13.7.07

و...كنت حتعض

ما سمعتونيش وأنا بصرخ انهاردة في الشارع

بتصرخي..؟!

آه، أدركت انى أملك حنجرة رهيبة..أطلقت صرخة أيقظت النائم وأزعجت الميت

امتى ده..؟!

الصبح...إيه ماسمعتنيش ..ده أنا كنت تحت البيت

ليه..ايه اللي حصل.؟!

كلب..كلب شرس كان مستخبي ورا الزرع في الجنينة ونط عليه

و...عضك؟

أكيد..لأ يعني

متأكده أنك ماتعضتيش.......ولسان حاله بيقول البت دى ماتقعدش تأكل معانا

يعنى حيكون عضني وواقفة بكلمك..هو فتح بقة آه وكان مصمم يأكلنى انهاردة


وبعدين


أبدا يا سيدي..هو كان مستخبي وأنا ماشية عادي خال"ث" ولا على بالي..لقيت حاجة سريعة جاية من الزرع اللي جمبي وبتنط..أنا افتكرتها قطة ولا أى حيوان..لأ ..بس كلب ..لأ لأنى عمري ما شفت كلب بينط النطة دى

ها..؟

وبعدين حاولت أتفادى أيا كان اللي بينط وطلعت 3 سنتيمتر قدام زيادة بس جابني بردو ومن كتر شدة اصطدامه بيا كنت حقع..إهىء إهىء


كان مصمم انه يأكلني انهاردة..راح ناطط عليا تانى بعد النطة الأولانية واللي تبعها طلوع 5 سنتيمتر واستغراق 2 ث لاستعادة توازني..وهنا أطلقت حنجرتي وقدمي الأولي للصراخ والثانية للجرى..لا يا أخويا ..أصل العمر مش بعزقة..لاتقولي برستيج ولا يحزنون..وشكلي بقى والكلام ده..برستيج وآخدلي 3 ولا 4 حقن ..بعد الشر

ها..كملي وانجزي..؟

المهم..ظهرت فتاة بعربتها ..كالفارس على جواده انتشلتنى من بين أنياب ذلك المتوحش وطارت بيا بالعربية

*

*

بالمناسبة

كلمنا شرطة.."مش فاكرة اسمها" بعد اتصالات ومحاولات ومنين بيودى على فين وارقام تليفونات ودول يحولونا على دول...يااااه


وجاء رد الرجل كالتالي:

ساكنين فين؟

...

شرق ولا غرب

...

يوم السبت

اشمعنى

لأن المنطقة بتاعتكم يوم السبت

طب ايه اللي حيحصل

حييجى دكتور ومعاه قوة لحمايته ويرمي أكل فيه سم فيموت الكلب في لحظتها..اصل احنا بطلنا نقتلهم بالرصاص

طب يا سيدي افترض أن الكلاب ماجالهاش مزاج تطلع يوم السبت إيه اللي يحصل أو أن الدكتورجه في وقت ومالقاش الكلاب إيه اللي يحصل

يبقى حظك بقى

لا تعليق

*

*

مش حنكر أن الكلاب جعلوني أشاهد عالم الحيوان لايف..معركة بين 4 كلاب وقطة انتهت بانتصار القطة بعد تمسك بالحياة مستميت ومحاولات ومراوغات من قبل القطة ومعركة أخرى بين الكلاب وبعضهم البعض انتهت بإصابة 3 كلاب



بصوا الفرق بين البشر اللي عندنا والراجل بتاع الشرطة الألماني
ده خبر كان منشور في مصراوي
فتاة ألمانية تستدعي الشرطة لمساعدتها في ترتيب غرفتها 5/22/2007 6:13:46 AM
برلين (رويترز) - ضاقت فتاة ألمانية ذرعا بأوامر امها لترتيب غرفتها الي درجة جعلتها ترفع لافتة في نافذة غرفتها تحث المارة على استدعاء الشرطة لنجدتها.
وشاهد المارة في مدينة براونشفيج في وسط المانيا الفتاة التي تبلغ من العمر 9 أعوام وهي تبكي في النافذة وتمسك بلافتة كتب عليها "النجدة.. من فضلك اطلب الشرطة" فيما كان يجلس بجانبها طفل صغير.
وسارع ضباط الشرطة فور اخطارهم الى المكان ليكتشفوا ان الفتاة تشاجرت مع امها بشأن ترتيب غرفتها وانها استعانت بشقيقها البالغ من العمر عامين للفت انتباه المارة.
وقال متحدث باسم الشرطة "الغرفة بدت وكأنها ساحة معركة."
وأضاف قائلا "أبلغ الضباط الفتاة أن عليها ان ترتب غرفتها. وعندما عادوا بعد ساعتين وجدوا الغرفة نظيفة ومرتبة.
كما وجدوا ان الام والابنة تصالحتا ايضا."
*
*
*
كفاية كده عليكم
ومش لاقية تعليق اعلق بيه
سلام

هناك 77 تعليقًا:

Momo يقول...

