15.9.07

جعان يا جدعان


الخطة الجهنمية

كاميرا (1)


تقف أم ممسكة بابنها الصغير على كتفيها ، بجوارها ولديها الشقيين جدا في موقف مايكروباسات


أول ما تيجي ...تجري بسرعة يا واد يا علي تحجزلنا الكنبة اللي ورا وأنت يا إبراهيم تشيل الشنطة دي وأنت يا شاكر تمسك فيا كويس ..فاهمين يا ولاد ال....


تنفيذ الخطة


أهى يا عيال.. اجري يا علي.. ياله يا إبراهيم


كاميرا (2) زووم إن
منظر لسيارة تويوتا بداخلها سواق أرعن، يسوق بهمجية، مشمئز الوجه ، مكشر عن أنيابه... تكالب عليه أفراد عده

انشقت الأرض بهم وجعلتهم يبدون كالنمل والسيارة كالحلوى


السواق ينزل من سيارته قائلا " بقرف": مش طالع .. والله ما أنا طالع ، وأنا حقفل العربية عاوز آكل يا جدعان ..جعان


أحدهم يرد عليه قائلا: يا عم يوسف افتح لنا العربية نركب ونظبط الحاجة وأنت روح كل زى ما أنت عاوز


السواق : مش فاتح ..جعان يا جدعان


يرد آخر: ما هو بيقولك روح كل و أتأخر زى ما أنت عاوز ..مااحناش مستعجلين


وبعد محاورات ومداولات وشبه محايله من قِِِِبل الأطراف الراغبين في ركوب سيارة "سي يوسف" وافق اخيرا على

فتح أبواب العربة وركوبهم السيارة ....وذهب هو طريقه إلي الطعام


أصله جعان يا جدعان


أهو يوسف جه أهو


بالهنا والشفا يا عم يوسف


الله يهنيكوا.. ها فاضل كام واحد... فاضل 2

واستمر يوسف في وقفته مناديا ..ذاكرا مكان توجهه من أجل الأ يمشي بدون تحميل هذا النفران.
وتمر النصف ساعة ويتململ الجالسون في أماكنهم



ماتيالا يا عم يوسف


يا عم اصبر ده رزقنا ...لسه فاضل 2


سبحان الله... ومكنش رزقك لما مكنتش عاوز تفتح لنا العربية


والسؤال الذي يطرح نفسه الآن :هل إذا اعطيت احدهم سلطة ما يتنطط عليك ويطلع عينيك وهل ما إذا كان في حاجة

؟ إليك يبقى كالحمل الوديع

هناك 98 تعليقًا:

علوة يقول...

صباح الفل يا مش قادرة

شوفي بقى يا ستي بغض النظر عن الصورة السينمائية الجميلة اللي انتي عاملاها
:
أي حاجة تخص عالم القيادة أعتقد إني وبلا فخر أجدع محلل لكل معايير السواقيين ومشاكلهم وطموحاتهم
..
الاتنين اللي كانوا فاضلين دول بيأثروا فعلا مع السواق في الفردة .. الفردة دي اللي هو رايح بس غير الوردية اللي هي مدة الشغل من 8 إلى 12 ساع حسب الظروف

والأهم .. انه شاف لهفة الناس واستعدادهم ومحايلتهم عليه عشان يستنوه على ما ياكل .. فبراحته بقى

آسف للإطالة .. والغيبة

صباح الفل

علوة يقول...

أول كومينت
واخدة بالك ؟
ابقي اعمليها بقى

صباح الفل

mesh2dra يقول...

السلام عليكم

علوة

حضرتك قلتلي بتشتغل ايه؟ :P

أكيد يا فندم

واحد عامل كام بوست عن مغامرته مع الميكروباس
وعارف بيسمعوا ايه كمان
وبينصحنا بعدم شراء شريط الاخ " مش فاكرة اسمه"
يبقى طبيعي الاقي عند حضرتك اكبر تحليل لكل معايير السواقين ومشاكلهم وطموحاتهم

بتشتغل ايه تانى
عارفة ..صحفي
قصدي الشغلانة الثانية اللي هى بعد
الضهر..(ايكون بيلطلع لسانه أوى )

_______

حاضر يا ندم حتلاقيني عندك مقيمة 24 ساعة
بس انت بس نزل حاجة جديدة

مساء الخير بالليل:)
سلاماتي

mesh2dra يقول...

ندم = فندم

غمض عينيك يقول...

ماهو لو الناس اديتوا فوق دماغه مكانش عمل فيها الملك سيام
كان فين اكل عيشه وهو بيزل في الناس يعني
ولا هو المزاج وخلاص
جعان جعنا...ياعم هاتلك سندويتشين وكلهم وانت بتحمل العربية انت هتموت من الجوع يعني؟؟؟

يلا كل ينة وانتي طيبة يا مش قادرة
رمضان كريم
على فكرة انتي مش بتزوريني خالص
سلام
محمد سمير

Mohamed A. Ghaffar يقول...

اليس انسان له حقوق كحقوقهم

من حقه يحافظ على سيارته التى هى مصدر رزقه الوحيد
من حقه ان ياكل وقتما جاع
ومن حقه ان يسعى للربح

ايه اللى يدايق فى كده

mesh2dra يقول...

السلام عليكم

غمض عينيك

لا الناس تديلوا فوق دماغه ولا
هو يتنطط عليهم ويخليهم يحايلوا فيه
ممكن العلاقة تبقى أكثر احتراما من كده

ولو هو فعلا خايف على أكل عيشه
يخاف عليه علطول
مش في وقت ووقت


كل سنة وحضرتك طيب
رمضان كريم


سلاماتي

mesh2dra يقول...

