25.2.07

ليك شوق ف حاجة!!



قرأت كتاب "ليك شوق ف حاجة"ل"محمد فتحي"أبو عمر""
بصراحة الكتاب دخل" دماغي" جدا وخاصة آخر فصلين..حاجة كده تدى أمل في الحياة ولا أحسن طبيب نفسي
فيه حاجة بقى لفتت نظري
محمد فتحي في "مطلوبون في قصر العروبة" بيقول


:
"من هذا المنطلق إذن كنا نتمنى أن نرى عماد الكبير سائق الميكروباص البسيط الذي عذبوه ........الخ


كنا نتمنى أن نرى عماد يصاح الرئيس وتنقل وكالات الأنباء ترحيب الرئيس به وطبطبته عليه طالما أن أحدا آخر لم يفعلها وطالما أن هناك من يحاولون تمويع الأمر ........الخ
كنا نتمنى أن يستقبل الرئيس مبارك الصحفيات اللواتي تم انتهاكهن في استفتاء المادة
76......الخ
كنا نتمنى أن يستقبل مبارك أسر الذين قتلوا في أحداث انتخابات 2005 أو على الأقل أسرة الشاب الجميل الراحل مصطفى السقا ........الخ


كنا نتمنى أن يستقبل الرئيس في قصر العروبة أهالي ضحايا محرقة بني سويف وأهالي ضحايا العبارة المنكوبة بدلا من......................الخ


كنا نتمنى أن نرى بعض رموز هذا النظام ي مكانهم الحقيقي...الخ
"



يالا بقي...معنديش تعليق غير إني أقولك..مبروك الكتاب رائع
وأتمنى واحلم زى ما أنت عاوز أهي هي دى الحاجة الوحيدة اللي ماابقيناش نتحاسب عليها ولا يمكن يكون في المستقبل

قانون جديد يمنع الحلم ويصادر الأمنية ...ويعاقبوا بناء على "إنما الأعمال بالنيات"..ولا تلاقيهم ناطين فوق السرير وأنت بتحلم وقابضين عليك متلبس بالحلم"

آه ....بالمرة
الحلم يعنى الحاجة اللي بنتمناها وقد تتحقق وقد لا تتحقق ..احلم بقي وأتمنى بس ولا حاجة حتحقق

هناك 23 تعليقًا:

Sampateek يقول...

مبروك على عالم التدوين انتمائك ليه
اهلا و سهلا بيكي
مش انت لوحدك اللي مش قادرة


الرئيس حيستقبل الناس دي كلها ان شاء الله بس اصبري شوية اصل القهوة خلصت في قصر الرئاسة و موصيين على ربع كيلو بن برازيلي محوج
اول ما البن يوصل حيعزموهم طوالي
ايه مفيش صبر
:)
تحياتي
---------
سايقة عليكي النبي تلغي الفريفيكيشن ورد دي لحسن انا مش ناقصة عما

amira يقول...

يا أهلا يا أهلا يا أهلا

بس انتي عايزة ايه يعني ؟؟
انتي عايزة السيد الرئيس بعد ما يقعد مع الآنسه كوندي القمر تيجيله نفس يقعد مع البنات الصحفيات بتوع ال
ولا أهالي الضحايا بتوع ال
وال
وال
!!!!!
يا شيخة حرام عليكي
.....
كلنا ان شاء الله هانبقى مش قادرين ومش عارفين ومش فاهمين ومش هنا أساساً
.....
أول قطفة من التحيات

أبوعمر يقول...

مبروك البلوج،ومتشكر أوي على رأيك في الكتاب..عجبني جداً إيمانك بإن الأمنيات دي مش هتتحقق..بس ليه لأ..ما تعرفيش إيه اللي ممكن يحصل للبني آدم في آخر أيامه
تحياتي

koukawy يقول...

هجيبوا اقراه و اقولك رأي

غير معرف يقول...

السلام عليكم

كلبوزة
الله يبارك فيكي

أدينا صابرين ومستنيين لما نشوف إيه
آخرتها

أنتى تؤمرى
:)

غير معرف يقول...

السلام عليكم

أميرة

لا طبعا ..هو أنا قلت حاجة ولا فتحت بقي..ده مجرد حلم من أحلام اليقظة..ومش حلمى كمان

وبعدين يعني مفيش وقت عشان كلل دول يروحوا القصر
كده حيبقي زحمة أوى
ومش بعيد الأكسجين يخلص كمان

نورتينى جدا
:)

غير معرف يقول...

السلام عليكم

أبو عمر

الله يبارك في حضرتك
-----------
يا مسهل يااااااارب
بس الامل ده من منطلق
"لو بطلنا نحلم نموت"

غير معرف يقول...

السلام عليكم

koukawy

فعلا ياريت تقريه
ومتكسليش
وحيعجبك كتييير
إن شاء الله

ibn nasser- ابن ناصر يقول...

هاهااه لأ كتاب باين عليه يضحك , ابقي اقري كتاب حدث في انتيكا لدكتور تامر أحمد من نفس الشركه برضه
ومبررك علي دخولك عالم البلوجرز واحب اقولك حاجه كل حاجه ممكن تحصل في الزمن المهبب ده ,محدش عارف حاجه !! ولا ايه
وشكرا

غير معرف يقول...