ولا انا لاقية تعليق اعلق به والله

دي اخرة الاشتغال بالسلطة الرابعة

النزول الساعه 5 الصبح والتعرض لكلاب الشارع

ربنا يحميكي ياحبيبتى ... وخدي بالك من نفسك ارجوكى ...وماتنزليش بدرى اوى ولا متأخر اوى بعد كدة

بالنسبة لـ
"راح ناطط عليا تانى بعد النطة الأولانية واللي تبعها طلوع 5 سنتيمتر واستغراق 2 ث لاستعادة توازني..وهنا أطلقت حنجرتي وقدمي الأولي للصراخ والثانية للجرى"

الحتة دي فكرتنى بأدهم صبري اوى والله يا بنتى D:

بالنسبة للبنت اللى اتخانقت دي عشان اوضتها

متهيالى ماما اللى هترفع لافتة قريب منى وهتقول اطلبولى الشرطة عشان اوضة مومو D:D:D:

هم مش اعتبروه ازعاج سلطتا ده ولا ايه عادى كدة ؟D:

اسلوبك تحفة يا "مش قادرة" بسم الله ماشاء الله

وعودا احمد للتدوين

كنتى واحشة بلوجتك جامد يابنتى

Islamist Bloke يقول...

لا حول ولا قوة الا بالله

انتو خلاص مش عارفين تلاقوها منين واللا منين

من الشرطة واللا الانتهاكات واللا التحرش واللا المعاكسات واللا عرسان اخر زمن اللى يجيبوا شلل واللا المديرين فى الشغل واللا واللا

ربنا يحرسك ويحميكي ويجعلك من الناجحين الفالحين

اللهم امين


اما موضوع الكلاب الضالة...........فعلا انتشر اليومين دول شوية..............قطط وكلاب وحاجات كتيرة...........الحكومة يا حبة عيني معذورة ومش عارفة تلاقيها منين واللا منين........من انقطاع المياة فى الدلتا واللا انفلونزا الطيور واللا الاحتباس الحرارى واللا موسم العمرة والحج اللى داخل ومفيش عبارات كفاية وهيحصل تكدس وكوارث تانى واللا اية بالظبط.....ربنا يعين كل شريف ومحترم

تحياتي

والسلام

غير معرف يقول...

السلام عليكم

مومو

لأ
دى آخرة اللي يدرس في
كلية بعيدة عن بيتهم
مالها عين شمس
ماكانت قريبة
نوعا ما

*
*
ادهم صبري
بتاع رجل المستحيل
والكلام ده
صح
؟
ها وصلوا لحد فين
اتجوز هو ومنى
ولا
لسه
*
*
لأ
أنا بابا هو اللي حيرفع لافتة
بس مش عشان أودتى
عشان حاجات تانية
كتييييييييييييييييييييير
*
*
متهيألي عندنا بيعتبروه ازعاج سلطات
وهيافة
ومش بعيد كانوا اخدوا تعهد على مامتها
بان البنت ماتتصلش بيهم تانى
وممكن كانوا شدوا باباها من هدومه
وأدوه اللي فيه النصيب
وسابوه يعاني مع اوجاعه
مفيش حاجة ممكن نستغرب منها
اليومين دول
*
*
ميرسي يا حبي
ربنا يكرمك
يا مومتى ياارب
وانا من موقعي هذا
وبناء على توكيل من البلوج بتاعي احب اهدى اغنية" ورجعت بعد فراق"
ليا طبعا
- ده اذا كان فيه اغنية بالاسم ده-
سلاماتي
يابشمهندسة
:)

غير معرف يقول...

السلام عليكم

islamatic blke

غوط يا راجل عليها
الله يكون في عونها
رافعين شعار
نحن نسهر من اجل راحتكم
والتفكير في كيفية تشغيل الشباب الغلابة العاطل
اللي بقى المنفذ الوحيد له
القهاوى
أو بمسمى أروش واقيم
" كافيه"

ميرسي يا ندم على الدعوة
نحن وانتم
يارب العالمين

سلاماتي:)

الكلام نوعان :كلام فارغ وكلام مليان كلام فارغ يقول...

يابنتى فيه فرق شاسع بين الشرطه بره والشرطه هنا
يعنى بره اديكي شايفه جابت للنت ام 9 سنين حقها من امها
امال لو الموقف هنا بقى كان حصل ايه
كانوا اعتقول االبنت والام بسبب ازعاج للسلطات
يلا
حسبي الله ونعم الوكيل
تحياتى

غير معرف يقول...