السلام عليكم

مستر محمد جعفر

أكيد له حقوق زى حقوقهم

بس مش من حقه يخلي الناس تحايل فيه عشان محتاجه له
وطلبه ليهم انه يفتح العربية ويروح ياكل

آه
صح
الجوع بيعمل نرفزة
بس في نفس الوقت ده مايديهوش الفرصة
او الحق

انا هنا بوضح تناقض في الفعل
لما بحتاجلك بروحلك
ومش بعيد اتحايل عليك عشان تستحملني
انما لما خلصت مصلحتى منك يبقى خلاص يالا باي

نفس الموضوع هنا
مش طالع بالعربية ومش فارقة يفتحها اصلا
انما لما جه يحمل ومحتاج للناس فضل واقف اكتر من نصف الساعة
سبحان الله... ومكنش رزقك لما مكنتش" عاوز تفتح لنا العربية"

بس كده
رغيت كتير

كل سنة وحضرتك طيب

سلاماتي:)

الشنكوتي الكبير يقول...

كل سنه وانتي طيبه
للأسف المصريين من كتر ما شافوا بهدله اصبح اي واحد ما بيصدق يتحكم في حد يقوم يطلع عينه عشان يفش غليله
_____________________
نبأ هاااااام
هبه اختي هتنشر اول كتاب ليها في الأسواق يا ناس
والمفاجأه ان الكتاب هو السلسله اللي كانت بتنشرها في مجلة بص وطل
يوميات اتنين مخطوبين "عمر و ساره"
الموقع بتاع بص وطل نشر الخبر وحاطين الصوره وهي بتمضي العقد
استعدوا عشان تشتروا الكتاب
اهم حاجه ان الكتاب فيه بس اللي هي كتبته مش اللي الناس كتبوه
لأن الفكره ناس حاولت تستغلها وتكتب فيها اللي على مزاجهم

صدقوني هتعجبكم قوي
وممكن تقرأو ا الأجزاء الأولى من ارشيف مجلة بص وطل
والحاضر يعلم الغايب والغايب يسأل الحاضر
سلاااااااااااااااااااااااااام

Islamist Bloke يقول...

حلوة

بس اعذريني

انا شايف كل اللى حصل ده طبيعي جدا


احنا دايما نقول احنا في مصر

طيب لو فى اوروبا وكان سواق بيحمل هيعمل اية؟


تفتكرى كان ساب باب عربيته مفتوح وراح ياكل؟

كانت اتسرقت في ثواني


طيب كان يطلع بالعربية ناقصة واحد؟

برضة مستحيل


يبقى لما سواق هنا يسيبها ويطلع..........ده يدل على شهامة الشعب الكريم (اينعم فيه ناس واطية) انما برضة الاغلبية عايشة في امان ذهني

نمرة اتنين

فيه خطوط معينة بتطلع الميكروباص فاضي وفيه اللى لازم يطلع مليان.........يعني مثلا ميكروباص المقطم السيدة عائشة........وهو رايح المقطم لازم يطلع مليان........لان الطلعة هي اللي في الفيلم كله.........انما وهو نازل من المقطم.........يطلع من الموقف فاضي براحته ويملأ في الطريق

بس كدة

وكل سنة وانتي طيبة

اتمنى تشرفيني كتير

والسلام

bos bos يقول...

انا جيت اسلم بس وهبقى اجى اعلق بعدين وحشتينى ووحشتنى مواضيعك

mesh2dra يقول...

السلام عليكم

الشنكوتى الكبير

وحضرتك طيب يا فندم
رمضان كريم

____
مبروك لهبة اختك
الله يوفقها

حاولت اعلق عندك في البلوج عشان اباركلها
معررفتش
مش عارفة الخطأ ده من عندى ولا عندك
على العموم
الف مليون مبروك

سلاماتى

mesh2dra يقول...

السلام عليكم

islamist bloke

ههههههههه
لا متخافش ماكنتش حتتسرق

وده
لانه حيسيبلهم العربية مفتوحة
بس مش حيسيبلهم المفاتيح مع العربية

كمان لو تلاحظ
الراجل بيقوله : يا عم يوسف افتح لنا العربية نركب...."
كلمه باسمه
يعني فيه علاقة معرفة بينهم

حاجة كمان
سواق المايكروباس اللي مش طالع
مش بيدي مبرر هو مش طالع ليه
مش طالع وخلاص
بس سواقنا هنا ادى مبرر
وده بردو بيأكد شوية ان السواق على علاقة معرفية سابقة بالركاب
افرض مثلا ان المايكروباس ده كان مسافر لبدة" قرية صغيرة
"
ونلاحظ هنا طلب الركاب انهم يظبطوا الحاجة
يعنى الموضوع فيه احتمال انه يكون سفر
وهنا- من المحتمل بردو-انه بتزداد معرفة الناس ببعضهم البعض وبيبقوا عارفين مين السواق اللي بيسافر وهكذا

سيبك بقى من ده كله

مايخلي الناس تظبط شنطهم
ويروح ياكل
طب هو مش خايف احسن الركاب يروحوا يركبوا مع حد تانى
ولا هو متأكد وعارف انهم مش لاقيين غيره
ومحتاجين له اوى
طب ايه اللي يخليني انا كواحدة حتركب اتحايل على سواق
ما فيه الف غيره
انما انا كصاحبة مايكروباس وعارفة ان مفيش غيري حيطلع دلوقتي
يبقى طز في الناس ..اصلهم مش حيلاقوا غيري ومحتاجين ليا


انا بوضح التناقض في الفعل
مش اكتر

حزور حضرتك ان شاء الله كتير
هى كانت فترة انقطاع وعدت الحمد لله

حضرتك نورتني كتير بجد

كل سنة وحضرتك طيب

سلاماتى:)

mesh2dra يقول...

