4.5.07

بلاك & وايت و بالألوان


استنى.... عاوزة إيه انجزيني ....تتقري بالعرض مش بالطول .....طيب
*
*
*
*
بلاك أند وايت.............................. بالألوان
*
*
*
يسعد صباحك يا نينة .. ...................صباح الفل يا قشطة -
يسعد صباحك يا ضنايا............... صباح الخير يا حبيبي -
*
*
*
*
آه يا سافل وكمان بتردعليا..طاخ............... ما أنت لو كنت أتربيت -
أنا مااسمحش لوغد زيك يضربني............. احترم نفسك -
آه يا وقح ..مكنتش اعرف انك حقير للدرج دى.... أنا أنا برضة اللي احترم نفسي -
*
*
*
*
سعيدة يا ماما...................................... سلام يا ماما -
سعيدة يا حبيبتي............................ مع السلامة يا حبيبتي -
*
*
*
*
تسمح سيجارة .................................... هات زيجارة -
بكل سرور............................................ لأ -
تسمح تولعلي................................... طب ولعلي -
بكل ممنونية .....................................فكك مني -
*
*
*
*
يا جميل أنت يا عسل.......................... يا جامد أنت -
سم كده ........................................لاتعليق -
يا واد أنت يا تقيل............................. والله لذيذ -
ينيلك يا اسمك إيه ........................لا تعليق -...
تصاحبه خبطة على كتفة مع ضحكة مجلجلة
*
*
*
*
خلاص يا نينتي..عاوزة مني حاجة ......أنا ماشية عاوزة منى حاجة -
تسلميلي.......................................... لأ عاوزة سلامتك -
اقعدوا بالعافية بقى..................................... سلام -
*
*
*
*
بربع جنيه جبنة .............................2 كيلو جبنة -
حتدفع دلوقتى ولا شكك
ياعم خليها عالنوتة....... عالكاشير..باقتضاب-
*
*
*
*
يا ألف نهار أبيض يا ألف نهار مبروك ..........مبروك ..ربنا يتمم بخير -
تصاحبه عدة قبلات"بوسات" في نفس واحد
تقشعر لها الابدان
*
*
*
*
الدكتور لغى المحاضرة انهاردة ......... الدكتور لغى المحاضرة انهاردة -
خيرا فعل ...............فل اللول وتقرأ بضم الفاء واللام الثانية في لول -
*
*
*
*
بصراحة متهيألي بلاك أند وايت ليها طعم أكتر بكتير من بالالوان ...ولا أنتم رأيكم وات؟
**
*
*
*
آه..بالمرة
أبريل ..مايو..يونيو
وقت الامتحانات...ليه بتحلوي يا دنيا في الوقت ده بالذات؟
!!!
ها..ليه يا دنيا..ها؟!!!

هناك 84 تعليقًا:

محمد عبد الغفار يقول...

انا شايف الأثنين جنجاه

•«ρяoιd»•™ يقول...

ههههههههههههههههههههه

اه بجد

البلاك احلي كتير

تحياتي

buffy يقول...

to7faaaaaaaaaaa lazez awy elabyad we eleswed dah kman fe 7aga zman lma kano yyego ymsho y2olo msa2 el5er lw blel mthln now by2olo byeeeeeeeeeeeeee bass bgd post zy el3asal

bastokka طهقانة يقول...

الفكرة حلوة

لكل عصر لغته
و لكل واحدة طعم

اوروفوار

شباب روش طحن يقول...

يعني العالم بتغير بس كان نفسي أعيش زمان مش عارف ليه يمكن كانت الحياة أسهل وأبسط

شيماء الجيزى يقول...