الموضوع حلو أوى يا مش قادرة
وياريت ماتغيبيش عننا تاني

غير معرف يقول...

السلام عليكم

الكلام نوعان

فعلا والله عندك حق
لو كانوا هنا
ولا لو ده حصل
عندنا
كان باباها ومامتها اتبهدلوا
ومش بعيد كانوا يكتبوهم اقرار بان البنت مش حتعمل كده تانى

نصيبنا كده
ولا عندك حل
؟


سلاماتى
:)

غير معرف يقول...

السلام عليكم

مجهول

شكرا يا فندم على تعليق حضرتك
وميرسي كتير على ذوقك
بس ياريت تكتب اسمك
عشان اعرف مين بيكلمنى

ويا هلا بيك

سلاماتى
:)

نفسنا يقول...

ندعوكم لزيارة العدد الثالث لمجلة نفسنا

شباب روش طحن يقول...

طب كويس إن أنتي نجيتي أنا شخصيا بحترم الكلاب جدا وليا معاهم مغامرات كتير و أظن أن الشرطه هنا معزوره وجه نظري إن الأمن والأمان المسيطر الأاول عليه هو الشعب ولما الشعب يبقي فيه مشكله بيبقي رد فعل الشرطه مجرد رد فعل طبيعي جدا لحاله الشعب نفسه إزاي مش مهم بس ده رأيي

خليك فى البيت يقول...

خليك فى البيت يوم 23 يوليو لمعرفة التفاصيل أدخل مدونة خليك فى البيت

-_- يقول...

العرب بيخافوا من الكلاب عموما و عشان كده امريكا استخدمتها في الاستجوابات رغم انها لم تكن تستخدمها من حرب فيتنام

غير معرف يقول...

السلام عليكم

نفسنا

حاضر من عينيه
وربنا يوفقكم

سلاماتي:)

غير معرف يقول...

السلام عليكم

شباب روش طحن

وأنا كمان ابتديت احترمهم
بعد اللي حصل لي مؤخرا:D

الأمن والأمان المسيطر الأاول عليه هو الشعب

؟
!

غير معرف يقول...

السلام عليكم

خليك بالبيت

ايه الضرر اللي واقع على الحكومة
لما نقعد بالبيت
؟
؟

فكرة الاعلام حلوة

سلاماتي:)

غير معرف يقول...

السلام عليكم

شارم

متهيألي مش العرب بس
هما اللي بيخافوا منها
فيه كلاب بشعة
ومفترسة
*
*
شكرا على المعلومة


سلاماتي:)

شيماء الجيزى يقول...

تصدقى يا مش قادرة

مش عارفه اقولك ايه

عااااااااااااااااااااااااااااااااا
بجد بقى

يعنى انتى كلب كان هيعضك وانا معرفش

بجد

انا قلقت عليكى جدا دلوقت ..

بقولك ايه

معنتيش تنزلى الصبح تانى

وكمان كلب اساسا كان بيشتغل فى السيرك

انتى ايه يا بنتى؟

ولا الشرطة علشان تروق الاوضة معاها

لا وراحوا يطمنوا عليها بعد كده

والله عال

لا تعليق يعنى

وبقولك خدى بالك من نفسك كويس قوى

mo'men mohamed يقول...

الحمد لله انت طلعت منها سليمة
وربنا يحميك منه
السلام عليكم

محمود على يقول...


واحد صديقي حكالي مره
علي موقف

سايح فرنساوووي
وهو في دهب
تعب
ساعتين
والسفير اتصل
وبعت مندوب
والخارجيه اتصلت
وبعتت مندوب
وطياره نزلت مطار شرم مع مندوب
وطارت بيه علي بلدهم

سالت صاحبي وده كان ابن مين في فرنسا
قالي انه موظف

jessy88 يقول...

يالهوى..ياخرابى كلب..بوبى..ياماامى,سياتك اتخديتى وخفتى اوى من الكلاب الحيوانية اللى بتاكل عضم(اللى انا بترررعب منها)احم ..احم؟ امال لما تقابلى الكلاب البشرية اللى بتاكل لحم وتحرق دم هتعملى ايه قوى قلبك و اليكي هذه الاغنية: وابتدى ابتدى ابتدى ابتدى المشوار تاتاتا....

غمض عينيك يقول...

