18.3.07

حبيبتي..المرحومــــــــــــــــــــــة




أنا اعرف أن الواحد بيفتكر الحاجات اللي بيحبها ..يوم ميلاد...يوم زواج..يوم طلاق لو كان مطلع أو مطلعه عينه..يوم التخرج...أول يوم شغل... إنما يفتكر يوم جورنال اتقفل ..أهو ده اللي مش معقول

يا بنتي أنتي مالك...ممكن تخليكي ف حالك

لأ..ثواني ماهو مش معقولة..ده جنان يا ماما وبعدين الجورنال اتقفل يوم 14 أو قبل كده كمان بكام يوم السنة اللي فاتت جاية تعملي بوست دلوقتي...وبعدين مش كفاية حبيبتي المرحومة

أنا مش حلبس أسود وأقف دقيقة حداد...أنا بس بحيي ذكراهم مع نفسي

يا بنتي ده مش مبرر...ومش معقول لسه بتقري الأعداد القديمة لحد دلوقتي...متهيألي انك قربتي تسمعيهم...مش معقول تفضلي زعلانة علي حاجة راحت خلاص ....اعقلي بقي يا ماما

يا ستي لما يكون البلوج بتاعك يبقي اعملي اللي أنتي عاوزاه...مش حتتحكمي فيا كمان

نعم؟!!! إنتي ناسية إنه بتاعي

يووووووووووووووووه...مش حرد عليكي

****************************

آه

فاكرة لما طلعتوا..كنت ف ثانوية عامة وداخلة علي امتحانات

فاكرة اليوم ده كويس

أخويا داخل من برة وف إيده جورنال

افتكرت إنه جورنال عن الأهلي كعادته كل يوم جمعة

بس طلع ضحكتي


بصي يا مااااااما جورنال جديد ساخر

امشي ذاكري إنتي ناسية انك في ثانوية

أنا(مركزة مع الجورنال)

سيبي الجورنال على الترابيزة وادخلي أودتك..إنتي ناسية يا هانم إن امتحاناتك احتمال تبقي بدري 10 أيام-طلعت أوشاعات مغرضة ف الآخر

قعدت أنا وماما نلعب لعبة القط والفار

هى تخبي الاعداد وأنا الاقيهم

وتظبطني متلبسة بقرايتهم

يا بنتي يا حبيبتي..بكرة يبقى عندك الأجازة طويلة عريضة وتقري فيها براحتك..يعني أنا بشيل الأعداد دي لمين..يعني أنا غاوية كركبة..روحي ذاكري ربنا يهديكي

لغاية ما تعبت معايا واكتشفت كل الأماكن والمخابىء اللي ممكن تخبي فيهم الجورنال وطلبت ف الآخر من أخويا إنه مايجيبش الجورنال ده تاني...أنت فاهم لو شفتك جايب الجورنال ده تاني حقطعه

ههههههههههههههههههههههههههههههههههه

بس علي مين

اتفقت أنا وهو إنه لما ييجي يخبط خبطة معينة ..واجري انا افتحله بسرعة عشان ما نتقفش


آه

فاكرة يا ماما لما خبيتي الأعداد في أودتي

ويوم ما خلصت امتحانات بقولك هاتيلي الاعداد

لقيتك رايحة أودتي وبتفتحي دولابي وبتخرجيهم

أهى دي آخر مكان كنت ممكن أدور فيه

وعلي شفتيكى ابتسامة عريضـــــــــــــــــــــــــة

يعني الأعداد كل الوقت ده معايا في الأودة وأنا بدور عليهم برة


ولما دخلت الكلية كنت بتقفش وأنا بقرا الاعداد وصابح عليا امتحان

والله لو ما بطلتي تقريهم لاحرقهملك أدام عنيكي..قومي ذاكري

ما أنا بذاكر يا ماما...انتي ناسية ان قرايتي للجورنال مذاكرة

أنا بطبق عملي اللي بدرسه...كلامي يصاحبه ابتسامة استعبـــــــــــــــــــــــــاط


***********************

يالا بقي

قفلتي وخلاص

بس

تحية إلي كل من امتعني واسعدني واسعد غيري علي مدار عام إلا أسبوعين

تحية إلي كل من حاول أن يرسم البسمة والأمل عن طريق السخرية

والتي قال عنها برجسون"إننا حين نضحك من المقصر أو الشاذ المظهر أو صاحب الغفلة أو الشحيح أو المغرور فإنما نؤدبهم بطريق غير مباشر أى إننا نؤدي خدمة اجتماعية هامة"

