3.11.07

احنا لازم ننفصل ...!!!

"احنا لازم لازم ننفصل وكل حى يروح لحاله"
هكذا بدأ كلامه معها ... قالها بدون إحساس ناظرا إليها بوجه كماسك خشب وجه بلا تعبير .. عيون باردة بلا مشاعر أو أحاسيس
قالها وكأنه يتخلص من هم جاثم على قلبه
قالها وهو يحس أن كل خلية من خلاياه تنطق بها
قالها ..... و ارتاح
*
*
*
أما هى
فكانت واقفة كالصنم لاتدري بأى شىء ترد أو حتى بأى شىء تشعر
حالة من " الازبهلال " و اللا إحساس مرت عليها
لم تستغرق تلك الحالة سوى بضع ثواني
ولكنها أحست كأنها سنوات
نعم سنوات ...سنوات أضاعتها مع وغد كهذا
سنوات من عمرها كانت تعتقد انها أجمل السنوات
أفاقت من حلم كبير أو لنقل وهم أكبر
لتجد نفسها على أرض الواقع
تذكرت مقولة عبد الوهاب " أنا من ضيع الأوهام عمره "
تمنت لو أن يتحقق قول أحمد رجب وهو " ماذا لو أننا خلقنا أولا كبروفة نتعرف بها على الحياة حتى نتجنب الجهل والأخطاء والندم "
كل هذا دار بخلدها في أقل من نصف الثانية
*
*
*
أما أنا
فنصيحتي
حبيبتي ...آنستي
من أضاعني أضعته ومن تركني محوته
لن أحزن لفقداني شىء كهذا ولكني سأحزن على نفسي
ليس على سنوات اضعتها من عمري وليس على اقتراني بهذا المخلوق ولكن شىء واحد فقط " ..... اختياري الخاطىء"
حبي المريع منتهى السعادة ألا تأسف على ما مضى وعلى ماليس لك فيه حيلة
حبي الفظيع تذكري دائما إذا ابتسم المهزوم أفقد المنتصر لذة انتصاره
حبي البشع تذكري أيضا ألا تشتري من باعك وحذار من أن تحزني عليه
حبي الشنيع ليكن في ذهنك دائما قول الشاعر العظيم " اللي مش عارفة هو مين " أنا اللي يبيعني أبيعه ولا أبكي في يوم
عليه"
*
*
*
البوست ده إهداء
إهداء لصديقتي التي تركت دراستها وكليتها من أجل الزواج ... والنتيجة عادت إلي الدراسة تحمل لقب " م.. ط ... ل.. ق... ة"
إهداء إلي صديقتي المخطوبة والتي وصلت خلافاتها مع خطيبها إلي الذروة وحجتها في الإستمرار " انا مش ضامنة ألاقي حد تاني" وكأنها تدبيسة
و إهداء أيضا إلي كل من سولت نفسه لأن يحزن على الطرف الآخر... مينفعش تقضي بقية حياتك في حزن .... هى حياة واحدة قصيرة ... وكل حاجة في الدنيا بتتنسي.... وحتلاقي أكيد حد يستاهلك
كمان البوست ده إهداء للي طلب من مش قادرة انها تكتب رومانسي
ها .... كده حلو .... عندي من ده كتير
تاخدوا تاني :d
*
*
*
شكرا لكل اللي سأل عليا
ربنا يكرمكم ويوفقكم ياارب
سلام عليكم

هناك 82 تعليقًا:

كفايـة طيبـة يقول...

بوست عقلانى وحلو

ويادوب فعلا هو ده الرومانسي بتاعك يابنتى ... لو كنتى كترتى نسبة الرومانسية اكتر من كدة مكونتش هصدق انك "مش قادرة"ا

مع انى مش من النوع اللى بيوافق على كل كلمة فى البوستات
بس انا موافقة على كلامك فى البوست ده كله


وفى انتظار التاج :D

mesh2dra يقول...

السلام عليكم

كفاية طيبة

ميرسي يا مومو
ربنا يكرمك

ويادوبك كده على أدي
- تحسي أن طنت رجاء اللي بنضارة هى اللي بتكلمك-
بلا رومانسية بلا كلام فارغ

وده تطبيق لكورس الشر والبلطجة اللي باخده دلوقتي
إيه رأيك
فيه أمل و لا أفكني من وأخليني طيبة

و كفاية طيبة:ي


****
دي تاجات يا منى
مش تاج واحد وفيه أسئلة فضيحة:ي
البوست الجاى وعليكي خير ان شاء الله

سلاماتي

البرديــــــة المصرية يقول...

مرحبا بعودتك أولا

الحياة كده , تجارب ومرة تصيب ومرة تخيب
قولى لصاحبتك اللى باعك بيعيه واكسبى فيه
وقوليلها برضه ما اصابك لم يكن ليخطئك
وما أخطأك لم يكن ليصيبك
والاحلى من ده وده قوليلها قول الله تعالى
* ما أصاب من مصيبة فى الأرض ولا فى أنفسكم إلا فى كتاب *


اهلا بعودتك مرة اخرى

الأستاذ يقول...