حمد الله ع السلامة
كانت معركة صح؟
المهم انك طلعتي مش معضوضة
وان شاء الله اللي رد عليكي في التليفون ده ينول شرف العض من نفس الكلب يوم جمعة بعد الصلاة


تحياتي ليكي
محمد سمير

Van Gogh يقول...

mesh2dra
اخبارك ايه...؟؟
وحشنى كلامك الجامد
اللى بيقلب المواجع

حمدلله على سلامتك من الهجوم الغادر
ووالله اللى ضحكنى قوى انك كلمتى الشرطة

عشان بقالى حبة مجتش هنا
قريت البوستين مرة واحدة

اوعى تتنازلى فى يوم عن مبدائك دى
ووالله انا مقاطع كل الصحف بقالى فترة ومستنى حد زيك يرجعنى تانى

يمكن يكون سبب حماسى ان الصحافة الحرة النظيفة اول طرق التنمية

ويكم لو كنتش صيدلى
كنت بقيت صحفى

خلى بالك من قلمك
وخلينا نشوفك

غير معرف يقول...

السلام عليكم

شوشو

شفتي بقى
انتي تتعوري وانا مش موجودة
وانا كان حيعضني كلب وانتي مش موجودة

يارب اخلص بقى
انا تعبت
وشكلي حرتكب جريمة قريب

المهم
اخبارك ايه
يارب تكوني بخير
والجرح اخباره ايه

غير معرف يقول...

وعليكم السلام ورحمه الله


مؤمن محمد

الحمد لله فعلا
وخاصة انها احم احم
مش أول حادثة ليا مع الكلاب
كان يه قبل كده وانا صغيرة

ربنا يبعدهم عننا جميعا

نورتني كتييير


سلاماتي

غير معرف يقول...

السلام عليكم


محمود علي

ما تستعجبش عشان الموقف ده
عارف ليه
لأن البني آدمين هناك ليهم قيمة
مكن حرب تقوم عشان أسير ولا اتنين
ممكن خلافات بين دولتين عشان بشر
ممكن لو حد مات لهم على الحدود وهو بيؤدى عمله - قتل غدرا- يقلبوا الدنيا
ممكن يقلبوا الدنيا عشان طفل اتقتل
والارهاب ومش الارهاب

انما عندنا تقوم مجزرة
ششششششش..انسى
ياراجل فيه زيادة سكانية خلي الضغط يخف شوية

معلومة اخيرة او تقدر تطلق عليها حقيقة مفجعة
اللي مالوش قيمة في بلده من الصعب جدا انه يحصل عليها خارج بلده

أسعدتني زيارتك كتير

سلاماتي

غير معرف يقول...

السلام عليكم

جيسي
ههههههههههههههههههههه

يانهار ابيض على أغانيكي
"توحفة ختيرة"

طب ما ألفتليش شعر على الموقف ده ليه

ماتخافيش
انا اعرف اواجه كلب بشري
والدنيا مليانة بيهم اصلا
وده لانه بنى آدم
حعرف بيفكر ازاى
وممكن أفاوضه

انما ده كلب حيواني
معرفتش عاوز ايه
اكيد عاوز ياكل يعني
بس معرفتش طريقة تفكيره
وماينفعش معاه طريقة المفاوضة
1+1=2وعنده مبدأ

معلومة أخيرة
الكلاب البشرية
بتاكل لحم وتشرب دم
مش بتحرقه

مستنية الشعر بتاع حضرتك يا فندم:P على الموقف الخطير البشع...

سلاماتي

غير معرف يقول...

السلام عليكم

غمض عينيك

هههههههههههههه
ياسيدي
مش مشكلة
ربنا يسهل له

انا عارفة ان اللي كلمني مش بايده حاجة
دي شوية قوانين حطهم واحد سخيف ومعقد
وتيجى تعترض
يقولك اصل اللايحة بتقول
وكأن اللايحة دي أنزلت

يتعض في الفجر
!!!
فكرتني والله
فعلا كانت الكلاب بتجري ورا اى حد في الشارع وهو رايح يصلي
الفجر

ربنا يسترها ان شاء الله
على الجميع

سلاماتي

غير معرف يقول...

السلام عليكم

van gogh

شكرا اوى على الاطراء
والله يسلمك

بجد
عجبني اوى تعليقك
وأسعدني بقدر ما أعجبني
ربنا يكرمك

على فكرة ممكن تشتغل صحفي
عادي جدا
أنا معايا في المجلة خريجي
حقوق وتجارة وعلوم وخدمة اجتماعية ودار علوم
قربنا نعمل جامعة القاهرة جوه المجلة:D

الموضوع مش موضوع كلية خالص


سلاماتي

غير معرف يقول...

للجميع

اولا آسفة على تأخري في الردود
بعتذر جدا والله

ثانيا
قريت التعليق اللي انا كاتباه ل


islamist bloke


حسيت ان مش انا اللي كاتباه
يعنى ايه "غوط"
مش عارفة اخمن هى كانت المفروض تبقى ايه

وكاتبه الاسم غلط
وبيحتوى على اخطاء املائية غبية
ندم)= (فندم)

يالا
بعتذر
يا فندم

وسلاماتي للجميع:)

الراقـــص مع الذئـــــاب يقول...