السلام عليكم

بسبس

يا هلا يا بنت
تيجي في اى وقت
تشرفيني دايما

كل سنة وانتى طيبة


سلاماتي:)

طهقان يقول...

انا اكتشفت ان الميكروباصات دي مملكة لوحدها


دولة داخل الدولة

انا من اهوى ومن اهوى انا يقول...

كل سنه وانتى طيبه ورمضان كريم علينا كلنا.

اولا مش كل الناس هايفهمو موضوع سواق الميكروباص الا اللى بيسكن فى منطقه شعبيه ويعرف انها مهنه من ليس له مهنه هذا ليس تقليلا من هذة المهنه ولكن سهوله دخولها منحت بعض البلطجيه الحق فى التحكم فى الناس انا فاهم انك تقصدى مش موضوع ات السواق ياكل دا حقه الطبيعى لكن اللى مش من حقه انه يتحكم فى الناس ويقفل الباب ويفتحه ( الفكرة فى الاسلوب ) وممكن اى انسان يتخيل من تجاربه السابقه شكل سواق الميكروباص عندما يكشر عن انيابه ضد احد المواطنين

الفكرة فى الاسلوب القذر / مخالفات طريق اكبر نسبه للميكروباصات / حوادث سير اكبر نسبه ميكروباصات / خناقات وبلطجه اكبر نسبه من سواقين الميكروباصات ان كان دا بيدل فهو بيدل عن ايه؟؟؟؟؟؟؟

غياب الامن والوعى لدى الناس و الخوف من البلطجه .

حسن مشالي يقول...

كل عام وانت بخير

بصراحه الكل مخنوق ومضغوط
بما فيهم بتوع الميكروباص لانهم فى النهاية بشر عايشيين فى المطحنة اللى اسمها مصر .. هى بتفرق من واحد لواحد او من فئة للتانيه طبيعة الاخلاق العامة بتاعتهم
ورغم انى بكره اسلوبهم وتصرفاتهم
الا انى احيانا انى بحس بانهم صعبنين على

سعدت بمعرفة مدونتك المميزة

ياسر مدني ...دينامو الإخوان يقول...

أدعوك وأدعو كل الزوار إنهم يلحقوا فوازير رمضان وكل اللي فاتوا فزوره ممكن يلحق يحلها عشان كل فزوره ممكن تلحأها خلال عشر أيام وإن فزورهأول يوم رمضان حنأفل باب الحل بعد يومين

وبفكركم بردوا إن الجوايز جامده ..وإن الوازير عباره عن خلق وصحابي

mesh2dra يقول...

السلام عليكم

طهقان

أى مهنة حتلاقيها
دولة داخل الدولة


سلاماتي
لطنت طهقانة
وللعيال

mesh2dra يقول...

السلام عليكم

أنا من اهوى ومن اهوى أنا

عندك حق كتير
في اللي قلته

بس انا هنا
جبت مثال المايكروباس فقط
لاربطه بسؤالى الاخير
ولم يكن الهدف هو مناقشة
سواقين المايكروباس و تصرفاتهم

سواق المايكروباس ده بشر
واى بشر في الدنيا
له طبيعة انسانية معينة

مش بس سواق المايكروباس هو اللي بيتحكم
لا
ممكن كمان دكتور ...بشمهندس....عالم
يتحكم
طبيعة انسانية وبشرية
لا مفر


نورتني كتير بالزيارة


سلاماتي:)

mesh2dra يقول...

السلام عليكم

حسن مشالي

وأنا سعدت اكتر
بزيارتك لمدونتي
وشكرا على الاطراء
بجد
شهادة اعتز بيها


سلاماتي

mesh2dra يقول...

السلام عليكم

ياسر مدنى ...دينامو الاخوان

حلوة الفكرة
جدا


سلاماتي

abo salah يقول...

بعد السلام عليكم

اسلوب سردك جميل جدا ومتزن و الصورة السينمائية جميلة

الناس هي من أعطته هذه السلطة
يجب أن تكون العلاقة قائمة علي الأحترام المتبادل
هو يراعي الناس و يحترمهم .. والناس كذلك


أشكرك جدا علي زيارتك الجميلة لمدونتي المتواضعة والتي أسعدتني كثيرا


علي فكرة أحنا طلعنا صحاب مشروع واحد .. مشروع الصحافة ، ونتمني من الله أنه ينجح أن شاء الله

أتمني دوام التواصل

تحياتي
وكل سنة وأنتي طيبة
ورمضان كريم

abo salah يقول...

ملحوظة

أنا كمان بحبها و بموت فيها .... أضحك للدنيا


تحياتي

الأستاذ يقول...

إيه ده إيه ده؟ انتي ليكي في السيناريو وكدة؟ يلا كويسة منتظرين القادم وكل سنة وانتي طيبة

mesh2dra يقول...

السلام عليكم

ابو صلاح

اشكرك يا فندم
على رأيك في كتاباتي المتواضعة

يااارب المشروع اللي احنا فيه
ينجح ان شاء الله
اللهم استجب

نورتنى بجد

وحضرتك طيب
الله اكرم

سلاماتي

mesh2dra يقول...

السلام عليكم

ابو صلاح

ياااااااااااااه
تانى واحد
الاقيه بيحبها وبيموت فيها
بس بردو
مش أدي:P

سلاماتي:)

mesh2dra يقول...

السلام عليكم

الاستاذ

ايها المخرج العبقري
آه ليا في السيناريو
يالا
تيجى اجيبلك فيلم
وتخرجه

نورتنى ايها المخرج

سلاماتي

.:.-=- ELGaZaLy-=-.:. يقول...

سواقين الميكروباصت عادة عالم ليهم دولة لوحدها .,,,,


كل عام وانتى بخير

mesh2dra يقول...

السلام عليكم

الغزالي

كل مهنة وليها عالمها
الخاص جدا بها


وحضرتك طيب وف خير
رمضان كريم


سلاماتي

الأستاذ يقول...