حمداً لله على سلامتك
وراجعة قوية فعلاً
برومانسية مشوفتهاش ومتطلعش غير منك إنتي
على العموم كلامك صح
بس بجد في كدة؟
أنا أسمع آه لكن مش من ناس أثق فيهم زي حضرتك كدة
مطلقة والأخرى كانت مخطوبة؟؟
على العموم ربنا يعوضهم خير
وده فعلاً يعلم الناس كلها عدم الاستعجال سواء بنات أو ولاد وكمان عدم الندم والاستمرار في الحزن
مع أطيب تمنياتي بالنجاح في الحياة والتوفيق والسعادة
أنتظرك في آخر بوست
تحياتي

mesh2dra يقول...

السلام عليكم

البردية المصرية

فعلا عندك حق
وتكسب فيه كمان

مبقاش فيه وقت نقف عند حد ونزعل عليه
الحياة اسرع من كده

منورني دايما
:))

سلاماتي

mesh2dra يقول...

السلام عليكم

الاستاذ

شفت بقى
هى دي الرومانسية
اتريقوا ...اتريقوا
كفاية طيبة شوية وحضرتك شوية

آه والله يا بني
فيه مآسي وحاجة تزعل
واللي يقهر اكتر انهم يكونوا اصحابك
ومش عارف تعمل ايه
لا نصايح عارف تدي
ولا هما بيعملوا حاجة
واقفن بنتفرج على الموضوع وبس

ربنا يسترها مع الجميع بقى
ويوفقنا ويكرمنا جميعا

سلاماتي

Mohamed_sobhy84 يقول...

الاول حمد الله على السلامة من ضربة الشمس

بس بصراحة يعني ايه مش ضتمنه تلاقي غيره
بس اقولك الصراحه الراجل الجاهز بقى زي الجنيه الدهب كل يوم عمال يغلى عمره ما يرخص
محدش جاهز الضروف الاقتصاديه الخربانه وصلتنا لكده بس مش على حساب الكرامه طبعا

مش هتجاوبي التاج ؟؟؟

Che The Sad يقول...

الكلام سهل اوى ومش دايما بيعالج دايما بنحتاج ايد تتمد علشان تصلح مش لازم تكون الايد دى حب جديد بل بـ اعتقد انها مش لازم ابدا تكون حب جديد لازم تكون ايد صديق قريب قوى علشان يساعدنا نقوم تانى ونستعيد كل القوة حتى ولو تدريجيا

تشي

a Dreamer with feet on the Floor يقول...

Ur Reflections R just theoritical ...the one who faces such actions is a Human not a machine..so every thing will affect him...and ...no one can guarantee his feelings 2 stay the same..
one just ask Allah that he will allwayes in the Right Direction//
wish 2 read more from U ..

Mohamed A. Ghaffar يقول...

زى غيرنا ما باع نبيع عمر الهوا وعهده
زى قلبى ما ضاع يضع كل القلوب بعده

ولا اقلك لا يا قلبى ليه نلوم على الحب ليه
ده اللى خانك خان شباب الحب خانه وجار عليه

شيماء الجيزى يقول...

بسومتى
اولا ..احييك على الطريقة السردية الجميلة
فى اختلاق طريقة جديدة للنصيحة
بجد قوية جدا

تانى شئ المضمون رائع
ياريت كل بنت تفهم كده
جدى كان بيقول لوالدتى
نصيبك ورا الباب
وبالتبعية امى قالتها لى

بسمة
انتى حكيمة قوى

...................
عارفه انك زعلانه منى
بس سامحينى يا صدقتى المخلصه
بحبك

jessy88 يقول...

ايه يا عم المواهب الفزيعة دى لا لون جديد ..وجميل يا بنت ولو انى مكبوسسسسسسسسسسة وحسة بحرارة فى دمى لانى وتقريبا كنت الوحيدة اللى بتدافع عن البنت دى يللا عادى كلنا لها المهم بس ربنا يكفينا جميعا شر الاخطيار الخطأ امال انا مش عايزة اتجوز ليه مهو عشلن كدا؟؟!! عرفتوا بقى مش حاجة تانية لا سمح الله

mo7amed mamdo7 يقول...

هاطول عليكى
عمر محد غلط فينا
نزعل من نفسنا منزعلش من حد نزعل
على حد لكن احنا الى غالطنين احنا الى بنختار غلط
الناس علم كبير ناس كتير مطنشاه
الى يعرف فى الناس يعرف فى كل حاجة
والى ميعرفش فى الناس ميعرفش فى اى حاجة وكل احسن فى احسن منة
وفى الاخر تحياتى لمش قادرة ام دم خفيف

HigH hEAd يقول...

أخيراً كتبتي موضوع


عموما أنا ليا نصيجه للبطله


اللي سابك يا بنت الحلال يبقى منع عن نفسه الخير لأزم تكوني واثقه أنك أحسن منه علشان أنتى فضلتي معاه للأخر والحمد لله أنه بعد من نفسه بدل ما تفضلي معاه وتخسري عمرك كله


وعجبي


HigH hEAd

mesh2dra يقول...