السلام عليكم

صعبة اوي حكاية الكلاب ديه وخصوصا مع البنات
الله يكون في عنكم
فكرتيني بسكر
سكر دا كان كلب علي المعاش
بيجي يقعد في مدخل العمارة ايام البرد..طبعاً وانا نازل الفجر مبكنش شايف ادامي حاجة وماشي وانا نص نايم...وتخيلي بقي الوضع وانتي ماشية الفجر بتدوسي علي كلب ومدي الرعب اللي بيحصل والخضة اللي بيخدها الكلب وبخدها انا كمان وهول الموقف
والوضع كان بيتكرر شبه يومي...لغاية ما اتعودنا علي بعض وبقيت بدوس عليه من غير ما هو يتخض ولا انا اتخض..

المشكلة انه كلب كبير مش صغير ...بس مش عارف مكنتش بشوفه ازاي

المهم خدي بالك واي موقف زي كدا يحصل امسكي طوبة علي طول وهددي بيها الكلب..لأنك اكيد مش هتعرفي تجري...والكلاب بتاخاف من الطوب والتهويش

وربنا يسترها معاكي
دمتي في خير اختي الكريمة

david santos يقول...

A good and happy week for my friend

mesh2dra يقول...

السلام عليكم

الراقص مع الذئاب

هههههههههههه
سكر ده سكر بجد
طب كويس انه اتعود عليك وبقيتوا اصحاب

طوبة ايه
هو ادانى فرصة افكر اصلا
ده متوحش ومعندوش تفاهم
أنا كل ما اعدي من نفس المكان بتلفت ورايا كانى هربانة من حد
ولو سمعت حركة بسيطة بترررررعب
فعلا ربنا يستر مع الجميع

ودمت دائما في خير

سلاماتى وتحياتي واحتراماتي:)

mesh2dra يقول...

Hello,
mr. david sanots

thanks
& i wish you to a nice week

فتافيت سكر يقول...

السلام عليكم ورحمة الله وبركاته
يا عيني بجد حصلك كده بجد زعلت اوي والله ربنا يحميكي يارب ويبعد عنك كلاب السكك:) بس بجد ما شاء الله اسلوب جميل جدا ربنا يوفقك ويزيدك
بس انتي فكرتيني بموقف برده حصلي مع الكلاب وبرده كان الصبح بدري بس انا بقى طلعلي يجي 5 كلاب .بس الحمد لله عدت على خير :)

mesh2dra يقول...

السلام عليكم جاسمين وامانى
ميرسي ليكم

وخدى بالك يا بنتى


سلاماتى

أسوور يقول...

ضحكتينى مووووت
بس خلى بالك بقى المرة دى جت سليمة
المرة الجاية ماحدش عارف ايه اللى هيحصل
يمكن بدل ما ينط .. يعض

كويس ان جت على قد النط بس والجرى وراكى
:))))

تحياتى

نفسنا يقول...

ندعوكم لزيارة العدد الثالث من مجلة نفسنا
ومن لدية القدرة على الكتابة ويريد الكتابة معنا يراسلنا
nafsena@gmail.com

بسمه عبدالباسط يقول...

أنا مررت ليكى تاج حملة أنترنت بلا حدود ياريت تشوفيه وتاخديه

غير معرف يقول...

هوهولى اتلفت نط عليا اتفزعت
ولولا الشهامة كان زمانى اتبلعت
اما كان يوم ندامة يا رتنى ما كنت تحت

اما كلب ابن كلب يستاهل عض .. ضرب
لكن دكتورنا طيب الظاهر كلابنا حب
محبش يقلقوا محبش محبش يسمعوه طاخ و بم ودب
قال يقتلوا على الهادى بالسم فى الزبادى
برضه دول كلاب بلادى هما فوق واحنا تحت
هما اللى بياكلوا لحمة لكن احنا عملنا زحمة
كان لازم يخلصوا منا فورا بأى شكل
دى زيادة سكانية دى مشكلة ازلية
و الحل مش قضية كام مرض على كام كلب ادى يا ستى الابيات اللى كنتى عايزاها اى عضة اصدى اى خدمة..

mesh2dra يقول...

السلام عليكم

ياسمين

الحمد لله فعلا
كفاية الجرى اللي جريته
فكرنى بأيام حضانة

ربنا ياخد الكلاب كلها

سلاماتي:)

mesh2dra يقول...

السلام عليكم

نفسنا

ربنا معاكم ويقويكم
وبزوركم من غير ما تقولوا

صعب انضم لكم في الوقت الحالي
مش حبقى أد المسئولية لان معنديش وقت


اشوفكم قريبا

سلاماتى

mesh2dra يقول...