تحية إلي من تمنيت أن انضم إليهم ولكن حظي العاثر هو من منعني..تحية إلي من تعرفت عليهم من الجريدة (3أو 4 ) وإلي من لم يسعدني حظي العاثر بالتعرف عليهم

تحية إلي حبيبة قلبي "اضحـــــــــــــــــــــــــــــــــــــــــــــــــــــــــــــــــــــك للدنيـــــــــــــــــــــــــــــــــــــــــــــــا"

هناك 58 تعليقًا:

كلبوزة لكن سمباتيك يقول...

ههههههه
تصوري انا معرفش اصلا ان كان في جريدة بالاسم ده

بس اكيد كانت حلوة

ابقي سلفيني الاعداد اللي عندك لما انزل في الصيف
و انا حديلك سندوتش شاورما على كل عدد

:))

تحياتي

زحل الفلكي يقول...

فعلا اول مره اسمع عن الجرنال ده

بس فكره حلوة فكره الخبطة المميزة اللي على الباب دي

ممكن الواحد يتفق مع الواد ابن الجيران يسرب لنا عددين واللا حاجه ممكن ينفعوا

بس بجد مسمعتش عن الجرنال ده

يمكن توزيعه كان محلي بس يمكن ؟

كراكيب عادل يقول...

حتي لو انتوا عارفين انا مش هعرف لاني مسافر ولما بنزل اجازة بيكون الوقت مبرمج

الصور الي تحت دي انتي الي مصوراها

دي جميلة جداا شوقتيني لراس سدر

انا بحب التصويرجداا

تحياتي

غير معرف يقول...

السلام عليكم

سمبتيك

هى فعلا كانت حلوة جدا
عشان كده قفلت
:S

أوك
موافقة
لو حنقضيها مقايضة
يبقى بيتزا مش شاورمة

سلاماتي

غير معرف يقول...

السلام عليكم

زحل الفلكي

يا هلا بيك
يالا يا فندم أفكار ببلاش اهو
:)

الجريدة كانت ساخرة
رئيس تحريرها كان الاستاذ خيري رمضان
عارفه؟
بس بعد كده بقي مستر محمد فاروق
وناس كتير جامدة كانوا بيكتبوا في الجريدة
زى مثلا جيهان الغرباوي
عبد العظيم درويش
عمر طاهر
حازم الحديدي
وناس تانية كتييييييييييييييير

أي معلومات
وأي افكار:D
وأى خدعة

سلاماتي

غير معرف يقول...

السلام عليكم

مستر عادل
يا هلا

لأ
انا وصاحبتي

وانا كمان بحب التصوير جدا

سلاماتي

الأرمـوطــي يقول...

بحييكى على اسلوبك الجميل الشيق

AbdElRaHmaN Ayyash يقول...

يا مس و الله البلد دي مينفعش تفضل فيها حاجه حلوه
انا ما شفتش من الجرنان ده غير حوالي عددين
بس فعلا مش ممكن
ان شاء الله ترجع تاني اقوى من الاول
سلام

35L يقول...

العلامة بتاعة الجريدة دى مش غريبة عليا.....مممم.....طب كويس انها قفلت علشان كانت هتضيعلك مستقبلك

AbdElRaHmaN Ayyash يقول...

http://al-ghareeb.blogspot.com/2007/03/blog-post_1866.html

-------------
لنضع من هنا التصاميم التي نعبر بها عن رفضنا للتعديلات الدستورية
شاركونا

bastokka طهقانة يقول...

كلنا لها

ادي حال الدنيا
ماتبقي تيجي

محض روح يقول...