ربنا يكرمك .. عبقري مرة واحدة طب كفاية أستاذ وبعدين من غير ألقاب هتقوليلي يا أستاذ أستاذ؟
أنا إسمي سمير
كل سنة وانتي طيبة

همبكة آخر قرصان يقول...

هاهى اول مرة ادخل مدونتك ولكنى اشك فى انها قد تكون اخر مرة...
من غير افلسف... ازيك يا ايتها ال مش قادرة...
انتى عارفة انا لقيت كذا حاجة متشابهين بينا جدا....

حسيبك تخمنى وتحزرى ايه هما الحاجات اللى متشابهين بينا .. اقولك هما بالاخص حاجتين
مستنى ردك وزيارة مدونة العبد لله ويسعدنى التواصل معاكى

الأستاذ يقول...

أشكرك لاهتامك ’ ويلا نقوم نتسحر
تصبحي على خير

CresceNet يقول...

Oi, achei seu blog pelo google está bem interessante gostei desse post. Gostaria de falar sobre o CresceNet. O CresceNet é um provedor de internet discada que remunera seus usuários pelo tempo conectado. Exatamente isso que você leu, estão pagando para você conectar. O provedor paga 20 centavos por hora de conexão discada com ligação local para mais de 2100 cidades do Brasil. O CresceNet tem um acelerador de conexão, que deixa sua conexão até 10 vezes mais rápida. Quem utiliza banda larga pode lucrar também, basta se cadastrar no CresceNet e quando for dormir conectar por discada, é possível pagar a ADSL só com o dinheiro da discada. Nos horários de minuto único o gasto com telefone é mínimo e a remuneração do CresceNet generosa. Se você quiser linkar o Cresce.Net(www.provedorcrescenet.com) no seu blog eu ficaria agradecido, até mais e sucesso. (If he will be possible add the CresceNet(www.provedorcrescenet.com) in your blogroll I thankful, bye friend).

No Fear يقول...

السلام عليكم
مش عارف ليه صحيح بنتغير لما ربنا بيحكمنا علي حد
يارب أنا لو هاكون كده متحكمنيش علي حد خالص
هو تقريبا ضعف نفوس

ياسر مدني ...دينامو الإخوان يقول...

أدعوكم للمشاركه وإبداء الرأئ في مسابقات الشعر وهي عباره عن خلق وصحابي ..ولا تنسوا
1-المشاركه
2-إيجابيتات
3-سلبيات
4_مقترحات

bastokka طهقانة يقول...

مشكلة فعلا
هو جعان و الناس مزنوقة له
ربنا يفرجها على الكل

اوروفوار

سجدة يقول...

بصى بقه إلا سواقين الميكروباص
يجوا يركبوا النفر مننا
يقفوا زى العسل وينتظرك لما تركبى ويبقى زى المؤدب مش عاوزة اغلط
لما تيجى نازلة بقه يبقى عاوز يرميكى فى اى حتة مش مشكلة المهم انه عاوز يطلع وخلاص تقعى تتخبطى ولا بتفرق معاه
دا غير بقه تقسيم الطريق إلى 10 محطات على الاقل وكل محطة بأجرة مختلفة
انا مفقوعة من الميكروباص دا

mesh2dra يقول...

السلام عليكم

الاستاذ

ماشي يا استاذ
سمير

سلاماتي

mesh2dra يقول...

السلام عليكم

همبكة آخر قرصان

إمممممممم
متشابهين في
الصحافة
وبس ده
مش عارفة ايه تانى

شكرا كتير على الاطراء
وانا كمان يسعدني

نورتنى

سلاماتي

mesh2dra يقول...

السلام عليكم

الاستاذ

عفوا على ايه!!

لا
دلوقتى افطار:P
المغرب حيؤذن كمان شوية

سلاماتي

mesh2dra يقول...

crescenet

Welcome Dear friend

Thank you for the attention of advertising across my site,
But I really am not interested in this matter .

Thank you for your attention .
Sorry ,I did not write in Portuguese .

Thank you ,
Peace

mesh2dra يقول...

السلام عليكم

no fear

فعلا والله
آمين يارب العالمين
ربنا ما يحكم حد في حد

اللهم لا تسلط علينا من لا يرحمنا


نورتنى كتير

كل سنة وحضرتك طيب

سلاماتي

mesh2dra يقول...

السلام عليكم

ياسر مدني ..دينامو الاخوان

حاضر من عينيا

نورتنى كتير

سلاماتي

mesh2dra يقول...

السلام عليكم

طهقانة

آمين يا فندم

سلاماتي لاونكل طهقان
والعيال

mesh2dra يقول...

السلام عليكم

سجدة

فعلا لما تيجي تنزلي
بيبقى عاوز يحدفك في اقرب محطة

انتى عاوزة تعطليه وتاخدى من وقته الثمين ولا ايه
؟؟

لما بحتاجلك بكون لطييف للغاية
لما خلصت مصلحتى منك ببعتلك
جواب اقولك فيه كده اخدتى اكتر من وقتك

اسعدتنى زيارتك كتيير

كل سنة وانتى طيبة

سلاماتي:)

3abdo me7tas يقول...

ردى فى كلمتين وبس

هو ده الشعب المصرى

DoMaLaYs يقول...

ايه البطل الرايق ده

بجد مخرجه جامده

يوسفيايه شاهين

مروة عوض يقول...