مش قادره :d

والله يا بنتى البلاك حلو فى رزانته واحترامه واهتمامه وادبه

موقف حصلى

انا : تسمح من فضلك
شخص غريب الاطوار: نعم يا ابله؟
انا : عاوزة اعدى
الشخص تنح : تعدى؟
انا بخوف : اة السكه حضرتك قافلها
الشخص اكتشف صحت كلامى : اة اتفضلى يا ابله
انا برعب : احمم متشكره
الشخص بعد ممشيت لصحبه : شوفت بلطجة البت عليا

انا جرررررررررررررريت

كل ده عشان اوضح كلمة بلطجة :d
ما علينا
مش قادره ساعات بيكون الكلام دلوات حلو
وساعات بتحسى ....انه موش حلو
:d
تحياتى يا قمر

انا من اهوى ومن اهوى انا يقول...

الاتنين ليهم وقتهم وممذاقهم الخاص

اما قديما فله طعمه المتفرد برغم ان الحياة الان بقى لونها بمبى افضلها انا ابيض واسود .
محمد فوزى

shermen يقول...

أنا بفضل البلاك

khaled يقول...

black of course
:)

.:.-=- ELGaZaLy-=-.:. يقول...

اول مرة ازور مدونتك للاسف

بس جميلة اوى بحد والبوست هايل تحياتى

غير معرف يقول...

السلام عليكم

مستر محمد جعفر

وجهات نظر
:P

نورتنى

غير معرف يقول...

السلام عليكم
برويد

مش كده بردو


يا هلا بيكى
:)

غير معرف يقول...

السلام عليكم

buffy

ميرسي ربنا يكرمك

نورتينى كتير
تعالي تانى
:)

غير معرف يقول...

السلام عليكم
بستوكة

أكيييييد
بس برضة بلاك احلى:D


سلاماتى

غير معرف يقول...

السلام عليكم
شباب روش طحن

فعلا
ياريت
يمكن كمان عشان الناس زمان
احسن من دلوقتى بكتيير

وكان فيهم خير


سلاماتى

غير معرف يقول...

السلام عليكم
شباب روش طحن

فعلا
ياريت
يمكن كمان عشان الناس زمان
احسن من دلوقتى بكتيير

وكان فيهم خير


سلاماتى

غير معرف يقول...

السلام عليكم

شيماء
ههههههههه
ضحكتينى جدا


ما تبقيش تتبلطجى تانى
إيه هى حبكت تمشي من الطريق ده:P

قبلاتي وسلاماتي

غير معرف يقول...

السلام عليكم
محمد فوزى

فعلا بما انها ونها بمبي دلوقتى
الأسود والابيض
ارحم كتييير

نورتنى:)

غير معرف يقول...

السلام عليكم

شيرمين
يا هلا بيكى

وأنا كمان

غير معرف يقول...

السلام عليكم

مستر خالد

شووووور
:)

غير معرف يقول...

السلام عليكم

الغزالي

الله يكرم حضرتك
شكرا كتير ليك


نورتنى:)

غير معرف يقول...

نعم للأبيض
نعم للأسود
فليسقط الرمادى

غير معرف يقول...

السلام عليكم
عاشور


نعم فليسقط الرمادى

والالوان

:)

شيماء الجيزى يقول...

مش قادره

عاوزة اتكلم معاكى ؟
بجد محتاجه اكلمك ضرورى

ياريت تردى عليا فى مدونتى او فى اى مكان

بجد وحشانى
تحياتى يا صديقتى

غير معرف يقول...

السلام عليكم

شيماء

انا كتبت

ايميلي على مدونتك


مستنية تضيفينى

بس لو اتاخرت
ده يبقي الطبيعي لان عندى امتحانات
معلش

يارب تكونى بخير:)

shermen يقول...

ايه يا بنتي فين تدويناتك من مده ما كتبتيش وحشتني كتاباتك
تعالى بسرعه
وحشتينا

Amr Ahmed يقول...

كل عصر وله كلامه

وظروفه

يعني بصراحة لو حد قاللي بكل ممنونية دي دلوقتي

هاقول عليه عبيط
يعني فيه كلام خلص خلاص

تحياتي

Van Gogh يقول...

موضوع جميل.....جامد طحن
اهنيكى عليه.....وجايب من الأخر


تحياتى....قشطة

shermen يقول...