السلام عليكم

بسبس

من عينيا
ربنا يخليكى
وميرسي على التاج


قبلاتي:)

mesh2dra يقول...

السلام عليكم

جيسي

ههههههههههههههههههههههههههههههههههههه
يخرب عقلك
ضحكتينى بجد
ربنا يكرمك

اطلب الطلب الاقيه كده على طول


ابيات تحفة

سكر يا بنت
بجد
عسوووووووولة

وحشتيني

غمض عينيك يقول...

مش قادرة

انتي فين

طولتي الغيبة
طمنينا عليكي
محمد سمير

smraa alnil يقول...

هههههههههههههههه

المهم انك مش اتعضيتي

حمدالله علي سلامتك

وبعدين انتي بتقراني الشرطة اللي هنا باللي هناك

الله يرحمك يا سعد زغلول

علوة يقول...

التعليق المثالي على هذا البوست اللذيذ

هو هو هو هو هو

كنت أتمنى أول تعليق ليّ في البلوج اللذيذ ده حاجة تانية غير الهوهوة
!!!
بالمناسبة أسلوب الكتابة لطيف اوي

mesh2dra يقول...

السلام عليكم

محمد سمير

ربنا يكرمك
بجد شكرا كتير لسؤالك

حاجى قريب ان شاء الله

شكرا لسؤالك كتييير

سلاماتي:)

mesh2dra يقول...

السلام عليكم

انجى

الله يرحمه فعلا

لأ طبعا
هو انا اتجننت في
عقلي عشان اعمل مقارنة


هما ييجوا ايه جمبنا
بسم الله ماشاء الله علينا
كفاية بقى
مايحسد المال الا اصحابه

نورتينى كتير

سلاماتى:)

آه
حاجة على جمب
سعد زغلول لما قال مفيش فايدة
كان ساعتها بيموت والدكتور بيحاول
يسعفه
وزوجته كانت بجواره
وكانت بتصبره
فقالها مفيش فايدة لانه حس
انه بيموت
ومات في ساعتها فعلا
معلومة قريتها ..مش عارفة صح ولا غلط

يالا
سلاااام

mesh2dra يقول...

السلام عليكم

علوة

اسعدني تعليقك جدا
شهادة اعتز بيها يا فندم


ربنا يكرمك

سلاماتي:)

3abdo me7tas يقول...

والله انا مش شايف انه كلب خالص
مش يمكن يكون سلعوه
المهم بمناسبة يوم السب والحد انتى نسيتى حاجه مهمة جده
إنتى أكيد أكيد فى مصر

مع اول زيارة ليا فى المدونة

كراكيب عادل يقول...

انا البداية عجبتني افتكرتها حكاية لقتها بجد

انا اتعضيت قبل كدة وكان عمري 8 سنين من كلب ومسعور كمان واخدت 21 حقنة في البطن الغريبة اني مش بخاف من الكلاب المش مسعورة خالص هما بيعرفوا الي بيخاف بس من ريحة العرق لانة في اثناء الخوف بتتفرز حاجة معينة

المهم انتي طنشي الكلب هو هيسكت ويبعد
بس المسعور طبعا ارقعي مليون صوت واهم حاجة تبعدي عن سكتة لانة بيكون
واخد طريق صحراوي خاص بية واي حاجة قدامة يعضها وينقلها الفيروس دة حتي الحيونات بتجري منة لانهم بيعرفوة

وهو بيكون عيونة حمراااا وشبة دايخ بيترنح وكمان بينزل لعاب من بوقة
لو شوفتي حاجة زي كدة يبقي دة الرعب الحقيقي ما الكلاب اي بتهوهو دي عادي

اة نسيت اقولك اني تلت منهم اتنين المسعورين دول بعد ما كبرت كنوع من الانتقام

اما الشرطة خلاص كل واحد يعتمد علي نفسة من هنا ورايح مطوتك في شنطتك

ومشي نفسك

قال شرطة قال وانقاذ

:)

علوة يقول...

أنا أسف جدا جدا لعدم التعليق على الموضوع
بس انا عايز منكوا خدمة يا جماعة
يا ريت تدخلوا البلوج بتاعي وتشوفوا الموضوع بالظبط
أنا أسف تاني لعدم التعليق بس انا معتمد على إننا اصحاب
أرجو انكوا تيجوا عندي أول م تقروا الكلام ده

mesh2dra يقول...

