15.2.07

أنا هنا ليه..؟

أنا هنا ليه...؟
أنا إيه اللي جابنى هنا..؟

.مش قادرة=

.مش فاهمة.. مش قادرة على إيه يعنى؟-

.مش عارفة=

.؟؟؟؟-

.أنا إيه اللي خلانى اعمل البلوج ده أصلا=

آه ، يمكن عشان عاوز اتعرف على صحاب جداد وتفكير اجدد

يمكن عشان احط كل اللى أنا عايزه اقوله واللى من الصعب إنه يقال فى الخارج

يمكن عشان ......يووووووووه

كفاية تكهنات

.الأيام حتبين أنا عملت المدونة دى ليه

.طب إيه حكاية مش قادرة دى..؟-

.آه،الحكاية ومافيهاإنى مابقدر اعبر إلا بالكتابة يعنى الكلام كوسيلة للتعبير وسيلة فاشلة جدا معايا=

.طيب برضة إيه علاقتها بالاسم؟-

.مش عارفة بس والله لو عرفت- ده وعد منى- وقدرت احدد اشمعنى حقول لكم=

.متهيألى احسنلك تسميها" مش عارفة" احسن من "مش قادرة-

.مش عارفة=

.وهأنذا احط رحالى فى عالم المدونين=

.اتفضلى حطى-

.شكرا=

.عفوا-

هناك 38 تعليقًا:

أميرة البلطجية يقول...

اهلا بيكي في عالم المدونين يا باشمهندسة
وانا سعيدة اني اوللللللللللل كومنت في البلوج بتاعتك

الحصان الأسود يقول...

شيء لذيذ جدا ان الواحد يحس انة اول حد يعلق في البلوج من اولة مش بس في البوست

المهم اولا ياستي اهلابيكي في عالم المدونين
ومدونة سعيدة بإذن الله
خشي برجلك اليمين

وعلى فكرة اسمك حلو

قال مش قادرة قال

انا بقيت حاسس اننا بقينا شعب مش قادر من أولة لأخرة اصلا

:)

ربنا يقدرك ويقدرنا

SomeOne يقول...

اولا
مبروك

ثانيا
ممكن اعمل دور الناصح

ادخلي مدونات عربية وتصفحي المدونات الموجودة

وعندما تجدي بوست لك فية وجهة نظر

أؤكد

لك فيه وجهة نظر

ضعي عليه كومنت

وياريت تقللي من الكتابة في السياسة
لان المدونات السياسية
كترت و باخت

نجاح اي مدونة يقاس أولا بمدى متابعة صاحبا للمدونات الاخرى

ثم
بالمواضيع التي يكتبها

المواضيع الهامة و الحساسة قوي
لاتكتبي عنها في بداية عهدك التدويني
لان كتير من اللي بيقرالك دلوقتي
ومنهم انا

بيبقى مجاملة
عشان يجعلك من قراء مدونته

احم احم

كفاية كده نصايح

واخيرا احييك على اسم المدونة
والذي سيكون أحد أسباب نجاحها

و السلام عليكم ورحمة الله و بركاته

اروي الطويل يقول...

منوره التدوين العربى العالمى المصرى اتارينى بقول الكمبيوتر بيفصل ليه اتارى الكهربا زايده يللا سلام

غير معرف يقول...

هههههههه ماشي يا أستاذة مش قادرة

على فكرة مش قادرة أعمق من مش عارفة

لكن مش عارفة أخف في النطق

بانتظار بوستاتك وحاجاتك

سلام

koukawy يقول...

اهلا بيكي سواء كنتي مش قادره او مش عارفه00

متغيرة شوية يقول...

بصي يا فندم
مدام انتي هنا يبقى عملتي الاختيار بكام ارادتك الحرة ، تستحقيه وهو يستحقك

ربنا يوفقك في البلوج ويبقى كبييييير وزواره كتيييييير وتحققي بيه كل اللي انت عايزاه

غير معرف يقول...
أزال المؤلف هذا التعليق.
غير معرف يقول...

السلام عليكم


أميرة
وأنا كمان والله أسعد كتيييير
أميرة هنا لا وبلطجية كمان:d

سعيدة كمان أن أول تعليق ييجى من بنت
تفرقة نوعية بقي:d

غير معرف يقول...

السلام عليكم

الحصان الاسود
اسم حضرتك هو اللى لذيذ

نورتنى كتيير
:)

غير معرف يقول...

السلام عليكم

شادى فايد
شكرا على دور الناصح
وشكرا جدا على النصايح


سياااااسة مين سياسة دى
ما أنا قلت انى "مش عارفة":d

غير معرف يقول...

السلام عليكم

أروى الطويل

منورة بوجودك أروى
وكمان العالمى
هههههههههه

غير معرف يقول...

السلام عليكم

أحمد منتصر

أنا برضة بقول كده
بس هى مش مقتنعة

سعيدة بمرورك

غير معرف يقول...

السلام عليكم

koukawy

يا هلا بيكى

شرفتينى

غير معرف يقول...

السلام عليكم

متغيرة شوية

ياارب آمين
احنا وانتم

اسمك جميل أوى على فكرة
:)

مصر هى أمى يقول...