فكرتنيى بنفسى انا ماما كنت برضه بتخبى منى الجرايد وكنت بعمل اكروبات علشان اقراها
وتعرفى ايام الامتحانات الى كنت لزم اقراء الجرنان اول مايجى وفى الا يام
العاديه مش بيكون نفس الشغف ده عندى موجوده
على العموم تحياتى

الأباصيرى يقول...

تصدقى بالله

أنا لغاية النهاردة بتلخبط فى تاريخ ميلادى

أنا أول مرة أسمع عن الجرنال دة بس شكلة جامد

حاولى تسحبيلنا كام صفحة على الأسكانر

عاشقة الوطن يقول...

السلام عليكم
ايه يابنتى ده انتى ادمنتى الجورنال
بس اكيد كان شيق اوى عشان تصري انك تقريه ومعلش بقي انه اتقفل ربنا يعينك ويصبرك

ومدونتك جميلة جدااااا

تحياتى

غير معرف يقول...

السلام عليكم


الأرموطى


شكرا يا فندم..الله يكرم حضرتك


تحياتي
:)

غير معرف يقول...

السلام عليكم


عبد الرحمن

والله فعلا..دوام الحال من المحال

لا..انسى
ترجع تانى
خلاص


على فكرة جزء منهم عمل جورنال جديد
اسمه وشوشة
لو تسمع عنه
بس أنا حاباهم في اضحك للدنيا أكتر بكتييير من وشوشة

سلاماتي

غير معرف يقول...

السلام عليكم
35l

كويس انها قفلت؟!!!


شكرا كتيير أوي جدا خالص
:S

سلاماتي

غير معرف يقول...

السلام عليكم

عبد الرحمن

حيحصل يا عبد الرحمن

ميرسي علي اهتمامك

غير معرف يقول...

السلام عليكم

مدام طهقان

منوراني كتيييييير



سلاماتي لأونكل طهقان وللعيال
:)

غير معرف يقول...

السلام عليكم

محض روح

منوراني كتيييير

لأ..المسألة مش مسألة امتحانات بس
ده عشق للجورنال ده وبس


نورتيني

سلاماتي

غير معرف يقول...

السلام عليكم

الأباصيري

تاريخ ميلادي معلش اتلخبط فيه
إنما تاريخ حبيبتي نوووو

آه احط الصفحات علي السكانر
والله فكرة

بس كده ممكن اخسر انتيمتي..اصلها بتحبه اوى..بس من الناحية التانية:D
مش كفايةعتابها علي البوست

سلاماتي

غير معرف يقول...

السلام عليكم

عاشقة الوطن
ياهلا بيكي

أنا فعلا شبه أدمنته
يالا ادعيلي
اعمل اضحك للدنيا بارت 2:D

أسعدتنى زيارتك

احتراماتي
:)

غير معرف يقول...

السلام عليكم

عاشقة الوطن
ياهلا بيكي

أنا فعلا شبه أدمنته
يالا ادعيلي
اعمل اضحك للدنيا بارت 2:D

أسعدتنى زيارتك

احتراماتي
:)

غير معرف يقول...

السلام عليكم

عاشقة الوطن
ياهلا بيكي

أنا فعلا شبه أدمنته
يالا ادعيلي
اعمل اضحك للدنيا بارت 2:D

أسعدتنى زيارتك

احتراماتي
:)

الراقـــص مع الذئـــــاب يقول...

المدونة جميلة وعاوزة قاعدة
انا معرفش الجريدة ديه بصراحة وأول مرة اسمع عنها بس انا بحب الكتابات الساخرة جدا جدا جدا....
اما بخصوص عرضك الشيق لموضوعك اللي بجد مكنش فيه اي ملل


تحياتي لكي...اقبليني عضو دائم في مدونتك....

khaled يقول...

ليه كده
شيلتى التمبليت الجديد؟
ده كان حلو
طب ليه مسحتى التعليق عندى؟

غير معرف يقول...

السلام عليكم

الراقص مع الذئاب

ميرسي يا فندم على الإطراء
شهادة اعتز بيها:)
و يا هلا بيك دايما

سلاماتي
:)

غير معرف يقول...