السلام عليكم

محمد صبحي

الله يسلمك وشكرا لاهتمامك

مش ضامنة غيره يعني حاجات كتيرة اوى
مش ضامنة انها تسيبه وترتبط بغيره ويقولوا عليها دي كانت مخطوبة قبل كده وسابت حطيبها ياترى ليه ... ليه؟!!

مش ضامنة غيره انها تلاقي اصلا حد جاهز أو مش جاهز بس يشيل الليلة وكأن الزواج هو الغرض الأساسي من الحياة
مش ضامنة انها تخلص كلية وكان في ايدها واحد وسابته لشدة غبائها وهى دلوقتي قاعدة مع ماما وبابا وبتسمع كلام ينرفز ... ربنا حيسهلهالك امتى .. مش حنسمع خبر قريب..انا عندي واحد حشوفه واقولكم

مش ضامنة
مش ضامنة حاجات كتير
تبعا لثقافة مجتمع وفكر ناس مش حتقدر تغيره وفكرها هى نفسها لاقتناعها التام بأن البنت للجواز ولو محصلش يبقى فيه حاجة غلط
ولو أتاخر بعد التخرج يبقى نقعد في قلق ودعاء 24 ساعة
يارب سهل
عرفت بقى مش ضامنة ايه؟!!

**
مش ناسياه والله
بجد .. ربنا يكرمك :))


سلاماتي

mesh2dra يقول...

السلام عليكم

تشي السعيد

فعلا عندك حق
الكلام سهل
بس العمل أسهل
لو أنك حازم

واللي عاوز حاجة بيعملها
صح
فعلا
ريس الشط شاطر
واللي ايده في المياه مش زى اللي ايده في النار
والنصايح والكلام مش بيجيبوا نتيجة مادام حد مسيطر عليك أو تفكير غالب على تفكيرك
المشكلة مش في الصاحب اللي ينصح
نصيحة ونصحنا
وكلام وريقنا نشف
وعياط وعيطنا
ناقص انك تبوس على ايدهم وتقولهم ارحموا نفسكم
أو تضربهم بالقلم وتقولهم فوقوا

المشكلة في الدماغ
سيبك انت

نورتني

سلاماتي

mesh2dra يقول...

a dreamer with feet on the floor

you are right
he is a human not a machine
no one will follow one way ( rules) to go out from the same problem

mesh2dra يقول...

السلام عليكم

مستر محمد جعفر

لا
فيه ناس كويسين جداا
وصوابعك مش زى بعضها
بس هى مسألة نصيب وحظ

نورتني كتيير يا فندم:))

سلاماتي

mesh2dra يقول...

السلام عليكم

شيماء الجيزى

شكرا على رأيك يا شوشو
ربنا يكرمك

فعلا
نصيبك حيصيبك
وما قدر أن يكون سيكون
لو احنا جرينا ورا الحاجة حتهرب مننا وحتكون سرعتها اكبر من سرعتنا


مش زعلانة منك
بس .......
على الماسنجر بقى

وأنا كمان بحبك اوووى والله

سلاماتي وقبلاتي

mesh2dra يقول...

السلام عليكم

جاسمين

هههههههههه
ولا يهمك
بس عشان تبقوا تسمعوا الكلام بعد كده
وبلاش جدال فاضي - البنت مكانها الطبيعي البيت-
حتى لو ضحت بكليتها ودراستها؟!!
ايوة ايه المشكلة، دي الطبيعة
الزواج ولا الدراسة؟1!
الزواج طبعا
ها ... فاكرة:P

طبعا طبعا
مش عاوزة حضرتك
معندكيش وقت
وخايفة من الاختيار الخاطىء
حاجة تانى
نو لا سمح الله


سلاماتي يا بشمهندسة

mesh2dra يقول...

السلام عليكم

محمد ممدوح

فعلا عندك حق
اللي يعرف يحكم على الناس يبقى كده نجا من حاجات كتير اوى كان حيقع فيها
بس المشكلة ان مش كل كلام بيتقال يبقى الحقيقة ومش كل وش سمح يبقى صاحبة ولى من اولياء الله

عارف بالظبط
زى في فترة الخطوبة
تلاقي كل واحد لابس ماسك
كله بيمثل على كله عشان يبان انه كويس
وبعد الزواج تلاقي الماسك وقع غصب عن الانسان
اصله في الاصل تعود


والسؤال دلوقتي
ازاى احكم على الشخص اللي أدامي؟

**
الله يكرمك
انا دمي خفيف؟؟!
لو اضربت ماليش دعوة انت اللي قلت مش انا

mesh2dra يقول...

السلام عليكم

high head
متقدرش تحكم مين خسر ومين كسب
بس نقدر نقول قدر الله وماشاء فعل
ونقدر كمان نحاول ما نخليش نفسنا في بوتقة حزن
من اضاع الحاضر حزنا على الماضي فلا مستقبل له

نورتن يا فندم:))


سلاماتي

حبة حاجات (ايمان) يقول...

احب انا الواقعيين كدا

تحياتى ليكي بوست اكترمن رائع

اتمنى ان تزورينى

reem يقول...

