11.3.07

يوم من عمري:D

السلام عليكم


تررن تررررررررررررررررررن

اهلا أنتي شرفتى..حمدا لله علي سلامتك

الله يسلمك يا بابا

هو انتى مش عندك رحلة بكرة

آه
أومال أتاخرتى ليه
ده اليوم العالمي للمرأة يا بابا

...................!!

.................
الساعة الخامسة والنصف صباحا

بابا بابا..اصحى
ايه خلاص انتى نازلة
لا..نازلة كمان ربع ساعة بس اصحى عشان تعملي الكاميرا



..............
الراجل لسه صاحي من النوم ومش مركز خالص
مش كنتى تجيبهالي امبارح
ما هو كنت ناسياها اصلا





............................
السادسة إلا خمس دقائق في الشارع
الشارع فااااااضي ولا عربية ولا أي حاجة
الله
شكلي حقضيها هنا
إيه المشكلة يعني
المياه اهى موجودة...بواقي غسيل السيارات
والاكل في الشنطة
قشطة
وفيه طوب علي الارض
يعنى ممكن احدفه في المياه كأنى بحدفة في البحر
حلو....مفيش مشاكل

يالا عشان الباس حيمشي
عشان مروحين
ايه ده اليوم خلص بسرعة

صحيح
الباس كان حيعمل 4حوادث واحنا مروحين2
مع نفس اللوري
وواحدة مع عربية ملاكى نبيتي بالامارة
والرابعة كان حيدخل في الرصيف
بس بجد كان يوم تحفة وجميل جدا




اسيبكم بقي تستمتعوا بالصور


آه نسيت اقوكم الصور دي في رأس سدر


-----------------------------
تحديث :
تم حذف كل الصور لأنها بتقل البلوج أوى
اللي عاوز الصور يقولي وانا ابعتهاله
سلام














هناك 46 تعليقًا:

إبـراهيم ... يقول...

مبرووووك يا ستي ع الرحلة الجميلة دي


بس إنتي مصور البحر والزلط بس ليه


تحيااااااااتي

الحصان الأسود يقول...

حمد لله على سلامتك وقوللي للسواق بلاش يلعب مع الكبار بعد كدة

قصدي مع اللواري يعني

Islamist Bloke يقول...

المناظر دي فى مصر؟

حلوة جدا جدا

ربنا يوعدنا ونروح

وحمد الله على السلامة

AbdElRaHmaN Ayyash يقول...

المناظر دي جميلة فعلا
واضح ان الرحلة كانت كويسة
حمد الله على السلامة

شخبطة ملوكى يقول...

مش قادرة
رحلة جميله و طريقة وصف الحدوتة فى كلمتين كده رائعة جدا بجد
الصور جميله و باين ان فن التصوير عندك راقى جدا فنانة يعنى
حمد لله ع السلامة و حصل خير و السواق مالبخش قوى المرة الجاية ابقى هايصوا فى الباص عشان السواق ماينمش

اروي الطويل يقول...

يااه الواحد نفسه يتفسح والله
يلا اوعدنا يارب

ody911 يقول...

ههههههههه

أنا مش عارف بضحك على إيه ؟؟

بس الموضوع جميل

ويارب تكونى إنبسطى

صح كدة إمبسطى


ياله خيير

وعقبال عندنا


البلوج بتاعك جامد بجد يا مش قادرة


وعادى بقة
أودى

el_assel يقول...

اولا حمد لله علي السلامة
ثانيا انتي ليكي اسلوب جامد جدا في الكتابة
علي الرغم من ان الموضوع بسيط الا انه يتمتع بالتشويق

الأباصيرى يقول...

الصور حلوة

وأبقى قولى لسواق الباص يخلى بالة المرة الجاية
يعنى يبقى يخلص من أول حادثة ويبطل دلع
:)

King A.S.R يقول...

حمد الله علي السلامة
وفعلا راس سدر مدينة جميله اوي تستحق الزياره

وعلي فكره البلد دي فيها مناظر غاية في الروعة والجمال وبجد مش موجوده في مكان تاني

35L يقول...

أدعوكم جميعا للمشاركة فى البلوج بتاعى...موضوع مهم بدأت فيه....و أحتاجكم معى

35L يقول...

أدعوكم جميعا للمشاركة فى البلوج بتاعى...موضوع مهم بدأت فيه....و أحتاجكم معى

ba7re يقول...

حمد لله ع السلامة
و رحلة سعيدة
مدونتك ظريفة اوى
تحياتى
بحرى أنا:)

vetrinary يقول...

351
عاملك دعايه بخمسه مليون جنيه فى اخر بوست ليه
انتى كنتى ف رحله صيدله القاهرة بتاعه راس سدر

اوعى تقولى اه

عشان هدايق اوى

غير معرف يقول...
أزال المؤلف هذا التعليق.
غير معرف يقول...

السلام عليكم

إبراهيم معانا

الله يبارك في حضرتك

.......
بالله عليك "إذا اضفت عنصرا بشريا علي الصورة فكيف إذا تصبح مناظر طبيعية
:D

احتراماتي
:)

غير معرف يقول...

السلام عليكم

الحصان الاسود

الله يسلمك
حقوله المرة الجاية:D
ياخد باله ويخليه يلعب مع الصغيريين اللي ده

سلاماتي
:)

غير معرف يقول...

السلام عليكم

islamist bloke

يارب إن شاء الله
تروح هناك..وتستمتع

احتراماتي
:)

غير معرف يقول...

السلام عليكم
عبد الرحمن

اله يسلمك يا فندم

نورت البلوج
:)

غير معرف يقول...