السلام عليكم

مستر خالد

ما هو حضرتك متعرفش
أنا بهدلت الدنيا
بس رجعت تاني الحمد لله

وشيلت الكومنت لأنى فيها بدعوك عشان تشوف التجديد الخطير اللي عملته في المدونة
بس لا طلع خطير ولا يحزنون ..ورجعت الامور إلي نصابها الأولاني
بس ماتقلقش قريب حتلاقي تعليق مني بيقولك اتفضل شوف اللي حصل بناء على توجهيات سيادتك :)

ميرسي على اهتمامك

سلام

-_- يقول...

دلوقتى مفيش حاجة اسمها اضحك للدنيا

في ازعل من الدنيا

اشخط في الدنيا

اتنطتت على الدنيا

!!

محمد حمدي يقول...

هاى

عاوز أقولك حاجه , مش الجرايد بتصنع بنى أدمين , إحنا الى بنعمل الجرايد , وطول ما فريق عملكم موجود هتطلعوا أحسن من الجورنال دة ... على فكرة أنا كمان صحفى .. شوفى مدونتى .. سلام

Amr Ahmed يقول...

ايه ده هو قفل
اوببببببا
دانا نايم بقي

كان تحفة فعلا

بس انا لما بدات اتابع الدستور
بطلت اجيبه
معلش بقي

غير معرف يقول...

ماشي يامش قادرة ...

انا بتفق مع الاستاذ محمد حمدى... وده اللى حبيت اقولهولك من زمااااان اوى بس تعبيراتى لم تكن فى صفى وهو اننا احنا اللى بنصنع الجرايد وممكن نطلع جريدة زيها ويمكن كمان احسن منها مادام بنحب اللى بنعمله..واعتقد انك قادرة على اخراج جريدة زى دي واحسن لما تتمتعى به من موهبة فى الادب الساخر
انتى عندك موهبة رائعة ماشاء الله فى الادب الساخر لو استغليتيها هتعملى حاجة مهمة وجميلة جدا ان شاء الله
ومنتظرة انى اسمع عنك ياحبيبتى انك بقيتي صاحبة جريدة (بس غيري موبايلك الاول)D:
ومبروك على الكوفى تيمبليت الجديد ياقمر..شيك اوى

غير معرف يقول...

نسيت اقولك صغرى الخط شوية

شيماء الجيزى يقول...

يااه يا بنتى فكرتينى باضحك للدنيا
انا فاكره اول مره جبتها
وانا من عادتى ان محدش بيقرا جرايد غيرى فى البيت
لما جبتها تصورى اخويا الصغير قراها
بجد كانوا ناس جميله جدا
وانا حبيتهم وحسيت بينى وبينهم ألفه
وكان نفسى زيك اشتغل معاهم
بجد
وحشتنى
ميرسى انك فكراها بجد

Masry يقول...

الله يسلمك . نورتينا و الله . لو عاجبك المكان ممكن اجيبلك كرسي .
صحيح ميين اللي عاملك الديكور الجديد دة .. شكلة مهندس شاطر . علي فكرة انا كنب بحب الجورنان دة ايام ما كنت طالب

غير معرف يقول...

alf mabrook el new look

shabfa2re يقول...

ليه راحت؟

No Fear يقول...

السلام عليكم
أنا مقريتش الجرنال ده تقريبا خالص
بس أنت شكلك مخلصة جدا و دي صفة جميلة
في حاجة كمان ياريت توصلي إعجابي بماماتك علشان خبيت الجرنال في الأوضة بتاعتك فكرة عبقرية بجد

غير معرف يقول...

السلام عليكم

شارم

لا
كان فيه اضحك للدنيا

بس ماينفعش اتنطط على
الدنيا او اشخط فيها
لانها حتتقلب عليا

نورتنى كتيير

غير معرف يقول...

السلام عليكم

مستر محمد حمدي
ياهلا بيك

فعلا حضرتك كلامك مظبوط جدا
بس ده لما يكون فيه فريق عمل
متعاون وبيحب الشغل بجد
وبيحب بعضه اهم حاجة
بالإضافة إلى السياسة التحريرية الممتازة
لو توافر كل ده يبقي النجاح مضمون بإذن الله


حتلاقينى في مدونتك قريب

سلاماتي
:)

غير معرف يقول...