بعيد عن التدوينة قولت اسأل عليكى اتمنى تكونى فكرانى يارب تكونى بخير وليا زيارة تانية للتعليق عالتدوينة

Che The Sad يقول...

انا رجعت تانى

مش عارف ازاى هيكون العمل اسهل كمان بعتقد فى الوقت دا الحزم مش بيفيد بقدر ما بيفيد الطيبة والهدوء

وعلى فكرة مش دايما اللى بيعوز حاجة بيعملها لازم يكون فى عوامل مساعدة وهى دي الأيد اللى لازم تتمد

عارفه هي فعلا عايزة قلم وتقولي فوقي بس خليها اخر حاجة والدماغ انتى غيريها اكيد تقدري

منور بأصحابه او بصاحبته يعني :D

تحياتى
تشي

أُكتب بالرصاص يقول...

هي دي الرومانسية ؟

يا عيني يا عيني


الله يفتح عليك

el_assel يقول...

هو انتي ما قولتيش ايه سبب الانفصال
مش ممكن في سبب وجيه للانفصال

ثم انتي جيبتي الغلط علي الراجل بس
طب وليه ما يكونش الغلط منها

وقولتي ان البنت هي اللي بتتالم
طب وانتي منين عرفتي ان الولد ده ماكنش بيتالم برده
ليه مقدرتيش ان الولد ده
بداخله نار احرقته وتصورت علي وجهه بروده التلج

اعتقد انك متحاملة عليه قوي

وعلي فكرة مش معني ان الحب ده مرة طلع وحش
انه وحش علي طول

بالعكس
الحب ده اسمي العلاقات الانسانية
اذا كان حب صادق

انا شايف انك عندك حق في حاجة واحدة بس

ان اللي يبيعني ابيعه
واللي ينساني امحوه

انا معاكي في النقطة دي



سلامـــــــــاتي

kikotalaat يقول...
أزال المؤلف هذا التعليق.
kikotalaat يقول...

ياه غيبتي علينا كتيييييييييييييييير
حمد الله عالسلامة ووحشنا خطك وبوستاتك
أنا هقولك علي حاجة أنا صحيح مش مع إن أي حد يعتبران الدنيا وقفت لما الطرف الآخر اللي ما يستهلش يقول كلمة " إحنا لازم ننفصل " أنا مش عارف حقيقة قدر يقولها ازاي لحب عمره
بس في حاجة الكلمة ديه لما بتطلع من إنسان غالي علينا أوي بتبقي زي السيف اللي بيقتل بس بيقتل القلب مش الروح
إسئلي مجرب
يارب ما يحسش أي حد الإحساس ده خالص ولا يعمله في أي حد بيحبه يا رب
أما بخصوص اللي سابت دراستها عشان تتجوز واللي مش راضية تسيب خاطبها عشان مفيش غيره
فأنا " مش قادر " أعلق علي تصرفهم حقيقة لأني كلامي هيبقي جارح أوي
يارب ما تغيبيش عننا خالص لأنك من المدونين القلائل اللي بيكتبوا حلو أوي
كان معكم ..,
كيكووووووو

EmY يقول...

معاكي 100 حق في كلامك
من طلب بعدك زيده ماينفعش ابكي علي حد بايع و كاره
تحياتي ليكي علي البوست الجميل ده

mesh2dra يقول...

السلام عليكم

حبة حاجات ( ايمو)

قوليلهم بقى
عشان بيتريقوا

نورتيي يا ايمو
:))

سلاماتي

mesh2dra يقول...

السلام عليكم

رومة

طبعا فاكراكي
ربنا يخلي كل الطلبة

نورتي البلوج

سلاماتي وقبلاتي

mesh2dra يقول...

السلام عليكم

تشي
ياهلا

لا.. مش قصدي يكون الطرف اللي بيساعد هو اللي حازم
أنا قصدي الطر اللي في المشكلة
أنا عاوزة حاجة وواقعة في مشكلة ومش بتخذ أى خطوة ايجابية تجاه اللي انا عاوزاه
وي نفس الوقت طالما مش بتخذ أى خطوات أيجابية الموضوع بيتعقد أكتر
ومش بسمع كلام حد
طب يعنى مستنية ايه
مستنية معجزة من السماء ولا أقعد بعيد أتفرج واللي يحصل يحصل
لازم تكون انت حازم مع نفسك

وصدقني محدش حيخرجك من مشكلتك
أنا الي بايدي اخلي نفسي في المشكلة وانا اللي بايدي اخرجها
ممكن آه اكون عاوزة " مساعدة" أو دليل ارشادي
انما مهما قالوا لك كلام وانت مقتنع بيه او لأ وف نفس الوقت مش بتعمل بالكلام أو بتسمعه من ودن وتخرجه من التانية أو مقتنع بالكلام ومش بتعمل بيه أو بيأثر عليك في لحظتها وتاخد القرار وتقول خلاص انا حتغير وحتشوفوا
وتنسى كل الكلام اول ما تتحط فيس تو فيس للمشكلة يبقى مالوش لازمة الكلام
القرار حيكون نابع منك
حتقولي بردو الكلام سهل
حقولك والعمل أسهل لو أنك حازم


فعلا العنف اخر حاجة الواحد يلجأ
مش شرط العنف يعني ضرب - زى ما بنقول - بس ممكن كلام يوجع


دعواتك بس ربنا يسهل

سلاماتي

mesh2dra يقول...