فينك يا بنتي وحشتيني من زمان ما شوفتكيش

ابقي طمنينا عليكي
سلام يا قمر

.:.-=- ELGaZaLy-=-.:. يقول...

كل لون ولية طعم بس انا بفضل البلاك

غير معرف يقول...

السلام عليكم

شيرمين


جايه قريب
إن شاء الله

فترة معسكر
ونخلص قريب
إن شاء الله

سلاماتي يا قمر

غير معرف يقول...

السلام عليكم

عمرو احمد

اولا يا هلا بيك
ثانيا
أنا متفقة مع حضرتك جدا بس بردو لو حد قالي فكك مني حتخنق منه -رغم انى بقولها كتير":D

بس انا بتكلم من ناحية ثقل هذه الكلمات واحترامها
بمعنى انى مش ينفع اتكلم مع جدو او بابا بالاسلوب ده حيكون رد فعلهم " اتكلمي بادب" " اتكلمي كويس" "ايه الكلام الي انتى بتقوليه ده- وعن تجربة.

ناهيك عن ان فيه كلام مستفز ومش مفهوم اصلا وممكن تسأل نفسك هو علاقته ايه بالموضوع اللي بنتكلم فيه

هناك فرق بين شىء بحبه وشىء بستخدمه نظرا للتطورات و الظروف
وأنا كنت بسأل انتم بتحبوا ايه بس مش اكتر:)

غير معرف يقول...

السلام عليكم
فان جوخ


ميرسي يا فندم
كويس انه عجب حضرتك
قشطة عليك:D

غير معرف يقول...

السلام عليكم

شيرمن

ميرسي كتير على سؤالك
أنا جايه قريب إن شاء الله

ميرسي كتير:)

غير معرف يقول...

السلام عليكم

الغزالي

أكيد طبعا
وأنا كمان
"فل"


نورتني
سلاماتي:)

بسمه عبدالباسط يقول...

موضوع هايل ورائع بجد
كلامك فعلا صح
بس كل زمن وله لغته
تحياتى

غير معرف يقول...

السلام عليكم...شرريف

لا يا فندم
مش اخيرا زرت مدونتك
أنا زرتها قبل كده
وعلقت فيها ..يعنى دي تاني تعليق ليا
عند حضرتك..مش بتعرف تحسب يا ولد..لا شكلك فعلا مش بتحب الحساب

واهلا بك دائما وأبدا في مدونتي

بالنسبة للطلب بتاعك
احم
احم
أنلا مش عارفة فعلا أرد وأقول إيه
فعلا أنا بجد فعلا زعلانة أوى أوى

ليه طلبت الطلب ده..أنا بحب الاسم ده جدا

اتعرفت بيه بين المدونين والمدونات
لاشك إني افتخر باسمي
فلو لم أكن سمايل لوددت أن أكون سمايل

ولكن اسم مدونتى بيني وبينه ارتباط نفسي رهيب
يمكن كنت بردده كتير التيرم ده والتيرم اللي فات.. لما كنا بنجري من كليتنا لغاية بين السرايات عشان نلحق نطبع التكليف المطلوب تسليمه حالا..\وكنت بموت في السكة وأقول مش قادرة:D
شفت الارتباط النفسي الرهيب...بهزر طبعا

طيب اقنعني سيدي الفاضل...لماذا اغير اسم مدونتي...لو غيرته فعلا ححس إني مش في بيتي
واى غريبة عن المدونة دي

طيب
حضرتك تقصد ان الانسان لما يردد انه فاشل وانه مش قادر بيبقي فاشل ومش قادر فعلا
من منطلق ما تشبه فرد بقوم حتى صار منهم

لو حضرتك تقصد كده...يبقي متخافش مش أنا

طب اقنعنى واديني سبب وجيه
عشان اغير الاسم
انا والله زعلانة بجد عشان طلبك ده
وانا مانفذتوش

طب ممكن اطلب انا طلب
طلبي هو
"ياريت تطلب طلب تاني غير الطلب الأولاني"

مستنية رد حضرتك

غير معرف يقول...