مش قادرة
مبروك على المدونة
انا قلت اعدى ابارك مع انى متعزمتش فى الافتتاح بس ما علينا المدونات ديه مجال جميل اوى علشان تلاقى اصحاب على النت والواحد يكتب عن كل العقد اللى عنده ويخرج الكبت الموجود فى الواحد اللى جايله من الشغل والمواصلات والاهل والسياسة وكل حاجة متصدقيش الكلام اللى فات ده المدونيين مش مجانيين ولا حاجة فى مدونات جميلة جدا وتقدرى تكتبى اللى انتى عايزاه صدقينى هتفيدك فى حياتك وتنمى شخصيتك

وعموما انا محتفظ بحقى فى التورتة والحاجة الساقعة اللى مختهاش فى الافتتاح

islamventura يقول...

يا ستى و الله كلنا مش قادرين
كلنا مش عارفين
كلنا مش نافعين
و لكن بنحاول
اتمنى انك تزورى البلوج عندى

غير معرف يقول...

السلام عليكم

مصر هى أمى

الله يبارك فيك
أنا مقتنعة تماما أن عالم المدونين رائع
بس زى أى حاجة مافيها الكويس وفيها الي مش كويس

وأكييييد حقك محفوظ في التورتة والحاجة الساقعة
الدار أمااان
:)

غير معرف يقول...

السلام عليكم

islamventura

وكلنا مش موجودين
ويمكن منفضين
بس نافعين إن شاء الله

:)

غير معرف يقول...

مش قادرة باشا

خطوة جميلة منك انك تعملى بلوجاية اخيييييييرا ... اصلي كنت فى انتظارها من زمان
على العموم انا مش منتظرة تردى علي تعليقي ده بكلام عادى ...انا عايزة موضوع جديد تنزليه على البلوج الحلوة دي يكسر الدنيا

فى انتظار الجديد دايما منك يا قمر

كراكيب عادل يقول...

مش قادرة

الصورة الي حاطاها معبرة جدااا

بس يا تري عن ايه ههههههههه

اهلا بيك

الحصان الأسود يقول...

الصورة اللي انت حاططها يا كراكيب عادل هي اللي بصراحه معبرة قوي

بس معبرة عن حصان اسود جامح يسابق الريح
اتى من سهل فسيح بقلبة الجريح ليكتب يومياتة ويستريح

مش كدة برضة

كراكيب عادل يقول...

الحصان الاسود بعد اذن مش قادرة

هنستخدم صفحتك ارد منها

ههههههههههههههههههههه انا ضحكت بجد هو انت كل ما تشوف الصورة دي تفضل تفسر وبعدين فيك ما قلنا اوصلة للمدونة انا موضوع الخيل ده معاي كبير
بحب الخيل بس الحقيقي مش الرموز تقدر تقول فارس

نرجع لضربة شمس

تعرفي فعلا موضوعك جميل الحياة بتكون مملة جدا من غير حد يتابع اخبارك
بيكون شئ ممل انك تكوني في مدار لوحد وباقي الناس في مدار موضوعك جميل وكانك بتتكلمي بلساني

غير معرف يقول...

السلام عليكم


مومو حبي
سعيدة بتعليقك جدا
ولا كلام عادى ولا بوستاية جديدة أقدر أرد بيها عليكى
إنتى عاوزة تمثال من دهب خالص
:)

غير معرف يقول...

السلام عليكم

كراكيب عادل

مش عارفة بتتكلم على أنهى صورة

وأهلا بيك

غير معرف يقول...

السلام عليكم

كراكيب عادل

البيت بيت حضرتك
بس مش عارفة..حاساك غلطان في العنوان

اهلا بيك على أى حال

كلبوزة لكن سمباتيك يقول...

السلام عليكم
انا متهيالي تركت تعليق قبل كده
مش عارفة راح فين

اشكرك على انضمامك لنا
تحياتي

غير معرف يقول...

وعليكم السلام

مفيش حاجة عندنا بتووه
:D

لا شكر علي واجب يا فندم

الأباصيرى يقول...

الله

دة فى مدونة جديدة أتفتحت هنا

هروح ألبس البدلة وأجى أبارك

غير معرف يقول...

السلام عليكم

الاباصيري

يا سلام
تشرف يا فندم


نورت البلوج
:)

AbdElRaHmaN Ayyash يقول...

جميلة و الله المدونة
بداية حلوه اوي
ربنا يوفقك يا .. اللي مش قادرة
:) اسباب التدوين اللي كتبتيها في منها كتير دخل دماغي
بس فعلا اهم حاجه
انك تتابعي المدونات التانية
سلام

ody911 يقول...

منورة

بجد

وعادى بقة
أودى

غير معرف يقول...

السلام عليكم
عبد الرحمن

شكرا يا فندم

منورني دايما
:)

غير معرف يقول...

السلام عليكم

أودي

بوجودك

وعادي عادي .. كله عادي

الحصان الأسود يقول...

مش قادرة

الصورة اللي يقصدها كراكيب هيه الصورة اللي هوة خدها من مدونتي وعاملها بروفيلة و عامل مش فاهم وبيقوللي اوصلهالك لمدونتك برغم انة اصلا واخدها منها

وعلى رأي أودي وعادي بقى

هيه جت علية

غير معرف يقول...

السلام عليكم

الحصان الاسود

ياسيدي
مش صورة هي اللي حتخليني ازعل من حد

وعادى فعلا..الدنيامش مستاهلة


ميرسي على التوضيح
وعندي صور كتير
بس متزعلش

سلاماتي
:)

غير معرف يقول...

السلام عليكم

الحصان الاسود

ياسيدي
مش صورة هي اللي حتخليني ازعل من حد

وعادى فعلا..الدنيامش مستاهلة


ميرسي على التوضيح
وعندي صور كتير
بس متزعلش

سلاماتي
:)

غير معرف يقول...

هاى
hi