السلام عليكم

أكتب بالرصاص

أمعترض حضرتك؟

هما اللي قالوا اكتب
أنا مالي بقى
:D

سلاماتي

mesh2dra يقول...

السلام عليكم

el_ assel

ههههههههه، طبيعي أدافع عن البنانيت بأمارة إيه ادافع عنكم

لا ، صعب تساوي تأثير الموضوع ده على الطرفين ، من المعروف أن البنت بتتأثر أكتر لأنها رقيقة القلب والمشاعر :D
صحيح إن كيدهن عظيم ، بس بردو أرجع واقولك فيه بنات طيبة أوي أوووي ، وأنا شخصيا مكنتش اتصور انى الاقي النوع ده موجود اصلا بينا ، بس سبحان الله لقيته - الناس الطيبة دي ، هى اللي بتتأثر بشكل كبير أووي ، وتحس انهم بيغرقوا ، الناس دي هى اللي مش بتعرف تاخد القرار الا لما تشرك حد معاهم ، المهم يعني ، الولد فيه حاجات كتير تشغله ، ويقدر ينسى بسهولة ، البنت لأ،
خلي بنت تكلم برقة مع حد ميعرفهاش في التليفون حتلاقي صاحبنا ده نخ وابتدى يرقق صوته هو كمان ، خليها بقى تحصل مع بنت وتلاقي حد يكلمها برقة حتلاقيها قفلت السكة وراحت قالت لباباها واخوها ، وده لانها اجدع

كمان معروف ان البنت بتعشق حاجة اسمها نكد ، بتموووت فيه ، حتلاقيها تدور على مشكلة تنكد بيها على نفسها عشان تلاقي حاجة تفكر فيها - ده في حالة لو عندها وقت فراغ او فاضية - إنما الولاد ممكن يبتكروا اى حاجة تخليهم يخرجوا من المود اللي هما فيه ، بالاضافة الي ان الولاد مش من طبيعتهم انهم يحطوا نفسهم في مود منكد عشان يعيشوا الدور _ وبردوا مش كل الولاد-

نوال مصطفى في كتابها نجوم واقلام كانت بتسأل احمد بهاء الدين
أيهما اكثر تطرفا في الحب المرأة أم الرجل ؟
أجاب : المرأة لانها بطبيعة الحال أكثر تركيزا على هذه العواطف ، ان الحب والكره هما محور حياتها ، أما الرجل ففي حياته عادة أكثر من محور .

أنا هنا مابحكيش قصة حصلت بين اتنين وبالتالي حبقى لازم احكي الاسباب اللي ادت الي الانفصال والاسباب اللي خلتهم يعرفوا بعض اصلا والظروف المحيطة بهم
لو بالشكل ده يبقى قصتي ناقصة حاجات كتير
انما انا ما اقصدش ده ، انا مجرد بدي مثل في لمحة سريعة خاطفة عن موقف بيحصل بين اتنين واللي عاوزة اركز عليه هو فيما بعد الانفصال
ياترى يا هل ترى ابقى لسه عايشة في ذكراه وافتكر الايام دي ولا التفت بقى لحياتي واقتنع بما قدره الله
ياترى اعيش نفسي ي جو نكدي واسيب الدنيا واخليها تقف لغاية لحظة ما قبل الانفصال ولا اعيش حياتي عادي
والكلام ده للطرفين طبعاااا

البوست مجرد موقف بين طرفين ، كوني انى اتحاملت على طرف على حساب اخر ، فده طبيعي ، وجهات نظر ، والواحد دايما بيميل للي زيه - حضرتك تميل للشخص اللي اخد قرار الانفصال وانا اميل للبنت الضحية الغلبانة - من وجهة نظري - دي طبيعة بشرية ، وبردو زى ما قلت ده مثل ، مش قصة

سيبك من القصة ومين مع مين ، المهم النتيجة ، مش احنا متفقين ؟

ومين قال ان مادام نموذج فاشل يبقى باقي النماذج فاشلة ، ومين قال ان مادام فيه نموذج فاشل ، وانا شفته واتكلمت عنه يبقى هو ده النموذج اللي انا عارفاه وهو ده النموذج المثالي اللي بيتطبق ي جميع الاوقات وعلى كل البشر .

مثال ولا يمكن انساه
كاتب صحفي - للاسف لا اتذكر من هو - كان كاتب مقال بيرد فيه على الناس اللي بتهاجمنا لاننا بنتكلم عن الحاجات السيئة في البلد ورد عليهم وقال " من الطبيعي انك تسأل هى العمارة وقعت ليه ، انما مش من الطبيعي انك تقول ايه ده هى العمارة دي لسه موقعتش ليه؟؟"

قدرت أنا أوصل وجهة نظري بشكل صحيح ؟؟
لو مش مقتنع بحاجة أو عاوز تناقشني تاني ، تعالى ، يا هلا

سلاماتي

mesh2dra يقول...