السلام عليكم

بسبس

ميرسي على رأيك في الموضوع

اكيد كل عصر وله لغته

نورتيني
جدا

سلاماتي

ابو العربى يقول...

جميل قوى الحوار طب وانت مالك
هو انا قولت حاجة اه عيونك قالت كتير
قالت ايه
مش عارف

سلام

بسمه عبدالباسط يقول...

بقول لك بعد موضوعى الأخير اللى أنتى شفتيه أنا قررت أعمل حوار مع الناس اللى ردت على الموضوع على حكاية الموضوع أدخلى مدونتى ولو مفيش مانع هاتلاقى أيميلى أبعتيلى عليه علشان أعمل معاكى الحوار
تحياتى

غير معرف يقول...

السلام عليكم

ضد الظلم
نعم عاوزة ايه؟
وأنا كمان ضد الظلم
أنتى حتستظرفي معايا
لا .مش بستظرف..أنا بعبر عن وجهه نظري
يعني ايه مش فاهم
خلاص ولا حاجة..انا غلطانة
آه غلطانة..عجبك ولا مش عجبك
يا عم بالراحة ما تزقش
طيب سماح
قشطة
فل


اهلا بيك ي مدونتى المتواضعة
سلاماتي

غير معرف يقول...

السلام عليكم
بسبسة

أنا كتبت ايميلي عندك
في مدونتك
الماسنجر اصلا مش عاوز يفتح
ربناااااااااااا يهديه

غير معرف يقول...

مساء الصباح وصباح المساء علي المدونة الحلوة دي

عزيزتي لكل عصر لغته الخاصة به

تحياتي

غير معرف يقول...

السلام عليكم

أيامنا الحلوة

يا هلا بيكي
دائما

ميرسي على رأيك في مدونتي

وأكيد لكل عصر وله لغته وثقافته وتفكيره
بس زمان احلى
:D

نورتيني كتييير
:)

ibn nasser - ابن ناصر يقول...

بلاك طبعا
يا ريتنا في البلاك
تحياتي وموضوع جميل

غمض عينيك يقول...

مش قادرة
مدونتك جميلة اوي..دي اول زيارة ليا

انا الصراحة بحب البلاك ان وايت اكتر...بحس فيه بالدفء والاحترام والذوق

تحياتي
محمد سمير

بسمه عبدالباسط يقول...

فين البوست الجديد راح فين
أنا بعت لك أيميل ولما أيميلك يتصلح ابقى ردى
ماشى
سلام يا قمر

Reem يقول...

بوست جميل اوى مش هقدر احكم لان فى كل زمن ايه لغته بس ميمنعش ان الاحترام يكون موجود فى الاتنيين
بوست جميل ربنا يوفقك
عرفتينى ؟

صح كلامك على يوم الاربعاء

غير معرف يقول...

السلام عليكم

ابن ناصر
ياريتنا فعلا في البلاك
قول للزمان ارجع يا زمان
ده على أساس انى من زمن جدو
هههههههههههه

نورتنى يا فندم

غير معرف يقول...

السلام عليكم

غمض عنيك

يا هلا بيك دايما
في مدونتي المتواضعة
وشكرا على رأى حضرتك

فعلا البلاك اند وايت له طعم احلى كتييير

اسعدتني زيارتك

غير معرف يقول...

السلام عليكم

بسبس

معلش بقى أنا مسحت البوست الجديد
لانه كان له هدف وخلص

الانترفيو خلص ..الحمد لله
:)

من عنيا
حاضر حرد على رسالتك

غير معرف يقول...

السلام عليكم

ريم

ميرسي على رايك
ونورتيني كتير

آه
شفتي عرفتك

عسولة كتيير انتى

سلاماتي:)

safa7_karmooz يقول...

تؤ

خلىيها بلاك احلى

Masry يقول...

ابيض و اسود احلي بكتير

سعيدة بقي

غير معرف يقول...