السلام عليكم

عمر احمد

آه قفل من سنة
شفت الدنيا
أنا بقي عكسك
حاولت اعوض اضحك للدنيا بالدستور
بس للأسف معرفتش



ميرسي على الزيارة
ابقي كررها
سلاماتي

غير معرف يقول...

السلام عليكم
مومو

مقتنعة تماما يا مومو
بس زى ما قلتى "بيحبوا اللي بيعملوه"

انتى بس لو قريتى العدد الأخير من الجريدة
حتقتلي نفسك من الزعل على ناس كانت بتحب بعضها اوى اوى وبتحب الشغل جدا
وبيعيطوا بالدم على قفلها

على فكرة شكلك واخدة مقلب كبييير أوي أوي فيه..بس انتى اللي اخدتيه لوحدك:D

الله يبارك فيكي يا قمر

سلاماتي

غير معرف يقول...

السلام عليكم

مومو

علم وسينفذ

غير معرف يقول...

السلام عليكم

شيماء الجيزي

عفوا على إيه

انا كمان كان البيت كله بيقراها
وكنا بنتخانق على مين يقراها الاول
وعشان نحل المشكلة
بقينا نقسم الجورنال
:D
يالا بقي


سلاماتي

غير معرف يقول...

السلام عليكم

إنسان

لو على البحر أووك طبعا
........
آه هو فعلا شاطر بس مش عارفة هو بشمهندس ولا لأ
اصبر شوية وحديك اللينك

غير معرف يقول...

السلام عليكم

35l

الله يبارك فيك يا فندم
عقبالك

سلاماتي
:)

غير معرف يقول...

السلام عليكم

shabfa2re

عشان اختلافات في مجلس الإدارة
:S


يا هلا بيك يا فندم

غير معرف يقول...

السلام عليكم

no fear

يا هلا بيك

ميرسي يا فندم...الله يكرمك

حبلغها حاضر
هى الصراحة عندها طرق كتييير ماشاء الله

سلاماتى

rashida يقول...

ياااااه
الله يرحمها فعلا
انا لحقتهم فى اخر تلات اشهر
قولى لى انتى كنتى من القراء بس ولا شاركتينا فى شغل ؟
معرفش ليه حاسة انى اعرفك او شفتك قبل كده

غير معرف يقول...

السلام عليكم

رغدة صفوت
يا هلا بيكي

لأ ..انا كنت من القراء
بس القراء المغرمين المتيمين
بالجريدة
---
او ممكن نقول كنت بشارككم
بس وجدانيا

ايميلي كتبته عندك في
مدونتك
ولو عاوزة الياهو
إهىء إهىء
ماشي:(

يالا سلامات يا قمر:)
نورتيني كتيير:)

amir يقول...

صباح الفل او مساء الفل برضه
اولا انا مشكلتي اني باعشق حاجه اسمها اضحك للدنيا
و كنت باعتبر انها بتاعتي انا لدرجه اني كنت و انا باشتريها من بتاع الجرايد
كنت احيانا اساله هي بتوزع كويس ولا لأ و يا سلام لو لقيت حد بيشتريها وانا واقف
, و كانت اضحك للدنيا هي الحاجه الوحيده اللي اشتركت فيها في حياتي
و كانت بتوصلني اسبوعي
المشكله فين بقي ؟؟؟
المشكله انه عند صدور العدد الاخير للجريده طبعا انا ما كنتش اعرف انه اخير
, المهم ان العدد ده لم يصلني
,و لم يصلني حتي اليوم,طبعا انا عندي الاعداد كلها لكني ماعرفتش اتحصل علي العدد ده ابدا و لذلك انا حتي الآن لم اعرف السبب في اغلاق هذه الجريده
,اللي خلاني اوصل للمدونه دي اني كنت بابحث علي جوجل عن سبب اغلاق الجريده
و اللي ضايقني ان المدونه بتاعتك دي كانت الوحيده اللي بتتكلم عن الجريده
حتي الناس اللي كاتبه تعليقات عن المدونه بتاعتك استفزني اوي انهم مش حاسيين ولا عارفين اي حاجه عن الجريده
ياريت لو كان هذا العدد عندك و موجود فيه اكيد السبب انهم قفلوا ياريت تردي عليا
لاني فعلا حزين بجد لان هذه الجريده الجميله قفلت , هذه الجريده اللي كان نفسي تبقي يوميه
لاني كنت باقراها اول ما توصلني و ماكنتش اسيب فيها كلمه ما اقراهاش
علشان كده انا حسيت اوي باللي انتي كتبتيه وان الموضوع مش مجرد انها جريده وخلاص
لأ دي كانت الحاجه الوحيده اللي كانت بتطلع الواحد من هموم الحياه
انا مش باقول كلام كبير وخلاص لأ ,
لان الفتره اللي طلع فيها اضحك للدنيا
كان والدي رحمه الله ان شاء الله
كان مريض في المستشفي و كان يأتيه جلطات في المخ وبعدها توفي
ومع ذلك كانت هذه الجريده هي المخرج و المنفس الوحيد بعد اللجوء لله طبعاً
في النهايه اتمني من الله ان تعود هذه الجريده الجميله
لتسعدنا
آسف علي الإطاله ,
و لكن معرفش ليه كل ما اتكلم عن اضحك للدنيااطول
المهم لو تعرفي سبب اغلاقها ياريت تبلغيني
سلام
أمير