أول مرة ازور مدونتك ومش هتكون الاخيرة
واكيد اكيد هتبقى مشروع ناجح لأنك عندك مقومات النجاح

موضوع تحفة واسأليني انا على سواقين الميكروباص ...بجد بجد حاجة صعبة بدعي ربنا يتوب عليا منهم

بالاضافة لكلامك يا سلام لو تجرأتي ولقتيه ماشي بسرعة الصاروخ ومالوش دعوة بالمطبات كأنه مركب حيوانات معاه مش بني ادمين لو بس قلتيله بكل ذوق على مهلك يقولك "اللى مش عاجبه يركب تاكسي" كأنه بيعاقبك انك بتركبي ميكروباص

تحياتي لمدونتك الرائعة

mesh2dra يقول...

السلام عليكم

عبد محتاس

لا والله
"فيه جزء من الشعب كويس
بس الضغوط
والقلق
والتعب


اصل الشعب المصري ده
انت وانا
واهلي واهلك واهلهم وصحابك
وهكذا

بس فيه ناس عاوزة " الحرق"

اعتذر لانها جت متأخرة
" كل سنة وانت طيب"

سلاماتي

مواطن زهقان يقول...

أول زيارة وا شاء الله هتتكرر
لان المدونة تجنن
وليا تعليق تانى
بس بعد مااتجول فى المدونة
حبتين
وياريت تشرفينى فى مدونتى

mesh2dra يقول...

السلام عليكم

domalays

يا هلا بك

أنا
يوسفياية شاهين
؟
الله يكرمك

بجد شكرا اوى على الاطراء

كل سنة وانت طيب

سلاماتي

mesh2dra يقول...

السلام عليكم

مروة عوض

يارب ابقى عند حسن ظنك
ونقدر نوصل اللي عاوزين نوصله
ربنا معانا ان شاء الله:)

ياااه
لو قعدنا نتكلم عن سواقين المايكروباسات والميني باسات واللي بيعملوه
حنعمل كتاب
ناهيكي بقى
عن الطرقة فاضية جوا
ادخل كمان جوا يا استاذ
اللي على الباب حيقع

وانت تخلي ليه ناس تركب ليه لغاية ما اللي على الباب حيقع
؟؟!

نورتيي كتييير جدا
وشكرا كتيير على الاطراء


كل سنة وانتي طيبة

سلاماتي

mesh2dra يقول...

السلام عليكم

مواطن زهقان

خد راحتك يا فندم
البلوج بلوجتك
تجول كما تشاء

شكرا اوى على رايك في مدونتي

نورتنى كتير

سلاماتي

القلم السكندري يقول...

سلام عليكم يا مش قادرة

كل سنة وانتي طيبة ولو انها متأخرة بس دي اول مرة ادخل فيها المدونة

بصراحة كدة البوست بتاعك بيفضح مصيبة فينا كتير بيهرب منها

اننا اصلا كشعب كتير منا ديكتاتوري ومستبد

يعني مثلا السواق ده وغيره كتير

ساعة ما يحس انك مستعجل ومحتاجله تلاقيه يزود الاجرة ويقطع المسافة علي مرتين وساعات تلاتة ويتأمر عليك طالع ومش طالع

فعلا والله .. اللي زي ده -وزيه كتيييييييير- لو مسك سلطة هيعمل فينا ايه

صدق الله: وكذلك نولي بعض الظالمين بعضا بما كانوا يكسبون

Mustafa Şenalp يقول...

çok güzel bir site.

KIMOOOZ يقول...

السواقين كلهم عايزين يتجابوا فى ميدان عام ثم يتم احراقهم بجاز شديد الوساخه

و نجيب سواقيين جداد زى بتوع تاكسى العاصمه دول

Mohamed_sobhy84 يقول...

ما تسيبو الراجل ياكل يا جدعان
ده على لحم بطنه
و لازم يرص الطوبه على الطوبه( الزبون على الزبون ) عشان ياكل لما يجوع

el_assel يقول...

مش كل الناس كده بالتاكيد
بس اعتقد ان اي واحد عنده عقدة نقص
وفجأة يكون هو المتمكن اكيد حيعمل كده واكتر من كده
وعقدة النقص دي مش في فئة معينة من المجتمع
لآ دي في كل فئات وطبقات المجتمع

Che The Sad يقول...

جامد البوست
والله بيطلع عيني فى الموصلات كل اسبوع وانا راجع من الكلية مش كفاية بقعد اسبوع فى المحروقة :((

لا والسواقين كمان ما بيعجبهمش العجب والالعن بيحاولوا يركبوا ازيد من من حمولة العربية ولما اعترض بعترض لوحدي وبقية البهايم اللى بتركب معايا تقول يا عم علشان نروح كلنا جاتوا نيلة يللا مش مهم بس الكرسي اللى انا قاعد فيه لا يمكن اقبل ياخد اكتر من حمولته الرسمية

صحيح قبل ما انسي محدش يقولى انه بيحب اضحك للدنيا قد دا انا بحبها اكتر من محمد فاروق " اوعوا تكونوا نسيتوا مين محمد فاروق " على فكرة عندى كل اعدادها من اول واحد ولغاية العدد اللى قفلت فيه وكان فاضل عدد واحد بس على العدد السنوى اللى كانوا بيجهزوله :((

تحياتى ..،
تشي

mesh2dra يقول...

وعليكم السلام ورحمه الله وبركاته

القلم السكندري

يا هلا باسكندرية واهلها
وحضرتك طيبب وف خير دايما

للأسف فعلا
كلامك حضرتك مظبوط
واحيانا بتلاقي الناس تتغير معاك لو مسكت سلطة
سبحان مغير القلوب والأحوال

بس مش بنكر ان الانسان في مواقف كتير بينقلب الي ديكتاتور...بس الخطر انه يبقى متسلط

نورتني بزيارتك
:))

سلاماتي

mesh2dra يقول...

mustafa senalp

???
you are welcome

mesh2dra يقول...

السلاك عليكم

kimooz

ياااه
انت شكلك شايل منهم اوى
طب ما تيجي نجمعهم مع بعض الاول
ونحاورهم ونطلب منهم يغيروا من اسلوبهم
والا
..