السلام عليكم

كيكوووو

عادي ، فيه ناس بتقدر
ده نصيب وقدر مش أكتر
حسيت انك مش قادر تكمل او هى مش قادرة تكمل ، فبدل ما يحصل ظلم للطرفين بعد الارتباط ساعتها يكون الانفصال افضل
وعندك حق
قدرت تقولها يبقى ماتلزمنيش وما اقضيش بقية حياتي زعلانة عليك
لانه مينفعش
تلاقي ناس كانت في قمة الاشراق ومتفائلة ابعد الحدود والابتسامة لا تفارق شفتيها
ومرة واحدة لاقيها مكتئبة وزعلانة وسرحانة ومش هنا اصلا
ده مينفعش وحرام عليهم نفسهم


أنا كمان عندي كلام جارج كتير
سيك من البنت اللي سابت دراستها ... والدها اصلا متوفي ومعتقدة ان اللي حتتجوزه حيكون بابا !!!!

الدور والباقي بقى على " الباقي"
كلمة بسيطة حقولها
فين كرامتك؟؟؟؟؟؟!!!!!

****

شكرا لك الله يكرمك
بس والله مفيش وقت
ميدتيرمات وتكليفات
أكيد انتوا كمان عندكم كده


سلاماتي

mesh2dra يقول...

السلام عليكم

emy

الله يكرمك ايمي
فعلا
لا عقل ولا منطق بيقولوا كده


نورتيني جداا:))

سلاماتي

DoMaLaYs يقول...

مش قادره

هي كلمة واحده

انا هعيط منك كده

ايه يا ستي البؤس ده

على العموم البنتين غلطوا اكيد

و على راي عادل امام مشربش الشاي اشرب ازوزه انا

بس فعلاً

المفروض اللي فات مات

و الندم عمره ما يرجع اللي راح

و شكراً على البوست الهادف ده

و كمان شكراً على البوست الهادف ده

mesh2dra يقول...

السلام عليكم

domalays

لا يا بنى
متعيطش
بتقول بؤس وانت مجرد قارىء
الله يكون في عون اصحاب البلاوي بقى :D

مفيش حد بياخد اكتر من نصبيبه
بس ارجع واقولك
انه بيكون فيه مؤشرات على فشل العلاقة
بنتغاضى عنها من اجل انى عايشة كام ساعة ولا يوم حلوين ... مخدر مش اكتر
بتتغاضى ..تتغاضى لغاية وقت لاينفع الندم


وعفوا اي خدمة
وكمان عفوا اي خدمة
تؤمر انت

سلاماتي

سى السيد يقول...

العواف
والله ماهو نفاق

أول مره أقرا قصه بالحلاوه دى
هو فيها حاجه جديده بس مش عارف اوصلها
وحلوه حكاية الاهداءات
اصل انا كان نفسى اسمع القصه دى من زمان
بجد احييك
بس والنبى تقوليلى غيه الجديد فى طبخة القصه دى
وعوده حميده للتدوين
مستنى زيارتك

Che The Sad يقول...

انا مش جاى علشان البوست دا انا جاى علشان البوست اللى فوق

عارفه بتعجبني اوى البوستات اللى معليهاش تعليقات او يعني انتى عملها من غير تعليقات بيبقي معناها الكلام دا ليك انت بس ومش لحد تانى مش من حق اى حد يدخل فيها غيرك انت والناس دي بس شهود عليا علشان تعرف ان انا صادقة اوى المرة دي ومش بتكلم وخلاص

اسف انى ادخلت والمفروض مكنتش ادخل

تحياتى كتير ويا رب تفضلي متذكرة الوعد

تشي

كفايـة طيبـة يقول...

انا بتغاظ اوى لما بتقفلى التعليقات على فكرة

بحس انك كتفتيني كدة ومش عارفة اقول حاجة

ابقي تعالى طمنيني قوليلي اى حاجة يابنت انتى

(سمايلي متغاظ منك )

آخــر قــرصان يقول...

mesh2dra
ايه يا جيرل كيفك محدش بيشوفك ليه
وحشانا والله
ولا الكلية شغلاكى عننا
المهم
ياريت ماتحرمينا من تعليقك على اخر حاجتين عندى
حزعل جــــدا لو ماشوفتش تعليقك
يالا مستنيه بفارغ الصبر
تحياتى

غير معرف يقول...

ممكن أستغل المساحه دى واعمل اعلان صغير
نوفمبر يا جماعه16 ..مستنياكو يوم الجمعه الجايه الساعه 8 م..قاعة الحكمة بساقية الصاوى
هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
تعالوا وقولوا للحبايب

ولـاء يقول...

السلام عليكم

جميلة اووووووي فعلا

مليانة حكم بجد لازم نفهمها

و نقتنع بيها كويس اووووووي

تحياتي و تقديري

:)

عليوه يقول...