السلام عليكم
سفاح كرموز

خلاص
قشطة
نقضيها
بلاك اند وايت

نورتنى يا فندم

غير معرف يقول...

السلام عليكم

اخر من الآخرين

خيرا اخترت اخ "آخر.."
اقعد بالعافية

سلاموووووووووز:D

طهقان يقول...

أنا مش فاهم حاجة

كراكيب عادل يقول...

الاتنين حلوين

وكل لون لة وقت


:)

ody911 يقول...

بوست يجنن بجد

تحياتى يا مش قادرة بجد

وعااااادى بقة
أودى

غير معرف يقول...

السلام عليكم

اونكل طهقان


أنا عاملة مقارنة بين زمان وكلام زمان ودلوقتى- الكلام الالي بنستخدمه ناو

يعنى مثلا

لما حد زمان كان بيطلب من واحد سيجارة
شوف الحوار ده

ممكن سيجارة
بكل سرور
طب ممكن تولعلي
بكل ممنونية

ده زمان الالي هو بلا اند وايت

دلوقتي بقى

هات زيجارة
لأ
طب ولعلي
فكك مني

ده دلوقتي اللاي هو بالألوان

اى استفسارات اخرى انا في الخدمة

سلامي ليك ولطنت طهقانة وللعيال

غير معرف يقول...

السلام عليكم

كراكيب عادل

اهلا بك يا فندم

اكيييد لكل
وقت لونه


نورتني:)

غير معرف يقول...

السلام عليكم

اودى

ميرسي على رأيك
ربنا يكرمك


سلاماتي

belal يقول...

جميل خالص جدا ..ياللروعة ...مش فاهم حاجة

غير معرف يقول...

السلام عليكم

اهلا بك
بلال

مش فاهم حاجة
؟

طيب

الشكل: عبارة عن جزئين بالطول
جزء "بلاك اند وايت" وده مكتوب باللون الاسود وجزء تانى" بالالوان" وده مكتوب بالوان عديدة ومختلفة

الهدف: يهدف البوست إلى المقارنة بين الكلمات المستخدمة في الماضي السحيق وبين الكلمات المستخدمة ي عصرنا المجيد الحالي..آندرستاند..؟
كما يهدف ايضا إلي معرف ارائكم حول هذه الكلمات وهل تفضلونها أم لا..؟

المضمون: مثلا يتضمن البوست جزء كما اتفقنا سابقا عن البلاك ان وايت
وفيه اقوم بعرض
ماذا يقول الفتى لامه في الصباح الباكر
صباح الخير يا نينة
وترد الام عليه
يسعد صباحك يا ضنايا
وده كان زمان او ما يسمى بالماضي السحيق او ما يسمى بالبلاك اند وايت
أما في عصرنا الحالي
اللي هو بالالوان
يقول الشاب لمامته
صباح الفل يا قشطة
فترد عليه وتقوله
صباح الخير يا حبيبي


أى توضيح آخر أنا في الخدمة
نورتنى:)
سلاااموز

غير معرف يقول...

آه بلال
نسيت اقولك
راجع ردي على طهقان


سلاماتى

-_- يقول...

كلها مواقف نراها كل يوم

sameh يقول...

السلام عليكم و رحمة الله و بركاته
أولا ربنا يبارك فيكي
ثانيا بالنسبة للموضوع اللي انتي كاتباه باسم مخنوقة أعتقد اني فهمت انك بتتكلمي عن الصحافة مش محتاجة فكاكة يعني (:
انا مش معاكي انك متخليش حد يقول رأيه عالعموم هو الموضوع جميل جدا و للأسف هو ده الحال اللي احنا وصلنا له S:

bastokka طهقانة يقول...

البوست الجديد مفيش فيه مكان للتعليق
؟

غمض عينيك يقول...

مش قادرة..انتي فين
مختفية ليه
طمنينا عليكي

محمد سمير

غير معرف يقول...