ما تحاولش تقارن بتوع سواقين الميكروباسات والمينى باسات وتاكسي العاصمة
لان الاخيرين يختلفوا تمام الاختلاف
وبياخدوا مرتب اولا واخيرا
وفيه بينكم وسيط
يعنى مش منك له

نورتني جدا

سلاماتي:)

mesh2dra يقول...

السلام عليكم

اونكل محمد صبحي

حاضر حنسيبه
حتى الأكل كمان مش راحمينه
يا ساااتر

هى تخاريف هناك وهنا:P

سلاماتي

mesh2dra يقول...

السلام عليكم

الأصيل

اولا البلوج نور
فين من زمان

ثانيا بقى كل سنة وحضرتك طيب

ثالثا
متفقة معاك
مش كل البني آدمين لو مسكوا سلطة حيتنططوا على خلق الله
اكيد الاخلاق بتفرق هنا وكمان الدين
ولاحظ انى ما ذكرتش التعليم
لأن اللي متربي متربي حتى لو مش متعلم:D

المهم انك بخير:)

سلاماتي

mesh2dra يقول...

السلام عليكم

che the sad

يا هلا يا فندم

ياااه
فكرتني بيوم كنت راكبة ميني باس
مش قادرة اقولك شعوري كان ازاى
كان مليان جدا
جدااااااا
وكانوا الناس راكبين على الباب
والله كانوا ماسكين في الشباك من برا
والسواق عاوز يركب تانى
عمال يقول ادخلوا جوا
اصلا مفيش جوا عشان يدخلوا
المهم لما واحد قاله مش داخل لان فيه بنات في الطرقة وادخل فين وشد وجذب
السواق عمل ايه
تصور
؟؟
نزل من الميني باس وقال والله ما انا طالع
سواق مستفزز
ونزل فعلا وما طلعش الا لما الناس قعدت تحايله
حاجة عجيبة
:
:
نو
ثوانى ...ستوب كده
هو انا كل شوية حد يدخل يقولي محدش بيحبها ادي..اضحك للدنيا
كلا البتة ..لا والف لا
دي بنتي:)
آه طبعا مانسيتش محمد فاروق
بس زعلانة منه جداااا
لانه وعدنا بالصمود
ووعدني بالتحدي
وف الآخر فورجيت اضحك للدنيا
على فكرة
انا كمان عرفت اضحك من اول عدد
مش بقولك بنتي:P
ومحدش بيحبها أدي

سلاماتي:)

Che The Sad يقول...

اولا شكرا على تشريفك لبلوج تبعي " ع رأي الشوام "

فعلا محمد فاروق غلطان انه باع المجلة بس انا فاكر اخر عدد قعد يقول عملنا كل اللى نقدر عليه والمجلة رفعت التوزيع من ايام رئيس التحرير السابق وكدا بس مقدروش يغطوا المصاريف " تقريبا المشكلة انهم قاااااااااااالوا جنية لو مكنوش قالوا كانت هتبقي فل مش مهم

بس الاهم انى اكتر واحد بيحب اضحك للدنيا في الدنيا وتحدي بقي لو حد عنده كل اعدادها الواحد والخمسين لحد دلوقتى وكل شوية يطلع عدد يقلب فيه :P

تحياتى
تشي الحزين

mesh2dra يقول...

السلام عليكم

تشي السعيد

يا فندم انا اللي اتشرفت ببلوجتك

صدقني اضحك لما قفلت سببتلي اكتئاب رهيب
مش حقدر اوصفلك حالتي ساعتها لانها فوق الوصف
16/3 /2006
اسوأ يوم في تاريخي
ساعتها عيطت عياط معيطوش على حد
وبعت لمحمد فاروق رسالة
ووعدني انى مخافش وانه ما افقدش ثقى فيهم وفي مقاومتهم
انا واخدة على خاطري منه جدا
اضحك جريدة لا يمكن تتعوض
بس انا حعمل بارت 2 اضحك للدنيا
وحجيب كل اللي بيحبوا اضحك بارت 1 واخليهم يشتغلوا معايا..موافق؟؟
:D
لغاية دلوقتي اضحك بقراها
هى الجريدة الوحيدة اللي محتفظة باعدادها
ولما بيحبوا يهددونى لانى مش بذاكر ..بيهددونى انهم حيرموها

محمد فاروق ماباعش المجلة
بس اللي فهمته ان كان فيه مشاكل في مجلس الادارة
وعادل المصري كان مخبي المشاكل عن الكاست عشان ما يتأثروش بس لما المشاكل استفحلت قالهم

مش عارفة المشكلة الاساسية تكمن في التمويل ولا لأ
بس عارف لو كانوا ضعفوا ثمنها مكنتش حتبقى أزمة
بس مش عارفة فيه تقريبا قانون بيمنع مضاعفة الثمن..مش متأكده ده حقيقي ولا لأ

معلومة كمان
لا اتكلمت مع زملاء كانوا بيشتغلوا في اضحك...وسألتهم عن شعورهم..لقيتوهم آه بيحبوا المجلة ...بس كان تقريبا رد فعلهم واحد" انسي بقى..حاجة راحت لحالها خلاص"...للأسف


آخر عدد كان خمسين مش واحد وخمسين
وكان فاضل عددين على العد السنوي

كده كفاية لانى رغيت اوى

وحسمحلك تحبها
مش مشكلة
بس مش أدى

سلاماتي

Che The Sad يقول...