السلام عليكم

شخبطة ملوكي

الله يكرمك يا فندم
:)
هو تقريبا احنا السبب لأننا طلبنا منه أنه يقفل الكاسيت
بسبب الارهاق

تحياتي

غير معرف يقول...

السلام عليكم

أروى الطويل

يارب تتفسحي يا أروى
وتكتبي عن اليوم ده في المدونة بتاعتك
:)


نورتيني

غير معرف يقول...

السلام عليكم

أودى

يا هلا بيكى

إنبسطى متهيألي بتتكتب كده
إنما إمبسطى دى لما تكون عندك برد:D
ميرسي علي رأيك في المدونة

سلاماتي
:)

غير معرف يقول...

السلام عليكم

الاصيل

الله يكرمك
كل ده
:)

سلاماتي

غير معرف يقول...

السلام عليكم

الأباصيري

إحم ..إحم
عاوزه يخلص من أول حادثة

ما هو بيجرب معانا الأول
ربنا يستر
:D

غير معرف يقول...

السلام عليكم

الأباصيري

إحم ..إحم
عاوزه يخلص من أول حادثة

ما هو بيجرب معانا الأول
ربنا يستر
:D

غير معرف يقول...

السلام عليكم

كينج باشا

فعلا البلد يها مناظر تحفة وأماكن
جميلة كتيير أوي

بس احنا حابسين نفسنا في القاهرة للأسف


نورتني

غير معرف يقول...

السلام عليكم

محمد جودة

الله يسلم حضرتك

ميرسي يا فندم...الله يكرمك
:)

غير معرف يقول...

السلام عليكم

vetrinary

يا هلا بحضرتك
لأ..أنا مكنتش تبع كلية صيدلة
أنا كنت مع كليتي

علي فكرة
صيدلة كانت مطلعة 3 رحلات مختلفة في رأس سدر برضة

ولاداعي لأن تتضايق

تحياتي:)

No Fear يقول...

السلام عليكم
ده يوم جامد قوي
يارب أيامك كلها تكون سعادة
معكيش شوية طوب من بتاع رأس سدر
سلام

ody911 يقول...

مش قادرة



أنا ولد


بش بنت

وهذا للتوضيح

وعادى بقة

متفرقش كتير

أودى

إبـراهيم ... يقول...

سبحان الله أرد لك ف رحلة ، وتدخلي تلاقيني ف رحـلة !!! هوا كده طبع الحـيـااااة !!


المهم إن عندي صور مناظر طبيعية موثقة بوجودي هههههه


أنا بهرج طبعًا


بس إيه ؟؟؟ إنتي بطلتي تكتبي ، ولا فعلاً (مش قادرة) يا سماااايل

متغيرة شوية يقول...

الصور جميلة قويييييي...انا بحب راس سدر

ل انت رحتي الرحلة دي مع الكلية ولا ايه؟ هي في كليات بتعمل رحلات حلوة من أصله.

الأرمـوطــي يقول...

اسلوبك جميل وطريقتك شيقة جدا

david santos يقول...

جيد الاسبوع

غير معرف يقول...

السلام عليكم

no fear

ميرسي يا فندم..الله يكرمك
لأ..معايا شوية هوا تاخد



سلاماتي
:)

غير معرف يقول...

السلام عليكم

أودي



أنا آسفة فعلا
بعتذر

مستر أودى
:D

تحياتي

غير معرف يقول...

إبراهيم ..معايا

آه..هى الدنيا إيه غير شوية رحلات فوق بعض

لأ..قادرة إن شاء الله
بس مش عاوزة تريقة علي اللي حكتبه
:D

سلاماتي

غير معرف يقول...

السلام عليكم

متغيرة شوية

آه تبع الكلية

أكيد مش حتلاقي كل الرحلات حوة
بس ده لا يمنع ان فيه رحلات حلوة



نورتيني
:)

غير معرف يقول...

السلام عليكم

الأرموطي

يا هلا يا فندم

ميرسي كتييييير

:)

غير معرف يقول...

السلام عليكم

مسيو دافيد

اهلا بحضرتك
:)

لو بطلنا نحلم نموت يقول...

يووووووووووووويه
جيت متاخر
انا ماليش دعوه
انا عايز الصور بتاعتي
ععععععععععععععععع

غير معرف يقول...

بجد مدونتك جميلة جدا وتستاهل التحية والتقدير والتشجيع لفنانة مثلك بسيطة في كلماتها وذوقها جميل واسلوبها رائع في الكتابة
عمرو مصطفى

mesh2dra يقول...

السلام عليكم

حواديت وحكاوي

ياهلا يا فندم
تيجي في اى وقت
لو عاوز الصور بجد
ممكن ابعهالك على الايميل
صور طبيعية تحفة جداااا

نورتني :)

سلاماتي

mesh2dra يقول...

السلام عليكم

عمرو مصطفى

انا مش عارفة ارد اقولك ايه
بجد
اخجلتم تواضعنا يا فندم
ولو انا كل ده يبقى حضراتكم ايه
والله يا عمرو متأكدة انك لو عملت بلوج حتكون حلوة اوى
بس تستمر فيها ومش تنسى الباسوورد ولا تنسى اسمها :P

نورتنى كتير:)

سلاماتي

د/اجدع بنوته يقول...

طيب انا جيت متأخره

هل هينفع انى اطلب الصور يعنى

يارب ايامك كلها رحلات واااو كده

mesh2dra يقول...

السلام عليكم

د/ اجدع بنوتة

آه طبعا
ينفع تطلبي الصور
تيجي اى وقت

ابعتيلي ايميلك وانا ابعتهملك عليه

نورتيني

سلاماتي