بوست هايل وجميل وفيه عقل بيفكر ويبدع وينصح بس الرومانسيه من وجهه نظرك مختلفه جدا رومانسيه الواقع بجد هايل بس نفسى اعرف مين اللى طلب منك تديها رومانسيه عاوز اشكره اللى خلاكى تخبطى البنات قلميين تفوييق والولاد كمان (إذا ابتسم المهزوم أفقد المنتصر لذة انتصاره) عجبتنى اوى الجمله دى

Che The Sad يقول...

انا جيت تانى بس المرة دي علشان حاجة تانية عايزك تشاركينا فى الحملة الجديدة بتاعة ويكي بالعربي
http://cheeeeeez.blogspot.com/2007/11/blog-post_15.html

مستنيكي

سلامات
تشي

Che The Sad يقول...

مش قادرة

البلوج بتاعى اتهاك عليه الجديد اهو
http://cheeeeez.blogspot.com/

تشي

mesh2dra يقول...

السلام عليكم

سي السيد

الله يكرم حضرتك
مش عارفة ايه الجديد
انت اللي تقدر توصله
يمكن عشان كنت شفت الموضوع بعيني
وكنت طرف خفي فيه

**
فقط اطلق لخيالك العنان
وتخيل انك في موقف ما

نورتني يا سي السيد

mesh2dra يقول...

السلام عليكم

تشي السعيد

تقريبا تحيليك أقرب الي الحقيقة
برافو .. جبت المفيد

وحضرتك تدخل تعلق على أى بوست
البلوج بلوجتك

وادعيلي اقدر احافظ عليه

سلاماتي

mesh2dra يقول...

السلام عليكم

كفاية طيبة

انا بخير يا منى
بس ظروف الامتحانات
بجد
عارفة انى مقصرة في حق كل اصحابي
بس والله امتحانات وابحاث وتكليفات
انتى ادرى

حخلص وتلاقينى بايتة 26 ساعة في اليوم على الماسنجر

وخدي من قفلة التعليقات كتير
انا شخصية ديكتاتورية
اقرى تعليق تشي اللي قبليكى وانتى تفهمى

سلاماتي وقبلاتى

mesh2dra يقول...

السلام عليكم

آخر قرصان
حاضر
من عينيا

سلاماتي

mesh2dra يقول...

السلام عليكم
وينكي

البلو بلوجتك

سلاماتي

mesh2dra يقول...

السلام عليكم

ولء

شكرا على رأيك
الله يكرمك

نورتيني لؤلؤة

سلاماتي

mesh2dra يقول...

السلام عليكم

عليوه

ياهلا بيك
شكرا على رأيك
بجد عجبني اوى
وحلوة اوى جملة " رومانسية الواقع "
قولهم بقى
عشان ده من وجهة نظرهم .. تعقيد

نورتني

سلاماتي

mesh2dra يقول...

السلام عليكم

تشي السعيد

حلوة الحملة
حاجى اشوف ايه نظامها

******

متزعلش على بلوجتك
ربنا يهديهم ويرجعهالك تانى

سلاماتي

mesh2dra يقول...

تشي

مش عارفة اعلق عندك
بجد اتخنقت
الورد فريفيكشن مش باينة
اكيد الغلط من عندي انا

ححطلك تعليقي هنا
بجد
اسفة

السلام عليكم

متزعلش يا تشي
بجد
بلوجتك السابقة حلوة
وبلوجتك الحالية اكيد حتبقى احلى

متزعلش

قدر الله وماشاء فعل

:))))))))

Che The Mad يقول...

اولا ازيك وعاملة ايه فى الميد تيرمات والكلية والقرف دا
يا رب بخير
مبروك ع التاجات التلاتة اللى مرة واحدة دول
ولا يهمك خالص تعليقك هنا او هناك انا كدا كدا بعدي هنا كتير :)

اه قبل ما انسي دا البلوج الجديد خالص خالص علشان انا مستهدف شكلي :D
http://how-am-i.blogspot.com/

تحياتى بقي وابقي اشوفك هناك من غير وورد فيرفيكيشن
تشي

غير معرف يقول...

بصي دي أول مرة أشوف انسانة مثلك بجد حبيت فيك ثقتق في نفسك وكمان رغبتك الشديدة في النجاح وقربك من الله عز وجل بجد انت صريحة جميلة وكمان اديبة مش عارف أقول ايه بس بجد ربنا معاك ويوفقك لما يحب ويرضى
عمرو مصطفى
26/11/2007

mesh2dra يقول...

السلام عليكم

تشي السعيد

خلاص
خلصت ميدتيرمات
عقبال التكليفات
وعقبالك لما تخلص
ويارب يسيبوك ف حالك بقى
ويبطلوا هاكنج

ربنا معاك

سللاماتي

mesh2dra يقول...

السلام عليكم

عمرو مصطفى

ربنا يكرمك يا عمرو
بجد الله يكرمك
لانى ما استحقش ده كله


نورتني :))

ابقى تعالى دايما
بس ابقى اعمل بلوج
متأكدة انها حتكون بلوجاية ممتازة

سلاماتي

mesh2dra يقول...