السلام عليكم

عبده محتاس

لأ
مكنتش ناسية ان
انت اكيد اكيد في مصر

بس قلت ساعتها ان دي
حياة بنى آدمين
يعنى فيه المفروض
قدر من الاهتمام

وكويس ان الراجل ماقالش
وتى علينا بكرة
او منتظر منك
المكالمة دى بكرة
الراجل اتكلم بمنتهى الصراحة
كتر خيره

ويا هلا بيك
دايما

ومع اول تعليق ليا
على ردك:D
نورتنى كتيير

سلاماتى:)

mesh2dra يقول...

السلام عليكم

كراكيب عادل

ما انا بردو كان
نفسي آخد حقي كنوع
من انواع الانتقام

حقي وحاخده:D

ربنا يستر بجد
دى كلاب شرسة
ولا لما يستفردوا بقطة
ياعييييييني

ببقى نسي انزل اصالحهم على بعض
واللي له حق ياخده

آه
كان فيه معلومة زمان اعرفها
وهى انك لما تكون خايف
تعض على لسانك
عشان تمنع المادة بتاعت الخوف
من انها تفرز لأن ليها ريحة معينة
بيعرفها الكلب

مش عارفة المعلومة صحيحة ولا لأ

بس حتى لو كانت صحيحة
متنفعش مع الكلاب اللي بالشكل ده
اصلها مش بتدي فرصة للتفاهم او التفاوض

والف سلامة عليك

ربنا يبعدهم عننا

سلاماتى

mesh2dra يقول...

السلام عليكم


علوة

تشرب قهوة
ولا









شاى
؟
!

عاشقة الوطن يقول...

السلام عليكم

ازيك ياجميل ايه اخبارك

ايه الكلام ده الشرطة بتيجى للبنت عشان زعلانة من مامتها
ايه الناس ديه
مش احنا اللى بيسبونما لحد مانموت ولحد ما الكلاب تموتنا وفى الاخر يبقوا يفكروا يتحركوا

الف سلامة عليكى وخلى بالك من نفسك بعد كده

تحياتى ياجميل

بسمه عبدالباسط يقول...

ايه يابنتى فينك من زمان ما كتبتيش حاجة جديدة لية
طيب تعالى عندى نزلت الحوار بتاعك ماشى
تحياتى لكى

mesh2dra يقول...

السلام عليكم

عاشقة الوطن

ده لو اتحركوا اصلا

كلمتك دى
فكرتنى بالمطاف اللي جت بعد
ما الشقة اتحرقت
والادهى والمصيبة والفعل الفاحش
في وضح النهار
أن
أن
بتوع المطافي بيحاولوا
يطفوا النار
من شقة ما
معتقدين انها الشقة اللي بتتحرق
لمجرد انها بتطلع دخان
آآآآآآآآخ


الله يسلمك يابنتى
وانتى كمان وحشتينى كتير

سلاماتى:)

mesh2dra يقول...

السلام عليكم

بسبوسة

أدينى جاية اهو

علوة يقول...

آسف على التعليق الصادم اللي فات
عايز بوست جديد بقى
بالمناسبة أنا أعرف واحد أتعرض لهجوم مشابه للهجوم ده بس من كلبين
والله العظيم يا اختاه
عض كلب ورفس كلب تاني
الكلب اللي اترفس جري
بعد ما عضه أه
بس خللى الكلب يجري قدامه زي الجبان

الكلب على فكرة كائن جبان
لو عضتيه هيجري :))
:))
شكرا لتعليقك
عندي آخبار حلوة
في انتظارك

yasmina يقول...

فعلا موقف لا تحسدين عليه
بس بحياتنا يمكن صارت عضة الكلب اهون من عضة البشر

تحياتي

غير معرف يقول...

الحمد لله على السلامة

كويس انها جات على كلب

وربنا ما وقعكيش في ذئب

احمدي ربنا

البلد اتملت كلاب



فعلا
تحياتي

وعلى راي طهقانة
اوروفوار

نفسنا يقول...

الله أنتى لسة ما كتبتيش حاجة جديدة لية كده

mesh2dra يقول...

السلام عليكم

علوة

ولا يهمك يابشمهندس


هههههههههههههههه
فعلا لو عضيته حيجري


أخبار حلوة
بجد؟
خيييييييييير

mesh2dra يقول...

السلام عليكم

ياسمين

بس بحياتنا يمكن صارت عضة الكلب اهون من عضة البشر

جملة كانت فايتانى بشكل رهيب
معبرة أوي
على الاقل ساعات الانسان
بياخد الكلب كرفيق

بس مش الكلاب اللي
من النوع اللي الفوق:D

اهلا بيكي في مدونتي
بجد
نورتيني كتيييير


سلاماتى:)

mesh2dra يقول...