السلام عليكم

ابن ناصر

حقراه إن شاء الله

والله يبارك في حضرتك
وزى ماحضرتك قلت كل حاجة ممكن تحصل في الزمن المهبب ده"

تحياتى

35L يقول...

السلام عليكم.....لقد افتتحت مدونة جديدة.....رجاء الاطلاع عليها و ترك تعليقات حتى أعرف هل أستمر أم لا؟.....أنا لست مدون جديد....و لكنى أغير وجهتى فى الكتابة.....شكرا

أُكتب بالرصاص يقول...

مش قادرة...

في أوروبا والدول المتقدمة
دايما رئيس الجمهورية بيستقبل السواقين اللي العصاية اتحطت في ....!

بس في مصر...

عماد حصل له اللي حصل في قسم شرطة
فما بالك بقا لو راح قصر العروبة ..

ها يحصل له ايه!؟

مبروك المدونة
وعقبال ما تخاويها

غير معرف يقول...

مش عارف لية ان حاسس ان "مش قادرة" دي فيها ايحاء جنسي

هههههههههههه

لا والله باحس بكدة كل ماقراة


ماتخلية مش عارفة ارحم

حتى لو هيه مش عارفة بتبقى مؤدبة ومابتعرف الحاجات العيب دي

هههههههههه

Human يقول...

هههه..واضح ان الكتاب جامد ...بس ليه الشاؤم ده ان شاء نحلم وتتحقق احلامنا بس بشويش

الأباصيرى يقول...

اسم الكتاب والغلاف بتاعة لوحدهم تحفة

وحتى لو اتحققت الأحلام دى
برضة هما أستفادوا أية بعد لنا أغتصبوا وأتهانوا وأتشردت أسرهم

سمسم يقول...

إيه يا جماعة التحامل ده علي الريس

وليه يا عمنا ابو عمر تشنع عليه

وليه يا مش قادرة تنقلي التشنيع

بصفتي ناطق حشري بإسم رئيس الجمنهورية

أقدر اقولكم إن الريس فكر إنه يعمل

حاجات كتير خير زي اللي سيادتك

إقترحتيها بس جالوه تيليفون...وبعد

التيليفون جالوه لامؤخذه(.....) فدخل

الحمام وخد أنتوسيد...وجالوه بعد كده

ضيوف من بوركينا فاسو...وطبعاً كانت

(......) تقيلة قوي...إتغدوا وشربوه

شاي ورحرحوا...وبعد كده جالوه وخم

فنام شوية...وبعد كده جالوه

كابوس...وبعد كده جالوه وحط عليه

آمين

أرجوكم يا جماعة شوية موضوعية وإنصاف

وتقدير للمهام الجسيمة والمسؤليات

تحياتي

ومبروك علي الشقة الجديدة

غير معرف يقول...

السلام عليكم

أنونيموس

اهلا بيك
تحياتي

غير معرف يقول...

السلام عليكم

أكتب بالرصاص

متهيألي أن مفيش حد بيحصله في أوربا والدول المتقدمة اللي حصل لعماد
وبالتالي لن يضطر أحدهم لاستقبال مثل
عماد أو غيره

........
الله يبارك في حضرتك
بس يعني إيه أخاويها

غير معرف يقول...

السلام عليكم

هيومان
إن شاء الله
قول يارب
بس بشويش؟!!!

إحم إحم
مااحنا بقالنا مستنيين كتيير
ولا حاجة حصلت

نورتني
:)

غير معرف يقول...

السلام عليكم
الاباصيري
علي رأيك حيستفيدوا إيه
ماخلاص اللي حصل حصل


بس يبقي علي الاقل
مشاركة وجدانية
جبر خواطر زى ما بيقولوا

صحيح انت جاي تعمل ايه بعد خراب مالطة
ماخلاص
بس ميبقاش موت وخراب ديار

علي الاقل البشر دى تحس ان فيه حد حس بيهم

سلاماتى

غير معرف يقول...

السلام عليكم

سمسم

أيها الناطق الحشري باسم رئيس الجمهورية

أنا مشفتش حاجة..ومعرفش حاجة
:D
........

سلاماتى وتحياتى

شيماء الجيزى يقول...

مش قادره
انتى والله تحفه يا بنتى
بس المرادى حطيتى ايدك على ال....
الجرح
الكتاب روعه
وبيحكى بمنتهى البساطه
وبيفهم بمنتهى السهوله
والصورة بتفكرنى ب..
ولا بلاش احسن يتعملى كليب انا كمان
ايه
ليكى شوق فى حاجه
ايون كده
خليكى هاديه
وراكزة
تحياتى يا قمر

غير معرف يقول...

السلام عليكم

شيماء الجيزى

ميرسي يا فندم على الإطراء الجميل:)
فعلا الكتاب جميل جدا
واسلوبه في منتهى السلاسة

ربنا يستر علينا كلنا
أنا شخصيا مش بحب الكليبات
:D

لأ ماليش شوق ف حاجة
ولا عاوزة حاجة اصلا
:D

احتراماتي