غير معرف يقول...

السلام عليكم

لا يا فندم ما طولتش ولا حاجة
أنا برغي اكتر منك لما بتكلم عن اضحك
لغاية ما البشر اللي برغي معاهم
زهقوا مني....وكنت بعتبرها بنتي الصغيرة
وكنت بصيت لها بطريقة بشعة في الكلية
بص يا فندم عشان ما أطولش
أسباب غلق اضحك للدنيا ليست معلنة وكأنها
حرب أو سر من أسرار الدولة
ودي حاجة خنقتني جدا- لأن ده حقنا كقراء-
وكل ما اسأل حد كان بيشتغل في اضحك
يقولي مشاكل في مجلس الادارة
واللي استنتجته من العدد الاخير ومن كلامي مع الزملاء اللي كانوا فيها
حتلاقي أن الامر اشبه بنظرية المؤامرة
وأن ناس معينة كانت داخلة عشان تبوظ الجورنال وتقفله مع سبق الاصرار والترصد
مين بردو....كانوا شاكين في كام حد
بس الامر لن يفيد إذا عرفنا
خلاص اتقفلت واللي كان كان
___

للأسف القافلة اتفرقت
وما اعتقدش انها ممكن تطلع تانى
عارف
اللي كانوا بيشتغلوا فيها
لما سألتهم ولما كنت بعيط عليها
ولما كتبت البوست ده
كان ردهم ..يا بنتى انسى بقى - مفيش حاجة حلوة بتستمر - لكل شىء نهاية - ياااااااه انتى لسه فاكرة ماخلاص بقى

___________
هههههههههههههه
لدى رغبة ملحة في الضحك
معلش اعذزنى
كنت بتبحث على جوجل
عن اسباب اغلاق اضحك
تصدق يا أخى لسه عاملة سيرش للمرة المليون من يومين
وكأنى حلاقي حاجة جديدة
بعتبر اللى انا فيه ده اشبه
الي الجنون أو تقدر تقول حب مرضي
ربنا يشفيني

قبل ما انسى:D
اولا عاوزة اسجل انبهاري بأن فيه حد
بيعشق حبيبتي المرحومة للدرجة دي
بس بردو مش أدي ....


ثانيا اهلا بك
وربنا يرحم والدك إن شاء الله
وجميع اموات المسلمين

ثالثا
لاحظت أن حضرتك عامل مدونتين..وتقريبا عشان تعرف ترد على البوست ده
رغم انى سامحة ان اى حد يعمل كومنت حتى لو مكانش مدون
أتمنى ان استنتاجى يطلع غلط
وتنضم إلي القافلة..قافلة التدوين طبعا

حاجة اخيرة
أنا ممكن اكتب لحضرتك المقال بتاع مستر محمد فاروق
في العدد الاخير
وابعته لحضرتك عالميل
بس اعذرنى لو اتأخرت شوية

بصراحة مش عاوزة ابطل كلام
مادام عن اضحك للدنيا

سلاماتي يا فندم

آه صحيح
فيه واحد بيبيع جرائد
في التحرير
كنت متفقة معاه انه يجيبلي الاعداد اللى فاتتنى..بس ماحصلش نصيب
المهم يعنى
تقدر توصل للعدد الاخير من خلاله

يالا سلام

amir يقول...

