهو الجسد الانسانى )

المشكلة اننا اللى بنلف حوالين نفسنا
وقدامنا الاختيارين فسبحان من جمع الاضداد

خالص تحياتى

صحفية روشة يقول...

انتى اللى تجننى

Unknown يقول...

القليل من العقل يكفي احيانا..
انا معاكي ان الذين يعتمدون دائما على التفكير العقلي العميق بيتعبوا..
ودايما بيلاقوا وجهة نظر في كل حل ما لاي مشكله..
كل حل يمكن تطبيقه لانه ليه مزايا وعيوب..
انما غيرنا من الاخوه الذين يمشون وراء الاحساس اعتقد انهم مرتاحين قليلا
فدائما يملون لاتجاه معين
الاتجاه حيث يدلهم احساسهم
حتى لو كان خاطئ يكفي انهم يرتاحوا اليه..
انما نحن نحكم على الحلول بموضوعيه .. لا احابي حل على حساب اخر
ولذلك فمعظم الحلول ممكنه ومقبوله وكثيرا مجنونه..
نفسي اسلف 30 % من عقلي لقلبي عشان ارتاح..
لو لقيتي حل ليكي ابقي قوليلي عليه ولوان مفيش حل طالما البروسيسور شغال :(
تحياتي

واحده من الناس يقول...

يا ريت كلنا نقدر نتحكم في نفسنا كده
ومانخليش عواطفنا هي اللي تحركنا...
وموضوع الوسطيه ده أعتقد معادله صعبه

وأحلى من العقل مافيش..

تحياتي

كفايـة طيبـة يقول...

missed u :)

waiting for ur next post :)

mesh2dra يقول...

السلام عليكم

ايمو ( حبة حاجات )

الهرووووووووب

جبتي النتيجة السلبية السيئة

بس بردو الهروب مش بيستمر كتير
لان عقلك بيضغط على ضميرك وبالتالي على نفسك

والله يا ايمو انتى اللي وحشاني
وانا مقصرة مع الناس كلها
بس فعلا ماليش نفس حتى للكتابة

متزعليش مني:))

سلاماتي

mesh2dra يقول...

السلام عليكم

انا من اهوى ومن اهوى انا

فعلا سبحان من جمع الاضداد


المشكلة اننا اللى بنلف حوالين نفسنا
والمشكلة كمان ان النفس اماره بالسوء
ولابد من مقاومتها


دعواتك:)

تقبل سلاماتي

mesh2dra يقول...

السلام عليكم

صحفية روشة

الله يكرمك

شكرا ليكي كتيير
:)


سلاماتي

mesh2dra يقول...

السلام عليكم

دمعاتي

ياااه لو حصصل
ينفع اسلف 10 % بس
على الاقل الضغط يخف
من كتر التفكير اصلا بتتعب

ربنامعانا ومعاك

نورتني كتير
:)
سلاماتي

mesh2dra يقول...

السلام عليكم

أوشة

مقتنعة والله ان احسن من العقل مفيش
بس المشكلة في خناقتي مع نفسي

نورتنينى جداا:)

تقبلي سلاماتى

mesh2dra يقول...

السلام عليكم

كفاية طيبة

منى

حاجى قريب
ان شاء الله


وحشاني فعلا

قبلاتتي وسلاماتى

رئيس جمهوريه نفسى يقول...

مش عارف حاولت اعلق على التاجات تقريبا مغلقه التعليقات ولا ايه راجعيه تانى

mesh2dra يقول...

السلام عليكم

رئيس جمهورية نفسي

فعلا مانعة التعليقات:D


لو حضرتك عايز تعلق
يا هلا بيك هنا طبعا
:)

سلاماتي

غير معرف يقول...

م رقم الكود الاسم الحضور
1
2
3
4

5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31

كفايـة طيبـة يقول...

i love youuuuuuu :D

Islam Henaish يقول...

get in my blog.........it's very nessecary....thnx alot

غير معرف يقول...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Fragmentadora de Papel, I hope you enjoy. The address is http://fragmentadora-de-papel.blogspot.com. A hug.

hasona يقول...

السلام عليكم
ممكن تكون مشاركة
يعني ندمج العقل والقلب ( المنطق والاحساس والحدس) مع بعض
ونخلي القائد اللي ليه الحكم عليهم هو العقل
لأن فيه حاجات كتير هتعمليها بدون منطق أو حتي تفكير
علشان فترات الندم تقل بالقدر المستطاع
-لو فيه حد طلب مساعدتك عقلك بيقولك بلاش لأنك مافيش منطقية في كلامه - لكن قلبك قالك ساعديه يمكن يتفوق علي ذاته ويتغير --ممكن بعد كده ينقلب عليكي ويكذب ويتهرب ويتلون كل يوم بلون
عقلك هيحاسبك حساب عسير لكن قلبك مستريح انك عملتي حاجة كويسة بصرف النظر عن الشخص اللي عملتي ليه المعروف ده
ولا ايه رأيك
أكيد مريتي بحاجات كتيرة زي دي
تحياتي لك
وشكرا

.:.-=- ELGaZaLy-=-.:. يقول...

انتى قافلة التعليقات لية!!!

و القادم....أجمل يقول...

وحشاني أوووووووووووووي
فينك طمنينا عليكي
ربنا يسعدك و يوفقك

:)

mesh2dra يقول...

momo

mesh aktr mny :)

mesh2dra يقول...

3'orbet watn

ya ahln

********

islam

ok


**********

fragmentadora de papel

thx

********

deja vu

ok

mesh2dra يقول...

moha

يعني ندمج العقل والقلب ( المنطق والاحساس والحدس) مع بعض
ونخلي القائد اللي ليه الحكم عليهم هو العقل

i agree with u gedn
lazem n3ml mix bin eltafkeer bel 3a2l wa 2lb
bs the most thing en ykon eldameer mestry7 geeedn

عقلك هيحاسبك حساب عسير لكن قلبك مستريح انك عملتي حاجة كويسة

i don't think en momken 7d y3ml 5er wa yndm
b3ml 7aga kewaysa 3shan rabena bs
wa bardo ykon dameerk mestry7:)

nawrteny kteer

salamaty

mesh2dra يقول...

el gazaly

man3n lelmogamla wel el e7rag
:D

mesh2dra يقول...

wal 2adem agml


yarb ameen
thx kteeeeeeeer
allah yekrmk:)

ana kewysa el7adulellah

salamaty

غير معرف يقول...

!!!!