السلام عليكم

تشي

بعتذر على تأخري في الرد عليك
ببوست بلاك اند وايت
لسه شايفاه ناو

يالا
ربنا معاك بالامتحانات

سلاماتي

mo7amed mamdo7 يقول...

ياه على الواقعية الى انتى فيها هو ده الكلام الظبوط بتاع الناس العاقلين الى فاهمين

mohamed يقول...

الكلام ده عين العقل لازم كل واحده تفكر قبل ما تيجى اللحظة دى وتقول ياريت اللى جرى ما كان

Che The Mad يقول...

انا جيت تاني
ازيك وعاملة ايه فى الامتحانات والتكليفات ( آلا صحيح ايه التكليفات دي :D )
انا خلصت الامتحانات بس عندنا بروجكت كدا فى اللذيذ وبعده الفاينل وكان الله بالسر عليما
ياللا محدش واخد منها حاجة
صحيح هو البلوج بتاعى ودي تجي هيفضل فاضي كدا كتير ؟؟
انا كل اسبوع ادخل الاقيه فاضي فاضي فاضي
هو فيه ايه :P:P

ياللا تحياتى
تشي

mesh2dra يقول...

السلام عليكم

محمد ممدوح

الله يكرمك
قولهم بقى ان دي واقعيةمش افتراء

نورتني جدا

سلاماتي

mesh2dra يقول...

السلام عليكم

محمد

فعلا بدل ما ترجع تقول ياريت اللي جرى ما كان

وبردو يفكر قبل ما يرجع يقول ياريت اللي جرى ما كان

نورتنى كتير

سلاماتي

mesh2dra يقول...

السلام عليكم

تشي السعيد

يا هلا بيك
اخبار الامتحانات ايه
يارب خير ان شاء الله

طب كويس ان فاضل بروجكت في السريع
احنا بقى عندنا اسيمنتس بالعبيط

فيه ان داليا عز ماتت
وقبلها هدى وقبلها شبكو
الله يرحمهم جميعا
وبالتالي فيه اكتئاب

شكرا تشي على اهتمامك

سلاماتي

koukawy يقول...

معاكي حق بس اي حد فينا و اولهم انا هنتحط في موقف من المواقف دي و لا هنطبق اي كلمه من اللي قلتيه

Che The Mad يقول...

مش قادرة
عرفت ان داليا اتوفت يا رب فى جنات النعيم مثواها
عارف انها حاجة تضايق جدا
معلش حاولي تتخطيها

سلاماتى ليكي
تشي

مروة عوض يقول...

يا سلااااااام لو البنات تفكر بالطريقة دي اكيد الحياة هتبقى احلى كتير
يوست رائع ليكي طريقة مميزة فى السرد

mesh2dra يقول...

السلام عليكم

koukawy
متفقة معاكي
وده لأن الكلام سهل
ولأن اللي في المشكلة مش زى اللي خارجها
بس انا اقدر احل مشكلتي بدون مصيبة
لو حكمت عقلي شوية حلاقي الموضوع اتحل
ومفيش انسان يقدر يحل مشكلته وهو جواها
لازم يصل نفسه عن المشكلة ويبص عليها كلها من برة وبعدين يقدر ياخد القرار الصحيح

نورتيني جدا:))

سلاماتي

mesh2dra يقول...

السلام عليكم

تشي

انا عرفت الخبر اصلا من بلوجتك
انا معرفش داليا عز ومش فاكرة انى علقت عندها قبل كده
بس تعبت اوى
كتير بيموتوا فجأة

الله يرحمهم جميعا
ان لله وان اليه راجعون

سلاماتي

mesh2dra يقول...

السلام عليكم

مروة عوض

فعلا الحياة حتختلف
بس تقولي لمين بقى
الكلام حلو ...أوك ... فين التطبيق بقى:s

الله يكرمك يا مروة
من بعض ما عندكم

نورتيني كتيير

سلاماتي

Swing يقول...

(Y)

د/اجدع بنوته يقول...

كلام جامد جدا بجد والله

تسلم ايدك كفيتى ووفيتى

KIMOOOZ يقول...

بوست لذيذ

بس انا رأيي ان مينفعش كل المشاعر تتاخد بعقلانيه كده
و الا منكونش مشاعر اصلا
ولا ايه

mesh2dra يقول...

السلام عليكم

swing

(y)
gedn

نورتيني :)

سلاماتي

mesh2dra يقول...

السلام عليكم

د/ اجدع بنوتة

الله يكرمك اوي
تسلمي يارب:)

سلاماتي

mesh2dra يقول...

السلام عليكم

kimooz

أنا مش قادرة اقولك رأيك ده خلاني افكر أد ايه
بالاضافة الي انه اخد ساعتين مناقشة مع واحدة صاحبتي على الماسنجر

الرد ده عجبني اوي

شكرا لك

سلاماتي

شريف طلال يقول...

كل دى تاجات و اجابات
بس بجد شكراً ليكى و استمتعت اوى بيهم
تحياتى

shamapharmacy يقول...

gud pls u u r avery kind person