السلام عليكم

اونكل طهقان

الله يسلم حضرتك

هو الذئب بياخدوله حقن
ولا بتبقى نهايو ابدية وخلاص


ربنا يستر
مع الجميع


سلاماتى لطنت طهقانة والعيال

mesh2dra يقول...

السلام عليكم

نفسنا

حكتب بإذن الله
قريب

عاملين شغل جامد يا ولاد
برافو عليكم

أُكتب بالرصاص يقول...

علقة تفوت ولا حد يموت

والكلب بيشم ريحية الادرينالين اللي بتفرزه الغدد في حالة الخوف

مرة كنت ماشي في شارع ضلمة
ولاقيته قاعد

قعدت أقاوم في الادرينالين انه مايزيدتش

لحد ماعديتش منها
واسلمت رجليا للريح

mesh2dra يقول...

السلام عليكم

اكتب بالرصاص

في العادي
ان الانسان لما بيمر بجوار كلب
بيعض على لسانه عشان المادة دي
ماتفزرش

بس اللي مش في العادي
انه يقفز عليك قفزة مباغتة
وكأننا في السيرك القومي


آه
مبروك
على
سيرين

سلاماتي:)

بسمه عبدالباسط يقول...

بجد مش عارفة أقول لك أيه على ذوقك ده
وعلى الموضوع اللى فوق بتاع اعياد الميلاد
بس لية ما عملتيش له تعليقات ياريت تعلمى له هايكون احسن
بجد انا سعيدة جدا انك افتكرتينى وجبتى سيرتى ما تتخيليش الموضوع ده عمل فيا ايه
وفعلا مش قادرة اوصف مشاعرى
ربنا يخليكى وشكرا جدا ليكى

mesh2dra يقول...

السلام عليكم

بسبسة
كل سنة وانتى بخير دايما يارب

أنتي بتهزري اكيد
دى حاجة بسيطة جدااااا
وياريت كنت اعرف اعمل حاجة اكتر من كده

ربنا يكرمك انتى ويخليكي
وكل سنة وانتى طيبة يا حبيبي

كفاية تعليقك ده
ده عندى بالدنيا والله

كل ثانية وانتى بخير

Momo يقول...

ربنا يكرمك يا مش قادرة باشا

ان شاء الله السنة الجاية هقولك عيد ميلادى امتى .. مش تزعلى منى

دى احلى حاجة حصلت ليوم ميلادى

بس حضرتك ليه مش فاتحة التعليقات هناك ؟؟؟

حتى كنتى فتحتى التعليقات للاشخاص المعنية بس "ماما ومومو وشوشو وبسمة"

هتبقي لظيظة اوى :D:D:D:D

mesh2dra يقول...

السلام عليكم

ويكرمك يا بشمهندسة
نعم
؟
أمتصورة أنتي
انى حستنى لما تقوليلي
عيد ميلادك امتى السنة الجاية
خلاص يا حاجة
حفظته
أما انا زعلانة زعل بقى
مش قادرة متعرفش عيد ميلادك
لأ وتتفاجىء بيه
والله قلبي كان حاسس
وقلتلك عيد ميلادك امتى
قلتيلي أما اقابلك اقولك
يا مجرررررررررررررررمة

لأ مش حفتح التعليقات عشان
ماتبقاش لظيظة
هى ناقصة لظاظة

كل سنة وانتى بخير يا حبي
لولا بس عيد ميلادك
كنت
كنت
كنت
احم
مومو
سلميلي على نفسك وبوسيها
إزاى
معرفش
اتصرفي
مش مشكلتي

سلاموز يا بشمهندسة
مووووووووووووا

koukawy يقول...

قصدك تقولي يعني ان عندهم الشرطه في خدمة الشعب و عندنا احنا لأ
اخص عليكوا اهو انتوا كده علي طول مصابين بعقدة الخواجه

mesh2dra يقول...

koukawy

لا لا لا
خالص اطلاقا
مااقصدش ده بتاتا
انا قصدي بس انهم مش شايفين شغلهم كويس
وفالحين في انهم كل شوية يغيروا الشعار بتاعهم
وانهم مش مهتمين بالبشر
كلاب تعضهم
يقعوا في بلاعة
مش ازمة
فيه منهم كتير
غيره

بس هو ده قصدي
انتى شريرة وفهمتيني غلط:P

د/اجدع بنوته يقول...

ههههههههههههههههههههههههههه

حمدالله ع السلامه

بس خلاص كده يبقى حلال فيهم الموت بقى

وكويس انه معضحكيش

حقن عقار الكلاب ده بشعه اوى

تحياتى

mesh2dra يقول...

السلام عليكم

د/ أجدع بنوتة

الله يسلمك
فعلا حمدت ربنا اوي انها عدت على خير
الله يكرمها البنت اللي انقذتني

نورتني يا دكتور:)

سلاماتي