السلام عليكم
اولا اشكر حضرتك علي الرد
وعايز اقولك يا فندم اني اتحداكي انك تكوني بتحبي اضحك اكتر مني وعندي ما يبرر هذا, و ما اظنش انك هاتصدقيه بس دي قصه طويله , المهم
(طبعاً لو حد هيقرا الكلام ده عن اضحك اكيد هايفتكرنا اتنين اطفال صغننين بيكتبوا لبعض )
اولاً اشكرحضرتك علي انبهارك بان فيه حد بيحب اضحك , بس انا اللي عايز اسجل انبهاري باننا احنا الاتنين بس اللي يظهر اننا بنحب اضحك علي هذا الكوكب , حاجه فعلاً غريبه.
ثانياً اشكرحضرتك علي ترحيبك , و الله يرحمنا و اموات المسلمين ان شاء الله .
ثالثاً بالنسبه للمدونتين انا كنت كتبت واحده من حوالي سنه (طبعاً كتبت العنوان بس, لاني مالقيتش حاجه اكتبها من كتر الحاجات اللي كانت في بالي ساعتها) , و التانيه فعلاً لسه عاملها علشان اعرف ابعت تعليقي لكي ( اصل انا لسه جديد في الكار ولسه متلغبط في ازاي اعمل بوست واعرف باقي الامكانيات اللي في المدونات).
حاجه اخيره
طبعاً انا متشكر جداً لكي علي عرضك انك تكتبي مقال محمد فاروق , بس لو اسهل لك انك تسحبيه سكانر يقي اسهل ليكي ويكون اجمل اني اشوف صوره من آخر عدد لحبي الاول و الاخير (اضحك), بس علي شرط لو ماعندكيش سكانر يبقي بلاش تكتبيه .
الميل بتاعي
amirelmelegy@yahoo
هاتعبك معايا معلش بس علشان خاطر اضحك
سلام

غير معرف يقول...

السلام عليكم

لا لا لا خالص اطلاقا بتاتا البتة
نيفر ومينفعش
أن فيه حد بيحبها أدى


انت جالك اكتئاب لما قفلت
انت ماروحتش الكلية لفترة كبيرة بعد ماقفلت
انت لسه بتتكلم مع صحابك عنها
انت كتبت بوست عنها:P

شفت مااعتقدش
__________
وعندي ما يبرر هذا, و ما اظنش انك هاتصدقيه بس دي قصه طويله

امممممم
مين قالك انى مش حصدق
_____________
آه طبعا لو حد قرا الكلام حيفتكر ان العيال دى تافهة
وماوراهاش حاجة غير حتة جورنال اتقفل
وجهات نظر بقى


__________
لسه جديد في الكار
أوك
فيه بلوجات كتير بتتكلم عن انك ازاى تدون
والتقنيات اللى في المدونة
وخصائصها
إلى آخره
وده لينك مدونة بتتكلم عن الموضوعات دى
http://ta3leem-khaled.blogspot.com/
ولو معرفتش حاجة ابقى اسأل
في انتظار مدون بيحب اضحك للدنيا:D

_____________
اسحبها سكانر
فكرة كويسة
بس بردو سورى لانى حتأخر

حبك الاول والاخير
إمممممممم
على فكرة معنديش مانع خاااالص ان حد يحب اضحك
مش مشكلة

سلاماتى يا فندم

amir يقول...