السلام عليكم

شارم

اكيد كلها
بتمر علينا
بس الاكتر
في العصر اللي عايشينه
اكييد طبعا كلام بالالوان


نورتنى كتييير

غير معرف يقول...

السلام عليكم

سامح

ويبارك في حضرتك

بص يا فندم
زى ماانا قلت
انها كانت رسالة وكنت بوصلها
والرسالة كانت في منتهى
منتهى منتهى الوضوح
والحمد لله انى خلصت
عشان ضميري ما يجيش يأنبني بعد كده

وللأسف فعلا هو ده حالنا
أو بالاحري وعلى وجه الخصوص
هو ده اللي بيحصل في مجال الصحافة
للأسف الفظيع

يالا صدعتك

سلاماتى

غير معرف يقول...

السلام عليكم

طهقانة

آه ...مفيش مكان
للتعليق

حضرتك كنتى عاوزة تعلقي
افتح لك التعليق مخصوص:D

سلاماتى لاونكل طهقان والعيال

غير معرف يقول...

السلام عليكم

محمد سمير

موجودة
بس "مخنوقة"

حاجى قريب ان شاء الله

شكرا لسؤال حضرتك
كتيير

jessy88 يقول...

وعليكم السلام مش قادرة

الله يبارك فيكي
وميرسي ليكي

اولا :
كنت عاوزة اقولك
ان بلاك اندوايت وبالالوان
ممكت تلاقيكي بتستخدمي الاتنين ميكس في نفس الوقت


عادى يوم كده ويوم كده

ثانيا:
أنتى قافلة ليه التعليق
في بوست مخنوقو
أنا لو منك كنت فتحته
لأنه موضوع مهم أوى
وكنتي تعري رأى المدونين
في موضوع زى ده

وأنا من رأيي
أن زى مافيه الوحش يه الكويس
طبيعي في أى حتة في الدنيا
وماتضايقيش نفسك
لان ده الطبيعي

وعارفين كويس أوي ان
مجال الصحافة بصفة خاصة والاعلام
بصفة عامة مجال شائك جدا
عارفة ممكن نشبه بانك ماشية على حبل
اولا خايفة تقعى
وثانيا خايفة احسن حد ييجى في وشك سوقعك
بس دونت ووري
انتى مش حتقغي:)

أما بالنسبة للانفصام في الشخصية
فأنا بقي عندى رغبة ملحة
في انى اشوف مدونة ذلك الشخص
بجد المفروض كنتي قلتي عليها
وكنتي قلتي كمان على المقال
اللي بيناقض فيه نفسه
للأسف ..اللي زى ده معندوش اخلاق ..وبيكتب عشان ياخد فلوس وبس
ومصممة بردو اعرف هو ميييييييييييييين


ولا تزعلى نفسك
وميرسي كتير ليكي على تعليقك
عندى في مدونتي الجديدة

يا مراكبي يقول...

أنا جيت هنا علشان أعلق على الموضوع الجديد اللي إنتي قفلتي التعليقات فيه

مش هأغلب يعني

موضوع الصحافة ويتبعه صناعة الإعلام عموما بقى بيغلب عليها الصفات العامة للدعارة .. مش الإجتماعية فقط بل السياسيية أيضا

أصبح الغث والغثاء هم أصحاب الغلبة والحضور والتحكم .. وتوارى أغلب الشرفاء

وكان رسول الله صلى الله عليه وسلم بيخبرنا عن العصر اللي هيكون فيه القابض على دينه كالقابض على جمرة من نار .. أهو بدأنا العصر ده وبقوة

نسأل الله الثبات والعفو والعافيه

غير معرف يقول...

السلام عليكم

جيسي

ممكن بردو
وجهة نظر
ان احنا نكون بنستخدم
البلاك اندوايت وبالالوان
في نفس الوقت
------
قفلت التعليق ليه؟
راجعى ردى على سامح
وفعلا معنديش
استعداد اناقش الموضوع ده
كفاية اللي بيحصل
واللي حيحصل
وكفاية فضايح بعض الصحفيين
بقى بعد ما كنا احنا
اللي بنكشف اخطاء الاخرين
بقى
صحفيينا لهم سوابق
للللللللأسف

بحترم رغبتك
بس مش حينفع اقول
اسم المدونة بتاعته ايه
ولا اسمه ايه
اع>ريني
مهما كان
ده زميل مهنة
آسفة بجد:)

ومبروك يا حبيبتي

سلاماتي:)

غير معرف يقول...