علشان منقلبش البلوج وموضوع الميكروباص عن اضحك للدنيا تصدقى اول مرة اشوف حد بيحب اضخك اقل منى سنة بيسطة خالص :Pبرضه محدش اكتر منى :)) بس انا ساعتها ما بعتش حاجة لحد قلت يمكن ترجع واستنيت كتير وزمايلي معايا اصلهم كانوا بيقرواها لما انا اجيبها وكنا هنتفصل من المدرسة بسببها كمان

عموما لو عملتى اصحك اتنين انا معاكوا وممكن لو بجد عايزة تعمليها فعلا فعلا فعلا يعني نعملها بلوج او على اى سايت فري " لسه مشتغلتش علشان اعمل واحد بدومين " وفى كل الاحوال معاكوااااااااااااا

تشي

mesh2dra يقول...

ماشي يا فندم
بما انك انت الاصغر حعدي مسأله انك تحبها
عادي يعني هو مش حكر...حبها بس بردو مش ادىىى

إيه ده
؟؟
المدرج كله كان بيقرا اضحك لما كنت بجيبها

لو حصل فعلا ان ربنا
أراد اضحك ترجع...مش حنساك
إن شاء الله

ليك تاج عندي
:))

hamada يقول...

بجد جمده وكلام ساخر رائع كملى بالتوفيق

el_assel يقول...

انا مبسوط جدا لأني رجعت أعلق في مدونتك
بجد كذا مرة أدخل عندك
بس بيقولي ان البلوج مش موجود
تقريبا انتي غيرتي اللينك
وكل سنة وانتي طيبة

غمض عينيك يقول...

انا مش عارف ارد عالتاج
انتي قافلة الكومينتات ولا ايه
ع العموم ياستي
اجابات جميلة مش غريبة عليكي

ربنا ينولك اللي في بالك ان شاء الله ويتمملك السعاده

وشكرا اوي على التاج بس انا كنت سبقتك

تحياتي ليكي
محمد سمير

mesh2dra يقول...

السلام عليكم

حمادة

شكرا يا فندم على الاطراء

اسعدتني زيارتك كتير:)

سلاماتي

mesh2dra يقول...

السلام عليكم

الأصيل

وانا كمان مبسوطة كتيير
لأ
انا مغيرتش اللينك
بس اللي حصل
انى غيرت اليوزرنيم
ولما بتيجى تغير اليوزرنيم بتاعك مش بتقدر تدخل على البلوج من خلال كومنت ليك قديم قبل التغيير في اى مدونة
وانا تقريبا مادخلتش عند حضرتك من ساعة ماغيرت اليوزر
وبالتالي حضرتك معرفتش تدخل عندي
بس كده:)

منور

سلاماتي

mesh2dra يقول...

السلام عليكم

غمض عينيك

يارب يا فندم
اللهم استجب
واجابات حضرتك اجمل اكيد:)

سلاماتي

تائهة فى أرض الأحلام يقول...

انا حبيت أقولك
اعتبرينى قارئة جديدة لك
لانك فعلا بنوتة جميلة وكلامك طالع من القلب
جميلة مدونتك جدا
بس عن تجربة اسمحى لى أقولك نصيحة حاولى تغير الجملة اللى حتطيتها فى التاج
لو لم أكن صحفية لوددت أن أكون صحفية
الصحافة بهدلة ومحتاجة صبر أيوب
وعلى العموم ربنا يوفقك

آخــر قــرصان يقول...

بالحق
اسهل عليكى الفزورة اللى قلتهالك
هى حاجة .. ممكن تعتقدى انك بتعشقيها اكتر منى
ولكن للاسف.. او الله اعلم ممكن فعلا يعنى هيا واقفة عليا انا بس
اتمنى تكونى عرفتيها وتشغلى فراستك
اهه نسيت اقولك
عاوزك تمرى على مدونتى فيه كلام مهم هناك وعاوز رأيك فيه
لازم اعرف رأيك
مستنى ردك وتحياتى ليكى

aliwa يقول...

انا عندى مبدا بسيط وهو علشان تقدر تحكم على تصرفات انسان حط نفسك مكانه وعيش نفس ظروفه وساعتها اكيد نظرتك لتصرفاته هتتغير بوست هايل وكمان البوست بتاع التاج كان جميل ادعوكى وادعو كل المشاركين لزياره مدونتى بحاول اعمل تاج للسيد وريث مصر جمال مبارك مستنى مشاركتكم

mo7amed mamdo7 يقول...

ده انتى دماغك عالية قوى كل سنة وانتى طيبة

HigH hEAd يقول...

صورة للى بيحصل فى شوارع مصر لسواقين المشاريع وهي فعلا حاجه زي الفيرس في الشعب المصري، أديله سلطه
يعني الموضوع مش في سواقين المشاريع بس
ده كمان عند بياعين الفول والبليله
وكمان عند اللى بيبيعوا خضار في السوق
ده حتى بتاع الخروب عنده الموضوع ده
بس برضه نرجع ونقول المشكله الكبيره مش فيه دي مشكلة شعب سمح له بالسلطة
شكراً على الموضوع اللذيذ
الدماغ العاليه

mesh2dra يقول...

السلام عليكم

تائهة في ارض الاحلام

بجد مش عارفة اشكرك ازاى على رايك
في مدونتي
ميرسي لرأيك جداا



عارفة ان الصحافة بهدلة ومحتاجة صبر أيوب
ورضا ربنا ودعا الوالدين
بس انا قلت كلمتى لو لم اكن صحفية " لوددت " أن اكون صحفية
ولكن القدر لم يقل كلمته


ويا هلا بيكى دايما
نورتيني كتييير

:)
سلاماتي

mesh2dra يقول...

السلام عليكم

اخر قرصان

يعنى هيا واقفة عليا انا بس

خلاص
عرفتها

مفيش غيرها
اضحك للدنيا
اتفضل حبها براحتك يعنى هى وقفت عليك على رأيك
:P بس بردو مش أدي

سلاماتي

mesh2dra يقول...