السلام عليكم

طبعاً انا مش عارف اشكرك ازاي مع انك زعلتيني جداً

لأني و انا بقرأ الكلام ده زادني ضيق

اولا لاني زعلت من جديد علي اضحك كاني لسه في شهر مارس 2006

ثانيا لانه لو تفتكري انا كنت كاتب مدونه (عنوان بس) كان اسمها-هو فيه ايه؟- ليه بقي اسمها هو فيه ايه؟ لاني اتخنقت من كل اللي بيحصل حوالينا

-هو ليه البلد بتاعتنا بقت كده -هو ليه الحكومه في حته و الناس في حته و ما حدش عارف يوقفهم عند حدهم -هو ليه احنا بنتكلم بس و ما بنعملش حاجه و كل ماحد يتكلم زي مثلاً اديب او كاتب او عالم كل واحد في تخصصه نحس ان فيه ناس بتفهم وتقدر تعمل حاجه و فأجه يختفي حماس هذا الشخص و ما يعملش حاجه و احيانا الشخص نفسه هو اللي يختفي مش حماسه بس - هو ليه الناس بتتعامل مع بعضها كده -هو ليه البنات بتلبس كده-هو ليه المواصلات بقت كده - هو ليه الناس بعدت عن الدين كده - هو ليه الناس ما بقتش بتفكر غير في الدنيا بس -هو ليه الشيوخ و رجال الدين كل واحد في حته و كل واحد برأي مع ان الناس دلوقتي (اللي هما اساسا بعيدين عن الدين محتاجين حد يهديهم للطريق مش يشتتهم زياده)-

هو ليه بنكتب المدونات دي - بنستفيد ايه؟هو فيه ايه؟حاجات كتيره بقت خانقه الواحد ووصل لدرجه انه خلااااااص-و تساؤل سمعته من حد خنقني جداً

-التساؤل هو اللي خنقني مش الحد اللي بيسأل -

المهم التساؤل هو ليه المخدرات ممنوع بيعها مع ان الخمور مش ممنوع بيعها

مع ان تحريم المخدرات ماخوذ قياسا علي تحريم الخمور في الاساس يعني الخمور هي اللي اساساً حرام

علشان كده انا ما كتبتش حاجه في المدونه لاني هاكتب اقول ايه ما كل الناس بتتكلم , اتكلم بس في حاله لو

الكلام له فايده و تأثيرلكن خلاص...

الدنيا خربانه

آسف علي الرغي الكتير بس اهي شويه فضفضه

و تاني اشكرك بشده علي مجهودك

و ياسلام بقي لو تختاريلي كام مقال كده من العدد الاخير ده وتسحبيهم

مقابل انك لو عايزه اسحبلك اي حاجه من اي عدد قديم انا تحت امرك

انا عندي من العدد الاول الي ما قبل الاخير ماعدا الاعداد 37,38,50,51

اي حاجه غير كده تحت امرك

علي فكره لو عايزه الملف اللي تسحبيه سكانر ما يبقاش تقيل اعمليه

save as و سيفيه jpeg او سيفيه gif هايبقي اخف

شكرا و آسف علي الاطاله

سلام يا فندم

غير معرف يقول...

السلام عليكم

ياااه
زعلت من مجرد مقال
أومال لو قريت الجورنال كله حتعمل ايه
العدد الاخير ده داهية
وعلاج لأى حد عنده اكتئاب وخايف المسأله توصل
معاه لما هو أبعد
وبالتالي يقرا العدد ده
عشان يعيط
وبالتالي يوقف حد للاكتئاب
يعنى مجرد وسيلة للعياط

هو فيه إيه
لا
وانت الصادق
هو مفيش ايه

جميل كل الكلام ده
وده سبب منطقي ومبرر أقوى
عشان تكتب

حتى كوسيلة للتنفيس
مش اكتر


حاضر
حسحب لحضرتك
اللي انت عاوزة
بس بردو
اعذرني لو اتأخرت
لانى مش كل يوم بنزل


وميرسي يا فندم على المعلومة


سلاماتي

أُكتب بالرصاص يقول...

وعلشان خاطرك

عملنا جريدة الكترونية ساخرة

امتدادا لسلسة اضحك للدنيا

mesh2dra يقول...

السلام عليكم

اكتب بالرصاص

انا بجد مش عارفة اشكر حضرتك ازاى
ربنا يكرمك
وشكرا اوي على اهتمامك بتبليغي

شكرا جدااا

سلاماتي