السلام عليكم

يا مراكبي

اهلا بحضرتك
كتيييير


ربنا يستر فعلا
مش عارفة حنوصل لحد فين
كفاية اللي وصلناله
والادهى اننا فقدنا
القدرة على الاندهاش
:(

اللهم آمين
نسأله الثبات والعو
يااارب

أسعدتنى زيارة حضرتك
كتيير

سلاماتي

No Fear يقول...

السلام عليكم
متشكرين علي الزيارة بس مفيش نفس و مفيش حاجة تتكتب تفرح الحقيقة
كل اللي ممكن يتكتب نكد و كفاية نكد لحد كده

غير معرف يقول...

السلام عليكم

نو فير

عفوا يا فندم

هى حالة عامة
مش عند حضرتك انت
بس
البشر كلها
وكله تعبان
وكله زهقان

معلش
نستحمل

حاول تخرج من
المود ده

وربنا معاك
ويعينك

سلاماتي

الطائر الحزين يقول...

العواف
الف عافية على بدنك يا خويا

هتروح المدرسة
مش لازم النهاردة
طيب والله ما انا الا القايلة لأبوك لما يجى
خلاص خلاص هاروح
مجرد فكرة انا هاقول لأبوك رجع فى رأية على طول
اما الألون ما تقولى يا حاجة

على فكرة لما ركزت فى كلمة ما انا الا قايلى لابوك لقيت معناها بعد النفى والاستثناء انها مش هتقول
ههههههههههههه
اللغة الأولى تعبر عن الفطرة
والثانية نعبر عما بلانا به المجتمع

تحياتى

غير معرف يقول...

الله يعافيك
:)

تصدق الألوان
عجبتني في الحتة دي

ماتقولي يا حاجة

صباح البلطجة يعنى

جميلة الفطرة
وجميل التقسيم ده
جبت المفيد

سلاماتي

Che The Hermit يقول...

شوفتى رخامة زى كدا
واحد جاى يرد فى بوست من خمس اشهر وككمان قراه قبل كدا بس مكانش موده حلو ومرضيش يعلق
هعلق دلوقتى

البلاك اند وايت جامد جدا بس اهم حاجة ما يكونش فيه رمادى علشان اللون دا شبه الناس اللى فى البوست اللى فى الدور اللى فوق البوست دا على طول :))

تحياتى ..،
تشي ال.........؟؟

mesh2dra يقول...

السلام عليكم

تشي السعيد

طب شفت تباتة اكتر من كده
واحدة بتفتح ايميلها عشان تمسح الرسايل بتاعت التعليقات
ولقت كومنت حضرتك على الموضوع اللي بقاله 5 شهور
اللي حضرتك بتعترف فيه بالرخامة لانك داخل دلوقتى تعلق:P

يا باشا
البلوج دي بتاعتك
وانت بتدخلها اكتر منى اصلا
تبقى بتاعتك ولا لأ

فعلا
صعب اوى اللون الرمادي ده
لان مش باينله ملامح
قصدك على بوست مخنوقة
صح؟؟
انا بقى سايباهالهم مخضرة
يمرحوا فيها كما تمرح الفئران
بالبلدي كده
خليهم يشبعوا بيها
ولتسقط الصحافة
وليسقطوا جميعا
وبالشفا

سلاماتي وتحياتي وبالغ احتراماتي
:))

عليوه يقول...

مفيشالوان تانيه غير البلاك لو اسود غامق او اسود فيه مربعات سوده او اسود مقلم بخطوط سوده اى حاجه غير البلاك البلاك ده لون غم شويه