السلام عليكم

aliwa

مبدأك اللي انت ماشي بيه مبدأ ممتاز جدا
وانا شخصيا " بحاول " اعمل بيه


نورتنى يا فندم
وميرسي على رأيك

:)
وانا جاية هوا


سلاماتي

mesh2dra يقول...

السلام عليكم

محمد ممدوح

شكرا يا فندم
الله يكرمك
:)

وحضرتك طيب
وف خير دايما

نورتني كتير

سلاماتي

mesh2dra يقول...

السلام عليكم

الدماغ العالية

فعلا عندك حق
المشكلة ان مفيش حد بيفكر انه في يوم من الايام ربنا حيسلط عليه حد ياخد حق منه

كما تدين تدان
وبالتالي افعل ما شئت

ميرسي على رأيك

نورتني كتير

سلاماتي

البرديــــــة يقول...

دول سبع الاف سنة , مش يومين
سبع الاف سنة كذب ونفاق ودجل
سبع الاف سنة احتلال ودمار
سبع الاف سنة سرقة ونصب تحايل
سبع الاف سنة جهل وتخلف وأمية
سبع الاف سنة خوف ووهم وسكوت
سبع الاف سنة يا ناس مش يومين

طبعا فيه حل
ولو عرفته حبقى ارجع اقولك
وعد

HigH hEAd يقول...

ميرسي على التسجيل وحبيت أقولك ميرسي ما عرفتش غير إنى أكتب كومينت علشان يوصلك رغاي أنا أسف
عموما ميرسي
الدماغ العالية.............

يا مراكبي يقول...

ملخص الموضوع هو العرض والطلب

لما المعروض بيقل عن الطلب بتلاقي اللي معاه السلعة بيتحكم في الناس زي ما هو عايز .. وياسلام بقى لو أصله مش كويس .. بيذل الناس

المووضوع مش موضوع ميكروباص بس .. ده في كل حاجة على فكرة

آخــر قــرصان يقول...

لو اتكلمت ممكن تفتكريه غزل لكن والله ابدا وربنا يعلم النوايا
اتمنى اننا نكون اصدقاء بما ان كارير واحد حيجمعنا ان شاء الله
منتظر التواصل وطرح افكارنا على بعض ..
qasem_corsan8@hotmail.com
منتظر مناقشتك فى يوم من الايام
قريب باذن الله
تحياتى ليكى يا smile

abo salah يقول...

بعد السلام عليكم

أيه ده بقي .. بتلولنا دراعنا و قفلالنا التعليقات على التاج عشان منعلقش

طيب أيه رأيك بقى أني هأعلق هنا
أنا بهزر .. ده بعد أذنك طبعا

إجاباتك جميلة و طبعا جت فى وقتها عشان تعرفنا على شخصية جميلة و ظريفة

ربنا يحققلنا كلنا الأمنية الجميلة دى .. أمنية رؤية الحبيب المصطفى

استاذ حسن عبد الموجود .. رغم أنه مطلع عينا فى الجرنال .. الا أنه يستحق .. ربنا يوفقك ونشوفك حاجة كبيرة زيه أن شاء الله

أجابتك على سؤال السعادة هى؟

من أكتر الإجابات اللى عجبتنى

أما بقى قصة الحصان و الصحراء .. فجابتلى احباط

ربنا ينولك التغيير للأحسن لأن شاء الله

وبطلى بقى مشى وأ،ت سرحانة لحسن عواميد النور كترت دلوقتى

تحياتى ياعاشقة اضحك للدنيا
وكل سنة وأنتي طيبة

mesh2dra يقول...

السلام عليكم

البردية

دول سبع آلاف سنة حضارة

بقى جدك يبني اهرامات وولادك يلعبوا في الطين

نفس الفكرة
العيب مننا مش من حد تانى

اتمنى توصلي لحل
ويتطبق فعلا
وتبقي تقوليلي


كل سنة وانتى طيبة

سلاماتي

mesh2dra يقول...

السلام عليكم

الدماغ العالية

تسجيل ايه
مش فاهمة
؟؟


سلاماتي

mesh2dra يقول...

السلام عليكم

يا مراكبي

ياااااه يا فندم

حد فهمني اخيرا

الموضوع فعلا مش في المايكروباسات
في كل حاجة في الدنيا

وموضوع المايكروباسات لم اكن اناقش فيه احوال السواقين
كان مجرد مثل بس لجملة حضرتك اللي قلتها
المووضوع مش موضوع ميكروباص بس .. ده في كل حاجة على فكرة

شكرا يا فندم :)

كل سنة وحضرتك طيب

سلاماتي

mesh2dra يقول...

السلام عليكم

اخر قرصان

حاضر
:)

على فكرة
مش صورتي خالص
اخترتها لان ابتسامتها جميلة
ومش عارفة مين اللي رسمها
فعلا سلم ايده

سلاماتي

mesh2dra يقول...

وعليكم السلام ورحمه الله وبركاته

ابو صلاح

لا والله مش لوى دراع ولا حاجة
وحضرتك تعلق في أى مكان
البلوج بلوجتك

يارب آمين
نقابله في الجنة ان شاء الله
يارب

زى استاذ حسن عبد الموجود
يارب ابقى بس نصه
بلغه تحياتي وسلاماتي

قصة الحصان والصحرا
ممكن تحس من خلالها بالسعادة جدا
الرجل الكريم خايف احسن تنتشرالندالة بين الناس
يعني فيه حد كده... حد خايف على أخلاق غيره

حبطل سرحان حاضر
اتخبطت مرة قبل كده في نافوخي:D ....آآآه
في اعلان

سلاماتي

koukawy يقول...

مش قاعده

mesh2dra يقول...

koukawy
وانا كمان مش حستنى
محبش حد يتحكم فيا
استنى
خديني معاكي